.. ( يمه وينك ) ..؟

[بركات الشمري]

يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !


طفلتك ماعاشت " إحساس" الطفولة !
............. فاقده في هالزمان ... إحساسها !

شافت إن الصبح ..... ماتقدر تطوله !
............. وازفرت .. ونّه ! ورى أنفاسها !

واحضنت هالليل والورد ..... وذبوله !
............ لين مانامت ...... على كراسها !

فيه شي ٍ لو قدرت إني ....... أقوله !
............ كان شفت الناس ... حبّت ناسها !



يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟




.

[شهيدة الفلوجة]

الصورة جدا معبرة

والكلمات رائعة وراقية جدا

تسلم يمين سطرت الموضوع عيني بركات

والله يرحم الوالدة والوالد ويسكنهم فسيح جناته

وجميع اموات المسلمين

[بركات الشمري]

.

شهيدة الفلوجة

سعدت بحضورك / نورك ..
أبعد الله عنك ِ وعن جميع أوجاع هذه الدنيا ..

دمت ِ بـ نقاء

.

[فـتـــــــــون]

يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !

...

كلمات عذبة ... اخترقت طريقها للقلوب بسلاسه ...
دونما تكلف ...
خاطرة حزينه ...
تكشف لنا ... احساس مرهف ...

...

روعة حروفك ... انتشلتنا من واقعنا
لعالم آخر

...

لك مني كل محبة وتقدير

[بركات الشمري]

.


فتون !
لامست ِ " الجزء " الأصعب من النص !
تملكين إحساسا ً مرهفاً بلا شك ..
وروحا ً عذبة ..

شكرا ً لـ عذوبة هذا الحضور ..
وشكرا ً لـ قلبك

دمت ِ بـ نور

.

[أبو رائد]

بركات الشمري

ننتظر ما تكتب بفارغ الصبر

رائعة من ورائعك ..

الله يعطيك العافية ..

[بركات الشمري]

.

أبو رائد

الله يعافيك ياخوي ويسعدك ..
أسعدتني والله

دمت شامخا ً

.

[عواد العنزي]

اقتباس المشاركة الأصلية كتبت بواسطة بركات الشمري يمه وينك !؟ آنا بنتك .. " ضي عينك " ! شوفي وش قرب المسافة بين أهدابي وبينك !؟ بس ّ يمه أنتي وينك !؟ يمه قومي !؟ توني أصحى على الدنيا .. دخيلك لاتنومي !! من يرتب لي الدفاتر !؟ من يبدّلي .. اهدومي !!؟ يمه بدري .. والله بدري ! آتهجّاها اهمومي ! يمه مات ! كل شي ٍ كنت أحسه " حي " في هذي الحياة ! " الأمل في رجعة الأحباب " " صوت الأمنيات " ! وكل شي ٍ كنت أحبه .. مر .. ودعني .. وفات ! طفلتك ماعاشت " إحساس" الطفولة ! ............. فاقده في هالزمان ... إحساسها ! شافت إن الصبح ..... ماتقدر تطوله ! ............. وازفرت .. ونّه ! ورى أنفاسها ! واحضنت هالليل والورد ..... وذبوله ! ............ لين مانامت ...... على كراسها ! فيه شي ٍ لو قدرت إني ....... أقوله ! ............ كان شفت الناس ... حبّت ناسها ! يمه ضميني بـنام ! خايفة أبقى لحالي عايشه وسط الظلام ! عام مُرّ .. ومر ّ عام .. وآنا كل ليلة أتمتم : بكرى تذبح لي حمام !! يمه وينك !؟ ماتت اللهفة بيدّي .. تنتظر لهفة يدينك ! يمه خوذيني معك .. بس اشوفك .. واسمعك ! ودي لو أقتل بصدري هالسؤال : يمه وينك !!؟ .

بركآآآآآآآآآآت الشمري

عيني عليك بارده ياشيخ

رائعه لحد البكاء!

سلمت يالغالي

لاتحرمنا جديدك بأنتظارك

إحتراااااااااااااااااااامي

[بركات الشمري]

.

عواد العنزي

أخجلتني باإطرائك وكرم حضورك ..
سعيد بك والله ياعواد ..
سعيد بك كثيرا ً ..

دمت وبشموخ

.

[سامي الشمري]

فيه شي ٍ لو قدرت إني ....... أقوله !
............ كان شفت الناس ... حبّت ناسها !
.
.
يمّه ضمّيني بنام ..!

يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟


ياااه يا بركات ..!


هذه الكلمات لا تُمَل ..!


و أنت أيضا ً ..!

لا تـُـمـَـل ..!