من خانني يفداك يفدى نعالك
هذا ردي قاصرات خطاويه
ماله دخل نذل حقير وهالك
ضعيف نفس ماحد اليوم يبغيه
ماكنت متوقع غدر بي وجالك
ظهر على المكشوف بانت خوافيه
والله ماأفعلها وأنا لو مكانك
إني لأسبه وأتحاشاه وأكويه
كأنه سكرتي يابنيه وخادمك
يكشف جميع الأسرار ياليش هنتيه
ياكم بعد عرفك تعرف وعافك
قد خان أخوه الله يعجل مساويه
أقدم على نفسه تجرأ وجالك
وأهداك كيس الحب وأنتي حملتيه
ليته سكت من بعد جرمه وخافك
كم يفتخر بين الوراعين يحكيه
أكيد ناوي في الهديه خداعك
لو هو كفواً حرمة البيت مايجيه
هذا هبال منك وألا اش علامك
تكفين بيت العز لاتغدري فيه
بيت عزيز ساسه الطيب دارك
ومعروفة بين القبايل مراسيه
الله يحفظ بوك ويعز شانك
إليا طلبتي منه شيء يلبيه
أنا عزيز النفس وأنتي كذلك
واللي عزيز النفس ماني بناسيه
أنا تعبت من الهوى في مجالك
وأحب شخص ساكن القلب وأحميه
الحين محتاجك وفاقد حنانك
لاصرت فاقد شيء وشلون تعطيه
الطير يخجل من بهاك وجمالك
ويصفق الجنحان ويضيع ويتيه
والصوت ذاب من الغلا ياحلاتك
تقطعت الأوتار ماعاد تدعيه
شكراً على الأخلاق ياطيب ساسك
وعفواً لشخص مالقى حل يرضيه
مادرى عني وأنا اللي كل يوم في عذاب
لوفتح قلبي قرأ اسمه في شرايين الوريد
العرض المتطور
