ابد ارأيك هل هذه الظاهره صحيه أم لا . . ؟ ؟ ؟

[سلمان الشمري]

بسم الله الرحمن الرحيم


\\



وكالعاده الاسبوعية الممله والغير محببه لقلوب للرجل السعودي وهي تقضية اغراض
البيت من السوق ( خضرة . مستلزمات . و . و .و )

بالسعودي مقاضي وبالكويتي ماتشله وبالشامي غراض البيت<---تعلموا يالبدو



ستسألون مالجديد أقول لكم


أنا اقوم بشراء الاغراض من مكان متوفر به كل شبئ من المستلزمات وغالب المحل رجال
الغريب هو وجود النساء بهذا المحل يعني المحل اغلبيته رجال يعني لو انهن راحن ( لبنده والا
المخازن والا المحلات اللي مخصصه لهن مو احسن )

يعني بالله تخيلوا عشرة رجاجيل وبينهم حرمة جايبه السواق ويدف العربيه
والا الهندي شايل الوغدان ويلاعبهم وهي تشيل من هالعفش وتدفك وتساقطك
بهالزحمه لدرجت انك تستحي


\\



المشكله والمصيبه اني يالربع لاقين رجال يدف العربيه والحرمه تقول للهندي
بكم يارفيق وبطول حسه ( صوتها )
وهو يلعب الوغد ويدف العربيه تقل هندي الا لعن الله مجنى العدو يالخيخه




لاحد يقول يمكن مايعرف يتقضى تراه سهله والخضرة مهي تنقيه لا
مغلفه وجاهزة فقط شل وروح لاهلك




وشرايكم بهالظاهره يالربع وهل هي من اسباب توسع طبقة الاوزون


قصدي هل هي صحية ام لا ؟؟؟







الغريب بالموضوع هو















































































































































اني دورت زيت عافيه ومالقيت سالت الهندي قال مافيه ايجي





سلمان الشمري

[][][ SiCK_LOvE ][][]

والله انا ادخل طال عمرك اخم اللي قدامي و اشوفه موجود بالورقه واطلع واللي انساه او ما القاه اقول مالقيته وكنه العيد ,,,

اما مسألة ان المرأه تروح انا اقولك ليش ,,,

في بعض الحريم تحب هي تختار اغراض البيت بنفسها لان في انواع و هي تبي تشوف وتقرا هذا اللي يقولونه طبعا ,,,

بس بالاساس تلقاها المسكينه تبي تشم هوا زهقت من البيت ,,,

بعدين هذا الرجال ماعتقد انه يدري انك بتكحل بزوجته وتقط اذنك عندها لو يدري ما اخذها معاه :>>

خلو الناس بحالها ,,,


واشكرك على الموضوع الحلو والمهم ,,,


اخوكم : مـــــحـــــمـــــد

[سلمان الشمري]

اهلا باالاخ سك لوف

اقتباس في بعض الحريم تحب هي تختار اغراض البيت بنفسها لان في انواع و هي تبي تشوف وتقرا هذا اللي يقولونه طبعا بس بالاساس تلقاها المسكينه تبي تشم هوا زهقت من البيت

هذي قضية اخرى وهو ان الرجل مايطلع اهله الاا الى السوق وايضا مشكله ...

اقتباس بعدين هذا الرجال ماعتقد انه يدري انك بتكحل بزوجته وتقط اذنك عندها لو يدري ما اخذها معاه :>> خلو الناس بحالها

وش قصدك يالغالي ؟؟

اسمع يابعدي جيتك هنا نتناقش ونتكلم عن ظاهره وبالنسبه للتكحيل او المغازل
فوالله مااذكر بيوم اني طلعت عشان اغازل وكلن يرى الناس بعين طبعه ؟؟


كلنا ياعزيزي ناخذ اهلنا للسوق ولكن فرق بين الرجال والخيخه وفرق بين واحد
يودي حرمته للسوق عشان تشتري ثياب او اثاث .....
وواحد يرسل حرمته مع السواق او ياخذه ويروح عشان تشتري لبتون والا كرتون
طماط او طحين او رز ؟؟


اتوقع الان وضحت لك الصوره ؟؟

اقتباس واشكرك على الموضوع الحلو والمهم

وانا اشكرك يامحمد على المرور والمشاركه واعذرن على االلهجه
الجاده او الخشنه




لاعدت طلتك يابعدي

[الود طبعي]

يعطيك العافيه
انا معك يالشمري
انا الحرمه لازم تكون محترمه لم يكون معها رجال او مامعها احد
واذا كان معها رجال ليه هي اللي تسأل الهندي "الا اذا كان اللي معها اطرم"

بس بالاساس تلقاها المسكينه تبي تشم هوا زهقت من البيت ,,,
ههههههههههههاااااااي حلوه ياسيك بهذي صدقت

[سلمان الشمري]

اقتباس يعطيك العافيه انا معك يالشمري

وانا معك<---على الريحه

اقتباس انا الحرمه لازم تكون محترمه لم يكون معها رجال او مامعها احد واذا كان معها رجال ليه هي اللي تسأل الهندي "الا اذا كان اللي معها اطرم"

ياسلام عليك لكن بعض الرجال بوقتنا هذا اصبحت المراه هي من تدير المنزل
اما بسبب دلاخة الرجل او طقاعته ( خوفه)

اقتباس بس بالاساس تلقاها المسكينه تبي تشم هوا زهقت من البيت ههههههههههههاااااااي حلوه ياسيك بهذي صدقت

خلصتي ضحك


تابعي ردي السابق على هالجزئيه



صدقيني سعدت بمرورك واطلالتك وردك


الف شكر

[عشق الشمال]

اقتباس المشكله والمصيبه اني يالربع لاقين رجال يدف العربيه والحرمه تقول للهندي بكم يارفيق وبطول حسه ( صوتها ) وهو يلعب الوغد ويدف العربيه تقل هندي الا لعن الله مجنى العدو يالخيخه

والله من الرخاااااامة الواااااجد

حلاتها حطته بالعربية مع المقاضي مدري الماتشلة مدري أغراض البيت مدري تعلموا يابدو

يارجااااااال الحين صااااارن هن الرجااااال وهن اللي يتحملن المسؤولية والسبب هو هالرخوم

اللي مغير يتسدحوووون لا شغلة ولا مشغلة !!

الله يعطيك العافية ,,

[سلمان الشمري]

\


الغالي عشق الشمال


شكرا لمررورك وردك يابعدي



عشت وتسلم يمينك



\



سلمان

[عهد الغرام]

يعطيك العافيه

وأشوف ما فيها شي لانه حنا عندنا امي هي الي تشتري اغراض البيت

وكل الجمعيات فيها حريم تشتري وساعات الرجال وزوجته يشترونها مع بعض

الصراحه ما اشوفها مشكله وظاهرة غريبه

ويسلمووووووووووو


ولك

[سلمان الشمري]

اقتباس المشاركة الأصلية كتبت بواسطة عهد الغرام يعطيك العافيه وأشوف ما فيها شي لانه حنا عندنا امي هي الي تشتري اغراض البيت وكل الجمعيات فيها حريم تشتري وساعات الرجال وزوجته يشترونها مع بعض الصراحه ما اشوفها مشكله وظاهرة غريبه ويسلمووووووووووو ولك

يعجبني فيك ردك الهادي ونقاشك الواعي ..


\


انا قلت بموضوعي

اقتباس الغريب هو وجود النساء بهذا المحل يعني المحل اغلبيته رجال يعني لو انهن راحن ( لبنده والا المخازن والا المحلات اللي مخصصه لهن مو احسن )

يعني لو كان باي مكان به حريم مايخالف لكن انتي شطحتي شوي عن موضوعي




لاعدمت مرورك

[فارس الحب]

(((( الممــــــــــــــــــــــنوع مــــــــــــــــرغـــــــــوب ))))

كم كنت اتمنى ان أجد بين قائمة الإبتسامات علامة ممنوع الوقوف قطعيا

لي عوده هنا قد تطول و قد لا تطول و لكن عليك ان تسجل إعجابي بقلمك منذ البدايه

و أرجو ان أجدك مستعدا للنقاش الجاد في أحد فرعيات موضوعك يالغلا

تحيتي

فارس الحب