بسم الله الرحمن الرحيم ..
السلام عليكم ورحمة من الله وبركاته ,, أخواني وأخواتي
أعضاء هذا المنتدى الرائع بمن فيه ,, والرائع بقلوبكم الصافية
حصل معي موقف أول أيام عيد الفطر وكتبت فيه قصيدة قصيرة حبيت أن
أطلعكم عليها من باب أولا مشاركتكم لي بأموري وثانيا من باب التنقيح والتصحيح
في القصيدة إن وجدت وأتقبلها منكم بكل رحابة صدر .. الموقف أولا ثم القصيدة ,,
الموقف هو أني حبيت أعايد خوالي بالعيد وأصبحهم بالخير طبعا كانت بالتليفون
لظروف العمل المهم كلمت خالتي أولا وعايدتها ,, وأسمع الصوت فيه غصة وحزن
لكني ما عطيت الموضوع بال قلت يمكن توها قايمة من النوم وقلت لها من عندك من الخوال
قالت جدتك عندي قلت عطينيها أسلم عليها ويوم أسمع الصوت ولا نفس الحكاية ,, ؟؟؟؟؟؟
هاه ,, وش السالفة محد راضي يعلمني .. وين جدي قالت هذا هو وأكلمه ولا نفس الشي
وين خالي وأكلمه ولا مثلهم ..قلت وش فيك يا خال قال مافي شي .. بالله عليك وش فيكم
قال لا بس الواحد بالعيد يسترجع ذكرياته شوي .. وأنا أقفل الخط وتنقلب الدنيا بوجهي
عاد وشي الذكريات ,, خالي كان من شهداء الواجب ضد الإرهاب وإستشهد السنة الماضية
وهذا أول عيد يمر عليهم بدونه وقعدو يتذكرونه ويبكون المهم أنا قلت :
مصباح عيد الفطر عايدت لي خال
وذكرت من صوته علوم قديمة
عايدته وتمنيت له طيبة الحال
وقالي ترا ياخال حالي سقيمة
قلت العوض بالله هو يعدل الحال
لغير الله الشكوى تراها ضليمة
وقلت العوض بأخوانه وتراهم رجال
أهل العلوم الغانمة والحشيمة
رجالهم يعدل عن ألفين رجال
ومعاشرتهم طيب وأكبر غنيمة
وكل أمورك لله هو يصلح الحال
اللي ما يرضى الظلم ولا الظليمة
وتحيتي تاصلك حلن وترحال
وجعل القبر يسقيه همال ديمة
وسلامتكم يالغالين ,,
المواضيع المتشابهه
العرض المتطور
