قصيدة في المكياج ولا أروع

[مطنوخ شمر]

قصيدة في المكيـاج ولا أروع ..


يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي



قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

[نجمة السهيل]

مافيه بنت الحين ماتحط ميك اب
سلمت يمناك مطنوخ شمر
دمت بخير
نجمة السهيل

[عهد الغرام]

يعطيك العافية


منو كاتب القصيدهـ والله كسر خاطري

شكل ماخذ مقلب


ويسلمووووووووووووووووووووو


ولك

[فتاة الجروح]

سلمت اخوي مطنوخ
على النقل الجميل
يعطيك العافية

[ســـــوار]

ههههههه
قصيده ممتازه

[فيصل البلوي]

صباح الخير

الزين زين ولو قام من نومه

هم لو يدرون من وشو يصنع المكياج...

تعرفون التاتو (الوشم)...جديد عالم صيحات المك اب هالايام يرسمون الشفايف رسم بالوشم كنها طبيعي وكذا... سالفتهم انهم مجموعه من المراهقات الالمانيات اكتشفو ان المكياج يصنع من مواد.....

وخترعو فكره الوشم بديله عن المك اب

عموما الجمال جمال عقل...

[حنين]

ههههههههههههههههههههههههههههههه

ما فيه احد مايستخدم المكياج من البنات