[poem=font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="solid,4,deeppink" type=0 line=0 align=center use=ex num="0,black"]
ألا يالهبوب اللي على رغبتك تمشين= تروحين من ديره وتمسين في ديره
أبا عطيـــــك مرسولي تودينه الغالين =تودينه اللي مبعــــــــدات ٍمشاويره
وقولي له اني من فراقه سهير العين=اخيل السحاب اللي تكاشف نواويره
لياشفــــت برق الليل يبرق ونوه زين = ذكرت السنين الماضيه يالله الخيره
تذكـــــــرت يوم انّا على فالنا ماشين= نشم النفل والعشب نقطف ازاهيره
ولابيننا حــــــــــاسد ولا بيننا واشين= وجيه النمايم مالهم عندنا سيره
ودامت علاقتــــــنا قرابة ثلاث سنين=بعز وشرف والكل معروف تقديره
ومن بعدها صرنا بوسط البلد ناحين= انا شرق وانتي غرب يا ما ابعد الديره
وصرنا كما الاغراب عقب الرخا واللين= علينا الزمان الشين دارت دواويره
ياشين الفراق ولوعته والزمان الشين= ليا صارت الاوضاع ميله ودحديره
ولكن نبي نصب ر ومن ربنا راجين = وهوعالم ٍبالحال ويعـــــرف تقديره
وحنا بقسمة ربنا دائما راضـــــــــــين= رضينا بما يقــــــسم لنا شره وخيره
لعل الكريم برحمتـــــــــــه يجمع الاثنين=على ملة الاســـلام ماعندنا غيره[/poem]
عبدالرحمن الميزاني
[/align]
العرض المتطور
