[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(الليلــه أحساسي غريــب) اش صاربي يا قصيد=من ضيقتي كني على رجلي وصلت الحسـا
أراقب النجمات وأدوّر على هلال عيـد=حتى لقيـت الليـل من شدة سواده قسـى
من بعد ماكان المـسـى يجعل فؤادي سعيـد=حرمــّت اقول الله وأكبـر يا جمال المـسـى
اليوم مثل الأمس مابه شي غيـر وجديد=أستغفر اللـه كـن قلبي منخلق للأسـى
أعاتـب الأيام وأدري ذا العتــب ما يفيد=واقول في نفسي وانا قاسي عليهـا عسى
وش فيك يا الخفجي علي ؟ مايكفي أني وحيد=غريب نفس ومركبي فوق المآسي رسى
لو كنت ساكن بك ولي ربع وعمام وعضيد=مادار يوم الا وانا حزني لقلبي كســى
من هو نساني قلت جعله خير لي يا فهيد=له يوم وبيرجع وابنسى مثل ماهو نسى
حنا عطانا الله قلب ٍ صلب مثل الحديد=وشلون نبكي من جفا والا فراق النسى
لاصرت فاقد طير شلوى راس مال الرصيد=يحق لك تبكي وتفخر في دموع الأسى[/poem]
المواضيع المتشابهه
[/align]
العرض المتطور
