كل من عاش بالدنيا يشوف العجايب - احمد الناصر الشايع

[عزيز نفس]

[align=center]السلام عليكم ورحمة الله وبركاته

هذه اول مشاركه لي معكم وهي قصيده للشاعر احمد الناصر الشايع

ارجو ان تنال اعجابكم

كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عندالله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

كم صبي تحسب انه ع الضرايب
وان بخصته , كرهت الديره اللي نزلها

مايسر ان حضر , وان غاب ماقيل غايب
مار الارزاق عند ربٍ لخلقه كفلها

مايضد الضديد ولايفيد القرايب
يوم نفسه تعدى حدها من زعلها

وفيه رجل يحل المشكله والنشايب
كل ماحملوه الواجبات احتملها

وااقفٍ للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها

وفيه منهو مسالم مايحب الطلايب
مشتقى من رضى نفسه ولا من زعلها

وفيه منهو اذا كبرت عليك المصايب
ساق وجهه وجاهه لك ونفسه بذلها


وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها [/align]

[~أصداف~]

.
.

وعليكم السلام ورحمة الله وبركاته ..

.
.

اقتباس وفيه منهو يعيش وعيشته بالسبايب كل ماسمعله غلطة من رفيقه نقلها وفيه منهو على نفسه رضى بالغلايب الله اللي رفع نفس ونفس خذلها

صح لسان شاعرها ..

وأنتقااااء مميز ورائع ..

.
.


يعطيك العافية ..

لك أحترآمي ..

[الدر المكنون]

مشكووووووووووووور


اختيار موفق

[عزيز نفس]

اصداف

يعطيك العافيه على المرور

[عزيز نفس]

الدر المكنون

الشكر لك لتواجدك في متصفحي

[عزيزة نفس]

يعطيك الف عافيه,,,,,,,,,,ومشكوووووور

[قلب ألاسد]

بيض الله وجهك وجه الشاعر الكبير الغني عن التعريف والله توافق زمنا الحاضر


مشــــــــــــــــــــــــــــــــــــــــــــــــ ــــــــــــــــــــــــــكور

[عسوووووووووووله]

عجايب الدنيا وناسها

وفيه رجل يحل المشكله والنشايب . . .كل ماحملوه الواجبات احتملها


تسلم يمناك عزيز النفس