الشباب نصابين وأنا أقول البنات انصب

[ابوراكان]

طبعاً تحسبونه تحامل على البنات لا وربي أنا أقول الحقيقه من منطلق بحث وتحري وتجربة «دبوس عواطف» بس لا شفت هالمسيكين اللي محملينه وزر هالبنت ومخلينه هو الخاين وهو اللعاب وهو ملعون الخير خلان أشوف بجد وش مفهوم الخيانة والغدر اللي يتكلمون عنها وايش هو اللعاب في نظرهم.. واستنتجت عن طريق الشاتات كالتالي:
أولاً إن الولد يدخل الشات عشان يغازل البنات «طيب انتو يا البنات داخلين وش تسون؟ فاتحين بلكونة الشات وجالسين تدورون هوا ربي»؟!

وان الولد يعرف خمس بنات في لحظة «ولا البنات ما يعرفون الا واحد؟! ليه شركة الاتصال في تعبئة الطلب عند البنت شارطة عليها تخزن رقم واحد عقب أمها وأبوها؟

3 - إن الولد نادر ما يكون وافي مع اللي يحبها «اعرف لي مسكينة من كثر وفاها حالفة ما يدفع فاتورة جوالها غير حبيبها خاصة لا تعدت الفاتورة 4000 ريال لين تجمعت 80 الف عندها من كثرهم».

4 - إن الولد سهل يقول كلمة احبك لعشر بنات في لحظة «اعرف بنت قصدت قصيدة في حبايبها سمتها قصيدة الوفاء كل دلخ فيهم في شطر بيت لين شفت قصيدة قوامها 24 بيت».

5 - إن الولد جريء أجرأ من البنت في البوح بعواطفة « فيه بنت في الماسنجر عندي تقول لو الحب على شكل لوح يمدي راس حبيبي شرووخ ».

6 - ان الشاب لعاااااب يلعب في البنت مثل الكورة «مدري منهو اللي مطلع مثل الرجال مثل الورة تضربينه بالجدار يرجع لك وربي إن كان هو لعاب فالبنات مدربين منتخب بالنهار وفتوة باليل».

7 - ان الشاب ماله قلب وانه ما عنده رومانسية وانه دفش «لا مركب فلتر زيت والبنت مشاء الله عليها كلها رقة وحنان ورومانسية. وربي بعض الاحيان تكلم بنت تحسبها رجال من دفاشتها».

8 - ان الشاب كذاااب ويا كثر من كذب على البنت «اعرف لي بنت تكذب في الدقيقة ست مرات عادة وخمس مجاملة».

يعني باختصار ابلعوا العافية ما عطا الرجال الا وعطا البنت الا ان البنت اخبث في تعاملها بحكم ضعفها اللي تدعيه وغير كذا ماله داعي يدعون ان الشاب كله عيوب وانالبنات ذابحهم الكمال وربي ان عقب اللي شفته وخلو مني اللي سمعته لأني ماعتمد عليه انه شاب راسي لين صرت أتخيل كل حرب حاصلة في هالعالم وراه كونداليزا رايس من بغت السلامه تفك راسها من انياب الذيب ومن بغت اللعب لا تشتكي من كسر ركبها ولا اعمم البنات كلهم ولا اعمم الشباب لكن اخص البنات اللي يناظرون عيوب الشباب وناسين عيوبهم يا كم بنت في بيتها ما طلع منها العيبة ويا كم ولد في بيته ما طلعت منه العيبة كلن حافظن نفسه ومسكرن حلقه وعلى فكرة أنا أخص فقط اللي من يهمه الأمر اللي مردغين خشش الشباب على ازفت الإنترنت التخصصي «الله يرفع عنهم ولا يبلانا».. اقول اهااا بس لو صفحتي تعرض صور عرض لكم صور شباب انتهو بالمخدرات والمسكرات مهبل انجرفوا ورا لعب البنات بأحاسيسهم ومشاعرهم والزج بهم في غياهب الضياع .................

[ابو خالد]

والله انك صادق يابو راكان
البنات انصب من الشباب تدري ليش ؟.... لأنهم حصلوا مثلك وشرواك .


<<< يبغى يطلع فضايحك بهذه المناسبه الحلوه

أنت أول الضحايا والمنصوب عليهم
( بطاقه سوا ) .... للتذكير فقط .


احتراماتي ..

[عبدالله اليامي]

مهو بشرط فيه كذا وفيه كذا

احيان الشباب يكونون ذياب

واحيان يكونون البنات عقارب

وفيهم الي على نيته

وفيهن الي على نيتها وتصدق الكلام المعسول



يعني الناس مهي بسوا



تحاتي

[ابوراكان]

يعطيك العافيه المولع واشكرك على الرد

[مشعل الشمري]

شكرا ابو راكان

بس انا اضم صوتي لصوتي زميلي المولع

وشكراا

مشعل

[الجوووري]

ابو خاالد وشي فضيحة ابو راكان
<---------- ياحبك للفضاايح

اخوي المولع كلامك كله حكم وانا اقول مثل اخوي المولع احيانا الشباب يكونون ذياب

واحيانا يكونون البنات عقارب

مشكوور اخوي ابو راكان على الموضوع

اختك الجوري,,

[ابوراكان]

الجوري ياحبك للمداخلات وتبغين تعرفين اي شي عني الله واكبر عليك اشكركم على المشاركه وكذلك المداخلات الرائعه من جوررررررررررررررررررري

[راضـــي]

[align=center]وانا اقول ان البنات مايعرفن النصب <<<< وش السالفة


بس انا مع اخوي المولع طبعا لان فيه فيفتي فيفتي <<<< حلوووة فيفتي

يعطيك العافية ابو راكان [/align]

[ابوراكان]

اشكرك على المشاركه اخوي راضي