اصبحنا واصبح الملك لله .
مواطن تعيس مهموم يعاني من تصاريف الزمان يحلم بالعدل والمسواه مع الاخرين عمره فوق الثلاثين متزوج عنده 3 بنات وولد ساكن بيت اجار مصدر رزقه سيارته الأجرة لا وظيفة ولا استقرار عايش علي مساعدة المقربين حيل لا يعرف امير او محافظ او حتى عمده الحي الوهمي يعني محد معطيه وجه لا يعرف الشكوى إلا لله عفيف النفس مثابر لدرجة ان كل يوم يمسك خط الدمام بس مثل ما يقولون وين ما يطقها عوجاء مره سيارته خربانه ومرة حادث و مرات مخالفات سرعة.
المهم انه افاق هذا اليوم علي بكاء بناته و زعيق امهم لعدم وجود ماء في المنزل بسبب صيانة التحليه الأبدية. قرر غياب البنات عن المدرسة هذا اليوم ثم توجة الي مصلحةالمياه لطلب وايت ماء ليقابل زحمة المراجعين الهلاكا مثله و هناك "شل ابوك حط ابوك"هذا يبخشش وهذا يشتري الكميه كلها ويرش الجيران و صاحبنا ماسك الدور بكل أدب ويقول كل اللي ابيه فقط 500 جالون قالوله انطر ربعك اللي مثلك لين يشكلون وايت كامل و بعدين نعطيك المهم وصل وقت الغداء والدور ما وصل وأخيراً جاء الفرج من سواق وايت بنغالي يعرفه وحن عليه قاله انطرني عند البت انا يجي! وعندها خرج الي سيارته وإذا بدورية المرور تقول له عطنا الرخصة والاستمارة انت واقف غلط في وسط الشارع، اخبرهم انه كان واقف مع الزحمة وكان يوجد سيارات عندما اتي والان ذهبت ولكن لا حياة لمن تنادي المخالفة حاصلة حاصله.
زبدة الكلام: المواطن في الخفجي يعتبر من الدرجة ثالثة إلا اصحاب النفوذ المنتفعة أكلة الاخضر واليابس لا تعترف بنظام او انظمة يعيشون في اقروبات يعني شدلي واقطعاك... لبدا من النزول الي الشارع ايها المسئولين لتعرفو هموم المواطن المسكين عن قرب انتم مسئولين امام الله يوم الحساب كلاً في مجاله حسبنا الله ونعم الوكيل.... سعودي مسكين!!!
المواضيع المتشابهه
العرض المتطور
