قصيده قويه من والد الى ابنته

[ابو ماريه]

ريوف ياعلّك بحالـي تروفيـن

لاقلّ شوفي وانحنت بـي عصايـه

يمين من نـزّل تبـارك وياسيـن

انك قمر عمري وكوكب فضايـه

أدراك بالخاطر واعاملـك بالليـن

وارجي عسى الله مايخيّب رجايـه

احب من حبك واعادي المعاديـن

وادعي لك الله بالستـر والهدايـه

فقدتك البارح وجريت صوتيـن

هذي وهي ليله وعنـد انسبايـه

كله غلا ياويلي اثر الغـلا شيـن

الله واسالـه لايبـيّـن غـلايـه

من حبها حبيت كـل الصغيريـن

صارت محبتهـم بقلبـي هوايـه

عودتك الممشى على شان تمشيـن

اشد بالثنتيـن واقصـر خطايـه

وليا بكيتي قمت اهلل وتصغيـن

واحيان اغني لـك واردد غنايـه

يضيق صدري لاسمعتـك تونيـن

واجر صوتي من خـلاي بخلايـه

وان جيت ابقفي عنك لدّيت بالعين

الدرب قدامـي واطالـع ورايـه

رد الوفا ياريوف ماابيـه ذالحيـن

ابيـه لـي دارت عليـه رحايـه

ابيه لا منه غـدا الليـل ليليـن

لا اشتدّت الايام واظلـم سمايـه

وابيه لامن صارت العشـر ثنتيـن

اليا اتركونـي عزوتـي واقربايـه

وابيـه لا عـزّوك فـيّ المعزيـن

تدعين رب البيت يغفـر خطايـه

اليا كتب ربـي افـراق المحبيـن

ثم ادفنونـي لابتـي واصدقايـه

توك صغيرة سنّ مانتيب تدريـن

والعالـم الله وش تكـون النهايـه

اما التفتي لي وزيـن علـى زيـن

والا رميتينـي بـدار الرعـايـه

[أبو الوليد]

[align=center].







قصيدة مؤثرة




الله يعطيك العافية



سلمت على النقل المميز



لا حرمنا من جديد مواضيعك ولا عدمنا تواجدك



اللهم علمنا ما ينفعنا ، وانفعنا بما علمتنا ، وزدنا علما .


::




وفقك الباري





.. .. ومضـــــــــــــــــــــة .. ..

[ كن في الدنيا كأنكـ غريب أو عابر سبيل ]
الدنيا .. لم تكن يوماً دار إقامة ، أو موطن استقرار ، حقيقتها فانية ، ونعيمها زائل .. ..!
ولا يزال الناس في غمرة الدنيا يركضون ، وخلف حطامها يلهثون ،
حتى إذا جاء أمر الله انكشف لهم حقيقة زيفها .. ..!
وتبين لهم أنهم كانوا يركضون وراء وهم لا حقيقة له .. ..!
وصدق الله العظيمـ إذ يقول : " وما الحياة الدنيا إلا متاع الغرور "

[/align]

[البسيط الجهني]

.
.

تسلم .. الله يعطيك العافية ..

لا عدمناك ..

بارك الله فيك ....

.

[ღღ هَوآإجسِسً عًشَّقْ ღღ‏]

من جد آلقصيده قوويه

ومؤثره حيل وربي .,

يعطيك آلف عآإفيه

على آلنقل آلمميز ..~

[شاقني]

.

قصيده جميله ومؤثرة

يعافيك ربي ابو محمد

على هذا النقل الرائع

[عزيزة نفس]

قصيده رووووووووعه


ومؤؤثره ..


الله يعطيك العافيه ..


وتسلم يمنيك ..

[~أصداف~]

.
.

قصيدة مؤثرة ..

أختيار رائع ..
سلمت ..~

.
.