السلام عليكم ورحمة الله وبركاته
أكيد تبي تعرفون وش هي 
اقولكم
هي السلام عليكم ورحمة الله وبركاته
والله ياشباب الحين تروح للكرنيش بالسوق عند الاشاره
10 % الي يرفعون يديهم ويسلم عليك ..!
ليش صارت قليله عندنا بالخفجي
راح اضربلكم أمثله على الشي هذا
تمر من عند شباب تسلم عليهم يطالعون فيك بنص عين
لا وبعد تخش البقاله وتسلم فيه شباب ولا بوفيه السلام يطالع فيك
يتامل وجهك كذا يحسبك تعرفه مايدري ان السلام لله
ولا الشباب جايينك يتسحبون تسلم عليهم يقول لخويه تعرفه يقولو لا والله ماعرفه طيب ويرد على خويه (( وش عنده قطت الوجه )) << من زين الوجيه ولا الملايين الي عندكم
ويجيك الثاني بعد تسلم عليه يقولك من معي
والثالث تسلم عليه يقولك تعرفني يالطيب لا ويقولك والله اني مشبه عليك يحاسبك تعرفه ..!
صرآحه ماكان عندنا بالخفجي كذا ولافيه شباب فيهم الخير والبركه بس قل السلام عندنا
اول تعرفه ماتعرفه يسلم عليك وتسلم عليه
والله يالربع الخفجي اول وش زينها ربيع وخير ومطار ومافيه عجاج !!
الحين تغيرت لييييش ؟
كله من الكبر الي فينا تحصل الواحد متكبر على شنو تتكبر حتى ولو وش وظيفتك بالخفجي وش منصبك
ولانسينا الحديث .
{ لا تدخلوا الجنة حتى تؤمنوا، ولا تؤمنوا حتى تحابوا. ألا أدلكم على شيء إذا فعلتموه تحاببتم؟ أفشوا السلام بينكم } [رواه مسلم].
وبعد نسينا .!
أن رجلاً سأل رسول الله: أي الإسلام خير؟ قال: { تطعم الطعماء، وتقر السلام على من عرفت ومن لم تعرف }.
ونسينا بعد
ان ابن عمر - رضي الله عنهما - يغدو إلى السوق ويقول: ( إنما نغدو من أجل السلام، فنسلم على من لقيناه).
السلام سنة قديمة منذ عهد آدم - عليه السلام - إلى قيام الساعة، وهي تحية أهل الجنة "وَتَحِيَّتُهُمْ فِيهَا سَلاَمٌ" [يونس:10]
المواضيع المتشابهه
على شنو تتكبر ..!!
العرض المتطور
