بسم رب البشر ببدي عليم بخافـي الاسـرار
الا سبحانه الخالـق عسانـا نايليـن رضـاه
خلق جنه لمسلمها وللكافر خلـق لـه نـار
وبعث للعالم محمد نبـي(ن) نتبعـه بخطـاه
نحبه غصب عن منهو حياته بين رقص وبار
رسم مستهزئ ويالله عسى في الاخره مثـواه
عذاب اقسى من المشرك من الزاني من الخمار
وعساه بدنيته يمرض ولا يلقى الطبيـب دواه
حشاا ماعاد به فارس تهابـه قـادة الكفـااار
على كيف اليهودي مثل مـاوده نجـي ويـاه
قبل كنا حصن عالي وصرنا قاصريـن جـدار
ذليل النفس مايقوى وصرنا الحيـن مانقـواه
سنين العز خلتنـا ولا باقـي سـوى تذكـار
من ايام الجهاد الي سمعنـا بـه ولا شفنـااه
ابد لاتجادل بحجه تـرا ماعـاد بـه اعـذار
وفنجاال المهانه من عقود(ن) ماضيه ذقنـااه
خساره نصرنا الأول غدينـا ننهـزم بالـدار
والا يا ليتنا نهزم علـى غـزوه ولكـن آآآه
خذ علاج الوضع كلـه ولا تفكـر ولا تحتـار
علاج(ن) يشفي العله ولادري ليـه ماخذنـاه
ترا الله ما يغيرنـا قبـل لا نغيـر المشـوار
طريق العمر نحسن به نجهـز نفسنـا للقـاه
نطبق شرعنا كله عسى يغفـر لنـا الغفـار
ومن خالف شريعتنـا بقـو ايماننـا ننهـاااه
عطيتك وصف حالتنا وكيف ان الزمـن دوار
عقب ما انهوا خلافتنا مكـان العـز عدينـااه
وبالآخر عدد ما اروى اراضينا مـن الأمطـار
على سيد البشر صلوا وعلى آله ومـن والاهـ
لـ الشاعر ضويحي سعد السهلي
المواضيع المتشابهه
العرض المتطور
