ايتجمل با الصبر وايتظاهر بالسرور***وهو عينه من طويل السهر وا آملّها

[عافك الخاطررررر]

الله اكبر لا تفكرت في بعض الأمور
معضلات تعجز ادهى العقول تحلها


تخلف العاقل وتجعله مختل الشعور
ما يميز عاقل الناس من مختلها


كنت اظن الجهل ظلما واظن العلم نور
واثرجهل النفس بعض الأمور افضل لها


اثرني لواني اعلم بما تخفي الصدور
كان يمديني كرهت الأوادم كلها


عايش دنيا بها ما بقى للصدق دور
غير ناس ترقص وناس اتطبل لها


كلما ناديت الأحيا يلجن القبور
وصلنا صوتك والاحياء عجز ياصل لها


الرجال نفوسها تشبه نفوس الطيور
وكل حر لا تضايق سبوقه تلها


للسما وابعد عن ارض بمن فيها تدور
من يحررها من الظلم ظلم احتلها


يالله اني طالبك ياكريم وياغفور
كل نفس لبست الغل تنزع غلها


ان ماصارالرجل نفسه على نفسه غيور
يبتلش ما بين عز النفوس وذلها


الحظيظ اللي لياغاب يبقى له حظور
عند ناس لا تمله ولاهو يملها


واللي ليا شاف من بعض خلانه قصور
يتحمل زلة من خليله زلها


يا خليلي خل قلبك على الشده صبور
وكلما عينت نفس مغلّة قلها


ما خبرت اسقم على النفس من سقم الغرور
يشبه لسلال الأبدان يوم يسلها


وقل ليا عينت لك شاعر خالي شعور
ناحر له يمة ضايع من دلها


يحسب ان كنه البدر في كل الشهور
ما تمل الناس من طلته لا طلها


الظهور اللي كذا بس من اجل الظهور ..!
غير كونه ما يبل الكبود ايعلها


اظهر بشعر يخلد على مر العصور
اوتريح والقصايد لـ اهلها خلها


مل عين العابر اللي خذا الدنيا عبور
ولا لقى له شجرة يستظل بظلها


ايتجمل با الصبر وايتظاهر بالسرور
وهو عينه من طويل السهر وا آملّها


كل ما حس ان روحه من اعماقه تفور
ايتشهد وايتمسك بها لعلها


تندفع لو المقابيل تاليها الدبور
وكل روح تاليتها الملاك يتلها
ان شاء الله تعجبكم

[سمو كبريآء *]

كنت اظن الجهل ظلما واظن العلم نور
واثرجهل النفس بعض الأمور افضل لها ..

طرح مميز ..
يعطيك العافية .. وننتظر جديدك ,,

[آسووم!]

مشكوور يـآ غلآلآهم

[عزيزة نفس]

تسلم يمينك

[عافك الخاطررررر]

يسلموووو على الطله الحلوووه لاعدممناكم

[تحدوهـ البشر...]

صح لسان قايلها وصح لسان ناقلها

لاهنت يالغلآ!

[فاعلة خير]

قصيدة جدا روعة فيهاالكثير من الفوائد والحكم
خيي صح لسانك ولسان قايلها
يعطيك العااااااااافية

[سعد الخفجي]

يعطيك العافيه
وتسلم يمينك
وبنتظار جديدك

[ميشو وبس]

يعطيك العاافية

[عافك الخاطررررر]

صح ابدانكم جميعا ومنورين ومشكورين على المرور