المفطح وصل!!!!!!!!!

[اسرار الحنين]

يالله سمو بالله وتعالو نشوف الخطوات مع بعض:

اختيار الذبيحه الزينه لا الصغيره مره ولاالكبيره مره؛؛ وسط يكون لنا نظر بهالشيء عشان مدة الطبخ ولذاذة الطعم ؛؛ نوديها تذبح وتصلخ ونشوي (نشلوط)الرأس والفراسن ؛؛نجي البيت ننظفها زين ونغسلها 00



نجيب قدر كبير ونحط اللحمه فيه ونغطيها بالماء لثلاث ارباع القدر تقريباً ,,واذا فاح القدر نحط البصل وطماطم وفلفل اخضر باردوحار ,, وبهارات على حسب رغبتنا ملح فلفل كمون و قرفه ومسمار وهيل
00



نخليها تطبخ على حسب حجمها هنا خليناها تقريباً ساعتين إلا ربع وانتبهي القدر لا تنسينه ويحترق




ننقع الرز على حسب حاجتنا بماء لوقت طبخه 00



*بهذا الوقت ننظف الكرشه زين مازين لأنها شيء اساسي للبعض واسهل شيء نصب عليها ماء مغلي ونكشطها بالسكين ونعصر عليها ليمون ونلفها ونزبطها آخر تزبيط 00



وبعد التنظيف للرأس والفراسن والكرشه والأمعاء( القصبان) وكل ابوهالحاجات ونحطها بقدرلحالها ونخليها تطبخ عشر دقايق وبعدين نطلعها ونحطها مع الذبيحه



بعد مرور ساعه نقلب اللحمه كلها على الجهه الثانيه عشان نضمن النضج لجميع النواحي00



*نروح للقدرتكون اللحمه نضجت بعد مرورساعه الا ربع نصفيها من المرق ونخليه بقدر لحاله00



*نصفي المرق من الدهن الزايد عشان مايكون دسم بزياده 00





*نضيف الأرز لمرقة اللحمه



*نخليه يطبخ عالنار لين ماينضج على حسب نوعية الأرز اللي انتي مستخدمتها



*نطلع الكبده من قدر اللحمه ونقطعها ونضيفها فوق الرز00

· ندهن اللحمه بكركم وشويه ماء ونحمرها بالفرن <<ماصورت هالخطوة 00



الباقي من الخلطه اللي دهنا فيها اللحم نرشها على القرصان . .



يجي وقت التقديم نسكب الأرز بصحن التقديم ونزينها بالخلطه ونرتب قطع المفطح مع الرأس والفراسن ونزينها بالقرصان اللي رشيناها 00

الخطوات كثيره بس ان شاء الله تكونون فهمتو

[اتحادي]

من ناحيتي فهمت(واحد نصاب)

،،

،،

يسلمووووووووووو على هيك خطوات

[أزف الرحيل]

بارك الله فيك



ويعطيك العافيه

[mύβαřαķ αlsαhli]

الله يعطيكـ الع‘ـآفيـه

[سـَمآ ♪]

تسلمين يالغلا
الف شكر
شـكــ وبارك الله فيك ـــرا لك ... لك مني أجمل تحية .

[حنين]

موضوع قووي ودسم بصراحه




هذي وشلون الواحد يقدر يشيلها من القدر؟؟؟؟؟



من شفتها قلت عطو الخباز خبزة لو اكل نصفه هههههههههههههه



تسلمين يارب

[أبو رائد]

ما شاء الله عليك

والله يعطيك العافية


على هذا الموضوع ..

[ابورامي]

يعطيك العافيه
شغل عدل

[~أصداف~]

.
.


ما شاء الله ..
قدعة اللي طآبختها ..


تسلمين يا ربّ ..~


.
.