[align=center]
* للأسف أن كلما تقدم الزمن يظهر لنآ جيل أكثر نضوجاً ..
وتفتحاً .. على الامور السئيه ...!!
* الأجيال القديمه : ماسمعنا عنها هالاشياء وان ظهر منهم
وآحد من مئه تسمع صداه في كل مكان ويلقى الاستغراب
والتعجب من المجتمع ...!!
* للأسف جيلنا هالجديد .. من الابتدآئي تلقاه عارفً كل شي
من فساد وشذوذ ..
طبعا الا من رحم الله انا لا أعم .. فيه ناس فيها الخير ومتربيه ..!!
* من أول ولدك ماتخاف عليه يسرح بالحلال ,, وعلومه سفره ..
ولو تحذفه بـ اقصى الديار .. يسنع نفسه ..!!
والحين .............!!
لو يسرح بالغنم ترجع الغنم وهو يضيع .. وبأمور الفساد نمبر ون ..!!
* وبعض الشباب مشاء الله عليهم تربيه رجال ,, وثقه ورزآنه ..
وماعليه خوف لا أعم كل الشباب .. بس اتكلم عن الاغلبيه ..
* البنت من أول شايله حمل أمها وشعله نشاط بالبيت ..
والحين ........!!
فغره ونوم لـ الظهر واول ماتقوم تفقد الجوال ويآ (ميري)
وين الفطور ..!!
ميري < خدامتهم ..
والام المسكينه من الامهات اللي على النظام القديم ..
شايلتن حمل البيت كله ..!!
* وبعد انا ما اعم البنات كلهم .. فيه بنات حمايل ورجال ..
فيهن الخير والبركه ..!!
* ممكن نعدد الاسباب اللي أدت لـ كل هالاشياء ..!!
1- ضعف الوازع الديني والبعد عن الله سبحانه .. وعدم التواصل
معه بالصلاه والذكر .. وهذا مايخلي الشخص اقرب من الشيطان
وتكون الذنوب عنده مثل شربه الماء ..!!
2 - الفراغ .. وأبتعاد ولي الامر عن رعيته ..!!
لمن يكون ولي الامر بعيد عن اهله يجيهم فراغ عاطفي
ومايحسون بقيمه الاب .. ويكون الابناء غير مقيدين
فـ يحاول البحث عن مكان لسد الفراغ وملئ العاطفه ..
وهذا السبب الاول لـ انتشار الفساد .. والاغتصاب ..!!
والمخدرات .. والعياذ بالله ..!!
3 - الغزو الغربي ..!!
للأسف اليوم شبابنا وبناتنا مايقلدون الغرب بل الحثاله من الغرب ..!!
لبس .. اشكال .. عادات ..!!
~
واليوم التربيه صارت اصعب من اول .. بحكم المجتمعات اللي من حوالينا
ماهي مثل اول ..!!
والمدرسه للأسف صارت مكان لـ التعلم والفساد في نفس الوقت ..!!
ف تربي ولدك ومشاء الله عليه .. ويدخل المدرسه سنه سنتين
الطبع متغيرن عليك .. والتصرفات غريبه ...!!
فـ مشكلتنا مشكله ..!!
وما نقول الا ..
اللهم اصلح شباب المسلمين واصلح فتيات المسلمين
..}
[/align]