مانتيجة المكالمات الهاتفية قبل الزواج؟

[فتى سابك]

السلام عليكم

كيفكم أحبابي؟؟؟

عندي موضوع وحاب أنكم تشاركوني الرأي ؟

اثنين يحبون بعضهم مررررررره وباقي ماصارت الخطبة,,أوكي؟؟
وصارو يكلمون بعضهم بالجواال لمدة طويلة ,, وطبعا كل واحد فيهم صارح الثاني وطبعا هم يحبون بعض من كل قلب,, يعني مو حب أبو يومين وينتهي,, وإلى الآن العلاقة مستمرة بينهم مع العلم ان أهل البنت واهل الولد مقررين يزوجونهم لبعض بس بعدييييين..

السؤال هنا يقول :وش تتوقعون نتيجة حبهم بعد الزواج؟؟وهل مكالماتهم قبل الزواج راح تؤثر في علاقتهم؟ وهل مكالماتهم تعتبر خطأ فادح لم ينبغي ان يحدث؟؟


أتمنى أسمع آرائكم الصادقة

محبكم___*فتى سابك*

[شمس الرائدية]

آول شي // وشلون يكلمون بعض وهم تو ما ملكوا ؟!
مأحد يعلم الغيب هي لفلان آو علان ؟!
....

[فتى سابك]

الله يهداك
انت كذا حرقت قلبي

[غـــــــردونــه]

وش تتوقعون نتيجة حبهم بعد الزواج؟؟
العلم عند الله
وهل مكالماتهم قبل الزواج راح تؤثر في علاقتهم؟
محتمل
وهل مكالماتهم تعتبر خطأ فادح لم ينبغي ان يحدث؟؟
اكيد لانهم بحكم الاغراب عن بعض

لك شكري وتقديري

[فتى سابك]

ألف شكر و تقدير لك ياغردونه

thank you so much

[شمس الرائدية]

أولا / انا كارليسه ..
حرقت قلبك << آفهم إن هالموضوع خاص فيك ..
وش تتوقعون نتيجة حبهم بعد الزواج؟؟
ع حسب مصداقيتهم قبل الزواج ..
وهل مكالماتهم قبل الزواج راح تؤثر في علاقتهم؟
مكالماتهم قبل الملكه وبعدها .. اكييييد راح يكون لها تأثير .. هذا وقبل الملكه يكلمون بعض ما تجي الملكه الا هم شبعانين وراح يملون من بعض
وهل مكالماتهم تعتبر خطأ فادح لم ينبغي ان يحدث؟؟
هذا السؤال مايبيله جواب ..
آكيييييد آكبر خطأ ارتكبوه ..

[فتى سابك]

مشكور ياكارليس مدري كارليسه


مع تقديري و احترامي لك

لا تزعل

[همس الشووق]

وش تتوقعون نتيجة حبهم بعد الزواج؟؟
الله وأعلم
وهل مكالماتهم قبل الزواج راح تؤثر في علاقتهم؟
هذا بيكون راجع على طريقة تفكير الشاب


وهل مكالماتهم تعتبر خطأ فادح لم ينبغي ان يحدث؟؟
مو لدرجه انها غلط فادح بس لو انتظرو لبعد الملكه احسن لهم

والله يوفق ويسهل أمور كل المحبين

[فتى سابك]

مشكورة على المرور
لك مني ألف تحية/همس الشوق

[أبو رائد]

وعليكم السلام ورحمة الله وبركاته

إن كان قصدك ( بعد الملكة وقبل الزواج )

فـهما يعتبران زوجان .. شرعا

لكن بعض العادات والتقاليد تمنع هذا الأمر



وقد يكون لها سلبيات وقد يكون لها ايجابيات


إما إن كنت تقصد قبل الملكة أو ما يسمى بخطوبة
فهذا لا يجوز .. لا شرعا ولا عادت وتقاليد ..


والله أعلم ..