أخواني الاعزاء وعلى رأسكم ( دانة الكون) ....
أول شيء مو من حقكم ولا من حقي أحكم على الشخص هل هو عزوبي أو متأهل ...
أنا أعرف ناس متأهلين وعلى 2000 ريال ووضعهم و ربي مايسر وكان الله بعونهم ..
طيب مثل ما قال أخوي بتال ( كم سعر الجبن , كم سعر النيدو, كم تصليح السياره , كم و كم وكم ..... الخ ) ,
يعني أبوي يدفعهم عني ولا يعني حرام أتزوج لين أحصل وظيفه رسيمه طيب واحد من الردود يقول جامعي وما حصل وظيفه ...
وبعدين وش التجارب اللي عندكـ أخت دانة الكون ياليت تذكرينها عشان على الاقل نتنا قش فيها ..
ومثل ماقلت هذا المنتدى للجميع والنقاش يكون بينا الجميع ويمكن يكون الاحل عند الاصغر فينا وكل شي جايز ,,
ومن يدافع عن المسؤولين أقوله ياخي هم حطوكـ محامي عنهم وش نتكلم فيه بس المويه اللي دايم تنقطع وبدون اسباب ولا التفحيط اللي صاير كل يوم وبنفس الوقت ولا الشوارع المكسره ..
هل تعلم عزيزي أنه في اليابان المسؤول يضع كأس ماء على طبلون السياره ويتمشى بها في الشارع وإذا انسكب القليل من الماء أمر بتصليح وصيانة الشارع وحنا هنا ما شاء الله سياراتنا يلعبون سامري ..
وبعدين كلنا نقول الحمد لله على كل شيء ما ننكر الشي هذا .
أنتي أو أنت لو جربت التعب والكرف وآخر شي (1300) ريال راح تعرف كلامي هذا صحيح وبعدين لا تقولون تستفيد خبره أو تعلم ..
أيش تفيدني خبرة سكيورتي يعني أصنع سياره مائيه ولا أدرس خفايا مثلث برمودا وبالعربي شهاده بدون وظيفه ماتنفع حتى لو عندي خبره هذا أولاً وثانياً ما أبغى خبره إذا ما توكلني عيش ..
وأخيراً فيه أكثر من (12) شخص أضربوا عن العمل في نفس المستشفى من ضمن مشاكلهم ترسيم ورواتب ما تتعدى (1800) ريال ومدري أيش وانا اعرف بعضهم متزوج وعنده عيال بعد .. وش السبب . من المسؤول ؟؟ .
(( لا تقولين لي أخت دانة الكون أنهم كلهم غلطانين )) ..
يعطيكم العافية ..
دمتم بود ..
تقوى الهجــر .
المواضيع المتشابهه
العرض العادي
