اعطني عينك أبغفى لي شوي
............. و اعطني بردك أبشتى بالهجير !!
و خذ من الي تحب فيني كل شي ّ
............. عادي اضحك لو فقدتك / وش يصير ؟!
خذْ منَ الصدر الدفا والرمش : فَيّ
.............. و خذ من العين الوفا .. لا تستشير !
كم نظرتك في دياجي الليل ( ضيّ )
.............. ما استفدت من البصر وانا بصير !
ايْ يحق انّ الامل يشره عليّ ،
.............. كم خذلته يوم عشمته بـ خير !!
و كم ظلمني يوم نادى : منتَ ليّ
............... و كم صغرت بعين عذالي كثير !
وشوف وش جاب الشتا هذا قويّ ؟!
............... وصار فيني يفرش ضلوعي حصير ؟!
غير حضن ٍ سافر وصدري خليّ
................ و مْتعريّ للصقيع بلا سرير !!
منهو غيرك لا طواني البرد طيّ ،
................ البسه واتلحف انفاسه و ادير ،
للشتا ظهر الدفا و اكويه كيّ !
............... واحبسك في مرقدي جنبي تصير
ودي القى بك نفَس واحد وفيّ ،
............... و ودي القى غير هجرك لي مصير !
ليتْ آنا انت / ميت بس حيّ !
............... وتاخذ احساسي و تتركني أطير !!
للمبدع/عيسى آل معيبد
المواضيع المتشابهه
اعطني عينك أبغفى لي شوي..
العرض العادي
