كلي .. هنا .. نــواف ... !

[نواف الفهاد]

*
*

مافهمت !! شلون أنا أخبرك فهيم ..!!
.. لآ يكون الظن .. فيني .. ( عايقك ) ..........؟؟

تدري بأشرحلك أنا : ( والله العظيم )
.. لآ تظن الصمت .. ( ماني / طآيقك ) ..........!!

جيت لك .. عندي كلام و بــ الصميم ..
.. و رحت ماقلته .. ( أخاف / يضآيقــك ) ......!!

*
*

[نواف الفهاد]

*
*

اللي دفعنــآله غلا قلوبنا .. راح ..
.. ماكنــّــه اللي كان في يوم .. منها ......!!

دنيا و أهلها .. كلها جراح بـ جراح
.. منهو .. ولو تضحك سنينه ضمنها .....!!

شفها إذا دمع الوفي بالوفآ / سآح
.. و شفها .. إذا ( عفن الأوادم ) أمنها ..!!

ياكثر مانخسر .. و يا ( قلّ الأرباح )
.. و كم وقفتن للطيب .. ندفع ثمنها ......!!

يشدّني طير(ن) على مسمعي ناح ..
.. و ياشين تغريب النفوس .. بـ وطنها .!!

و يهدّي الخافق إذا حزننا / لاح ..!!
.. و يذبح الضيقه .. و يشري كفنها ....!!

بيت لـ خلف مشعآن لآ قلته أرتاح :
.. عز الله أنه ياقصيدي .. ( وزنها ) ...!!

[ دامه زمن عقرب وحيـّـة و تمساح
.. خلّ الأسود .. تنام .. مهو / زمنها ] ..!!

*
*

[نواف الفهاد]

*
*

أن كنت مخطي فللذنب رب(ن) سموح ..!!
.. و ألزم قلوب الحبايب .. ياحبايب .. هلي .......!!

من ( أول إبتدائي ) كنت أبني صروح ..!!
.. و من البشر و الخلايق كان قلبي .. خلي ......!!

هم علموني بـ إن الجنة أعظم طموح ..!!
.. وأن الحياة الصحيحة .. منطلقها / يلي ........!!

فـ لآ تسأليني علامي بالمشاعر / شحوح
.. لو إن حبك بقلبي .. ممتلي به .. ملي .........!!

أنا ماقرّبت من أحد , لأني بـ أروح ....!!
.. و ماودّي إن رحت أروح وعين تبكي عليّ ..!!

*
*

[نواف الفهاد]

*
*

تتقدّم الدنيا بنا .. يوم عن يوم ..
.. والآدمي مع ( سجــّـة الرجل ) .. لآهي ...!!

و تتزاحم أفراح ومشاوير وهموم
.. والخاطر إن طالت لياليه ( ساهي ) ........!!

فـ إن كان لي حظ و بالأفراح مقسوم
.. ( لآ تبعدن عن طاعتك .. يا إلآهي ) .......!!

من ينحرم من طاعتك صدق محروم
.. أما عدى هذا .. فللعمر .. ( راهي ) .......!!

نلقى من العالم سواليف و نشوم ..!!
.. يوم الردي بالجرح .. نفسه تباهي .........!!

و نشفق على الجلسة لأجل خاطر قروم
.. لو أكثر الجلسات .. ( حشــّـن و شاهي ) .!!

*
*

[نواف الفهاد]

*
*

أكتب على جدار الزمن للوفآ / دين
.. و أرسمني جنبه .. و أرسم ( القلب ذايب ) ...!!

من شان لآ مرّوا .. جموع المحبين !!
.. أقول .. أنا عن سكــّـة العشق .. ( تايب ) .....!!

و إن مرّ بي شخص(ن) سكن محجر العين
.. أبسأله وش به عن العين .. ( غايب ) .........؟؟

[ يومآ من الأيام ] .. كنت أحترق لين ..!!
.. رماد / جرحي .. تعتريه .. الهبايب ..............!!

رمـّـد هذاك الجرح .. مابيني و بين ....!!
.. قلب(ن) .. هقى .. لو أكثر الظن / خايب .......!!

مرّت بي سنين .. أتوجــّـع .. و هالحين ..
.. طفل(ن) عشق .. في داخلي صار / شايب .....!!

و الحين راحل و الهوى بين قوسين ....!!
.. [ يومآ من الأيام ] .. كنا .. حبايب ..............!!

*
*

[نواف الفهاد]

*
*

لآ تشتكي جرحك على هالبشر [ عيب ]
.. محدن تجي له دنيته .. حسب كيفــه ..........!!

أشك الجروح لـ خالق الكون و تطيـــب ..
.. و أزبن عليه ليآ / أوجس القلب خيفه .........!!

و الركعتين بـ تالي الليل .. يـــ الذيب ..!
.. تسوى .. ( سواليف الوليف و وليفه ) ........!!

*
*

[نواف الفهاد]

*
*

ماهي غريبة خطايا مثلك إن زادت ..
.. قبلك من أمثــالك أقفوا .. ( ماني بجآهل ) ...!!

عندي قناعة و في قلب العنآ .. سآدت
.. ( اللي يجي بالسهولة .. راح بالساهل ) .....!!

عوّدت عيني مع الأيــــام و أعتادت ..
.. ماتبكي إلا على .. ( رجــّـآل يستاهل ) .....!!

*
*

[نواف الفهاد]

*
*

ياموج سلّفني من إحساسك إحساس
.. حبك معي لو أجحده .. صار ( باين ) ...!!

لقيت فيك اللي فقدته مع الناس ..
.. وفيت لي .. يوم أكثر الناس ( خاين ) ..!!


*
*

[نواف الفهاد]

*
*

الناس يتغيّرون بسهولة ..!
من يحب يرجع و يكره بسهولة ..!
و من يشتريك اليوم يبيعك غدا بلا ثمن ..!
الناس .. لا تنتصف للناس .. من أنفسها .. أبدا ..!
مواقف الحياة تشهد أن ... ( الوفاء ضائع ) ..!
و أن من نتعب لأجل أن نحتفظ به .. هو أول من نخسره .. بألم ..!!
الحياة علّمتني أن لا أبكي على من يرحل ..!!
فالبكاء لن يردّ الرحيل ..!
و لن يقف في وجه النسيان لابد أن نتعلّم الوقوف في وجه الحنين ..!!
و أن نجحد حكاية الاشتياق ..!!
و أن نعيش بقلوب .. من فولاذ .................!!
البشر .. وحوش هذه الحقبة الموجعة من الزمن ............!!
لا تخافوا من الذئاب و لا تتنجّسوا من الكلاب ..!!
و لا تضربون أمثلة المكر بالثعالب ..!!
فالبشر .. تحتكر كل ماتمّ ذكره .. بمرارة ..!!
و لا عزاء ..!!

*
*

[نواف الفهاد]

*
*

الناس مختلفة بكرهي و حبّي ..
و أنا عن الاثنين لي ألف سجّه ..!!

اللي يضيق أن شافني جعل ربي ..
( بشوفتي يبليه من وين وجّه ) .!!

*
*