طبعا الكل بيقول دى أكله صعبه وبيخاف ديما البنات منها بس لو تابعتوا الخطواط واحده واحده معايا كده
وان شاء الله تكون الطريقه والشرح مفيديين لجميع ,,ويبقى الحمام من الاكلات السهله اللى تعملوها ديما ,,
واى استفسار مفيش مشكله يا ريت علشان الكل يفهم معايا ,,
نبدأ بأسم الله ,,
المقادير ,,,,
اربع حمامات مغسوله بالخل والليمون علشان ميبقاش فيها زفاره خالص ,,
بصله كبيره مقطعه صغير خالص او مفرومه فى الكبه ,,
كوبين رز تقريبا ,,
ملح ,فلفل ,توابل مشكله ,شويه صغيره جدا قرفه ,ثلات واحدات قرنفل ,,
معلقتين كبيره ذبده او سمن بلدى زى ما تحبى ,,
الطريقه ,,,,
نضع الذبده فى الطاسه واول ما تدوب نحط الكبده والقناصه سليمه مش مقطعه
ونضيف عليها التوابل والملح ونشوحها فى الذبده شويه ..
لغايه ما تطلع منها ريحه حلوه كده والبصل يدبل ,,,
نضيف الرز المغسول والمتصفى كويس ,,
نضيف نص كوب ماء علشان نسوى الرز شويه يبقى لين يعنى ,,
اول ما الرز يشرب الميه يبقى كده الحشوه جاهزه ,,نسيبها على جمب تبرد شويه
ونيجى بقى للحمام ,,,
ده الجزء اللى بيتحشى فى الحمامه يا بنات ,,من فوق عند الرقبه ..
الاول تمدى صباعك بنعومه وخفه علشان لو الجلد ماسك فى اللحم تفصليه بصباعك بشويش
وده أسمه التصفيء,,وهى المفروض تيجى جاهزه متسفقه لاكن ساعات مش بتكون جاهزه
واما تفصل الجلد عن اللحم متوصليش للأخر خالص يعنى عاوزينها مفتوحه من ناحيه واحده والناحيه التانيه مقفوله
علشان الرز ميطلعش ...
وده من الناحيه التانيه الجزء اللى بيتحشى برضوا اللى هو البطن بتاعت الحمامه ,,
وزى ما انتوا شايفين انا بعد ما خلصت حشو حطيت الأوناصه بدل ما أخيطها بيكون شكل الخيط وحش اوى
والطريقه دى مضمونه متخافوش ,,,
وبعدين نجيب رجل الحمامه بالراحه علشان متكسرش ونحطها فى الفتحه بتاعت البيض بالشكل ده
وبعدين الرجل التانيه ونعملها كروووس كده ,,
كده كتفناها من تحت نيجى بقى فوق نمسك الجناحات ونكتفها برده ورا ضهرها كأنها مجرم قبضين عليه
بالشكل ده ,,حد يقلى ليه يا شرانيه ؟؟علشان الجنحه فى السلق بتكون ناشفه ممكن تخرملنا الحمام اللى جمبها
وكمان شكلها بيكون أحلى ,,
خلاص حشينا وكتفنا وظبتنا نحط بقى الحله فيها ميه على النار علشان السلق ونضيف عليها شويه ملح
وفلفل وورقتن لورا ,,و أهم شىء المستكه ودى نوع من التوابل ومبتخليش فى الشوربه زنخه خالص
وللى مش عارفها ده شكلها ,,بنحط ثلات اربع حبات مش بنكتر علشان بتمرر ,,
شىء مهم بقى قبل ما نحط الحمام فى الماء المغلى ولازم يكون بيغلى ,,خطوه مهمه هى لازم نلم بأدينا
الرقبه اللى حسيناها على بعضها كأنك بتقفليها هى اول ما بتنزل الميه بتقفل خالص لوحدها بس علشان الرز
ميمنعهاش من القفل ,,بالشكل ده ,,,
وأدى الحمام كله بقى جاهز للسلق ...
اتفقنا أننا هنسيب الميه تغلى قبل ما ننزل الحمام بصوا بقى الخطواط دى علشان الحمام ميفرقعش منك
_متحشيش الحمام جامد خليه فاضى شويه علشان الرز اما بيستور بيتضاعف حجمه ,,
_نزليه فى الميه المغليه ,,
_سيبيه ثلاث دقايق على النار العاليه لحد ما يأخذ حراره الميه ..
_ وطى النار بعد كده وغطيه وسيبيه يستوى براحته على نار هاديه ,,تقريبا نص ساعه او أكتر حاجه بسيطه ,,
_اما تيجى ترفعيه أرفعيه من الجناب اللى فيها عضم متمسكيهوش أبدا من الحته اللى فيها الحشو ,,
_ سيبيه يتصفى بعد ما تطلعيه على مصفى ,,علشان ميطرطش وهو بيتحمر ,,
وده شكله بعد ما أتصفى ,,,
نبدأ بتحميه ممكن تغضيه بحتته ذبده وتدخليه الفرن بس أنا بحب أحمره فى الزيت ,,الحامى
ورشه ملح ورشه فلفل ويقدم بالهنا والشفا ,,,,
والله طعمه كان يهووووووس ,,,جربوه بقى وقولولى رأيكم ,,,
واى أستفسار أنا حاضره ,,,
المواضيع المتشابهه
وفقكم الباري 
العرض العادي
