جربت في الدنيا تجاريب شايب

[شموخيے غير]

‏​جربت في الدنيا تجاريب شــــــايب

وعرفت عدواني وميزت الاصحاب
وعرفت طبع الناس مخطي وصايب
ومانيب خبلٍ تخدعه ضحكةالنــــاب
جنبت انا العالم وبعض الــقرايــــب
البعض منهم قربـهم عـــقرب وداب
لو كان تعطيهم عيونك وهـــــــايب
ماينـفعونك جــيدهم عندالاجنــــاب
ناسٍ يعادونـك بـــليا ســــــــــبايب
حط الحواجز دونهم واغلق البـــاب
الا لمن جالك مع الوقت تـــــــايب
فاصفح وربك للمخـــــــاليق تــــواب
واللي تكبر عنك شد الركـــــــايب
جنب طريقه واحقره كـنه ذبـــــــاب
ومن لايسد اللازمه في النــــوايب
وقت الرخا تقول ابو زيد وذيـــــــاب
بعض البشر قلبه من الحقد عايب
لافيه طب وقلبه اسود منغـــــــراب
عنده نجاحك من كبار المصايـــب
واذا سمع مدحك من الغـيظي نصاب
لولا الحيا سالت دموعه سكـــايب
مسكين من نار الحسد مـاكل تــراب
اللي يذمك كلما صرت غــــــايب
وان جيت قدم لك تراحــيب واعجـاب
كبه ترى مثله مع الناس خايــــب
عادات ابو وجهين يــكذب ويغتـاب
لو تغرقه بالطيب ماهوب طـايب
ولاتنــخدع في مثل شرواه لوطــاب
وين الله يجيب المطر والسحايب
والنـــاس صارت بين حاسد وكـذاب
كـثيرهم تـــــــفرغوا للطـــلايب
ومابينـــهم قامت عـداواتواحــزاب
وتبقى الحقيقه يازمان العجـــايب

الروس روس ولـو يغارون الاذناب

مما راق لي

[شمس الرائدية]

[align=justify]
’’


تسلم يدينك على آلجلب آلجميل ..’’
[/align]

[sweety]

تسلم ايدينك ...كلك ذوق،،،

[شموخيے غير]

شاكره مروركم

[لكاعه]

وتبقى الحقيقه يازمان العجـــايب

الروس روس ولـو يغارون الاذناب

صحححح لساااانكك

[دانة الكون]

روووووووووووووووعه
عز الله انه صدق
و صح لسانه

الف شكر

[أمي بلسم حياتي]

جميل ..!


يعطيك العافيه ..!

[شموخيے غير]

يع ـطيكمـ الع ـافيه ع المرور

[صانع الإبداع]

أبيآت رآئعة ..
الله يعطيك العآفية على إختيآرك الجميل ..!

[الدووووخي]

اختيار رائع ..

الله يعطيك العافيه ..