ياقلب مادري وين اوديك

[مخاوي الشوق]

ياقلب انا بلشت بك .. وين اوديك ؟؟
شيبت بي ياقلب .. من صغر سني

اسعى وراك .. وخيب الله مساعيك
من طيبتك .. ماشفت .. غير الهبني

ياكثر ماتجـني .. عليه هقاويك

من حسن ظنك .. بالبشر ساء ظني

اعطيك غيري .. لجل مايحتفظ فيك
وترجع تقول : اللي خذاني طعني ..!!

طيب شسوي بك .. ؟.. وهذي امانيك
اللي جرالك منك .. ماهوب مني

تسد باب .. وتنتفح لك ..شبابيك

وكل ماتهزك عاصفه .. تمتحني

بلشت بك .. بلشـة هل الديك ، بالديك
اللي بغى يذّن .. وصبّح يغني ..!!

تسري ورى النية ( واتولِي ) مساريك
حتى قتل صبحك ( ظــلام التبني )

الى هنا وآقول ..( بسّك ) ..ويكفيك

رد الكلام .. ووصل العلم عني

ماني تبع هذي ، ولاني تبع ذيك
لاجا الصحيح ... اثـنـيـنـهن يتــبعني

[دانة الكون]

روووووووووووعه
قديمه كلمه " الهبني "
صح لسان الشاعر
الف شكر لك

[مخاوي الشوق]

ويش معنى الهبني لو سمحتي هههههههههه ابخليك قاموسي اللي ارجعله لو سمحتي وتسلمين على مرورك الحلو

[دانة الكون]

اممممممممممم
الهبني يعني خرطي
يعني ما فيه شيء
مجرد كلام
هذا المعنى اللي اعرفه للكلمة
مدري لها معاني ثانيه او لا

[مخاوي الشوق]

اضني صح لسانك يالشمالية وشكلك معجم للغة الشمالية ههههههههههههههه بس حلوه خرطي ويش معني خرطي امزح اعرفها

[الدووووخي]

صح لسااااانكـ ..

الله يعطيكـ العافيــة ..

[مخاوي الشوق]

ولسانك اخي الدوخي

[أبو رائد]

هذه من القصائد الجميلة للشاعر المبدع خلف المشعان

سلمت على اختيارك .. والله يعطيك العافية

[مخاوي الشوق]

انا من عشاق خلف المشعان
لاهنت اخي ابورائد على مرورك وكلامك الطيب