البــــــــــــــــــــارت السابع والاربعـــــــــــــــ47ــــــــون
(الفصل الثاني)
بيت ابو فــــــــــــــارس....
غـــــــرفه امــــــــــل
كانت غرفتها ظلمه ومشغله المكيف على اقوى درجه في جوء هادئ مافي الا صوت بكاءها المكتوم متمدده على فراشها ومتغطيه بالبطانيه ووجهها مدفون بالمخده ..حاسه انها مخنووقه وتبي ترتاح ...
لاول مره يمر يوم كامل وابوها مايكلمها ..حتى لما تصادفه عند الدرج مايكلمها واول ماجلست تتغدا معهم قام هو عن الطاوله !
ماتعودت على جفاه تتهاوش مع امها بالايام وماتهتم بس ابوها عمرها مازعل منها ..حتى لما تغلط يدافع عنها ..حاسه فعلا انها ضايعه ..
سمعت صوت دق على باب غرفتها اكيد هذي امها او خالتها ..
ماتبى تشوف ولا وحده منهم الي فيها مكفيها ..
ودها تموت وترتاح مظلومه والله ياعالم مظلومه ماسويت شئ
حتى زواج اخت غرام ماحضرت بسبب تركي الزفت وزعل ابوها ,,
مسحت وجهها وزادت من احكام البطانيه عليها ..
دخلت الغرفه وسكرت الباب وراها ..في كلام ضروري تقوله لامل ...ماتبى شئ يخرب الملكه الي مابقى عليها الا كم يوم ...
حست ببروده الغرفه كاانها فالقطب ..المكان متلج كيف متحمله تنام كذا ؟ سكرت المكيف وفتحت انوار الغرفه ....
شافت الغرفه مقربعه والاغراض مرميه على الارض حتى علب البيبسي والشبسات مو بمكانها ...
تقدمت لحافه السرير شافتها متلحفه ومو باين منها شئ كأنها بطانيه ملفوفه نظر لصغر حجم امل ..عارفه انها صاحيه باين من اهتزازها الا ارادي مسويه نفسها نايمه عشان ماتكلم احد ولا احد يكلمها ...
ام فارس: لا تسوين نفسك نايمه .....باين اهتزازك وصوت شهقاتك
انا عارفه انك صاحيه...قومي ابي اتكلم معك بموضوع ضروري
طنشتها امل وضلت على نفس وضعها .....
ام فارس بصبر: امـــــــل قومي انتي عارفه ان صبري قليل لا تستفزين اعصابي تعرفيني اذا عصبت وش اسوي ...
رفعت عن وجهها البطانيه وبان الاحمرار بجبينها من ضغط وجهها عالمخده عيونها حمراء كالدم وباين عليها انها بكت ساعات طويله : وش تبين في شئ ثاني تبين تضيفينه ؟
ام فارس لما شافت وجه بنتها فز قلبها ..ماتوقعتها تبكي لذي الدرجه تعرف امل دلوعه بس الي تشوفه مو دلع والنظرات مو نظرات وحده تتدلع ..
ام فارس بلهجه فيها حنان: قومي اول غسلي وجهك
امل بعناد ردت: شئ راجع لي اغسله والا مااغسله ..قولي الي تبينه ولو سمحتي خليني ابي انفرد بنفسي
ام فارس بعصبيه : تطردين امك من غرفتك ياقليله التربيه ..؟
امل لفت وجهها: انا ماطردتك ..اذا ماتبين تتركيني انا اخرج من الغرفه واخليها لك ماعندي مشكله ..
ام فارس بعصبيه: لا تطولين لسانك لا اقصه لك اخر زمن ترادديني ياقليله الادب انا ترداادديني ؟
امل بلكاعه: والله انا ماراددتك انتي سألتي وانا جاوبت فيها شئ ؟
ام فارس ماتحملت لكاعه بنتها صفعتها كــــــــــــــــــــف على وجهها ..
طـــــــــــــــــــــــــــــــــــــــــــــــاس ...
امل رفعت وجهها وهي تمسك نفسها لا تبكي : هذي ثاني مره تمدين يدك علي الثالثه ماراح اسكت ...
ام فارس مسكت شعرها: لا قومي اضربي احسن ..
امل : اااااااااااااه شعري سيبيني ...
ام فارس : انا تقوليلي كذا يا بنت الكــــــــ ....... تطولين لسانك
كذا الدلع سوا فيك يا xxxxxxxx
امل بقوه مسكت يد امها وبعدتها عنها : لا تجبريني اغلط عليك انتي الي بديتي بالغلط علي ..لا تتدخلين بحيـــــــــــاتي ...
ام فارس صرخت فيها: هذا عشاني ابي مصلحتك ابيك تتزوجين رجال يعزك ويقدرك ويحبك ..
امل : هو انتي الي بتتزوجينه والا انا .؟ ليش مصره تتحكمين فيني ؟
ام فارس : لانك ماتعرفين مصلحه نفسك طايحتلي تبين حب وغرام وعشق ويوم قلت بزوجك عشان يصير كل شئ بالحلال تدلعتي ماتبين من شنو مخلوقه انتي هذي تربيتك هذي اخلاقك !....
امل بتكبر: وووووووووووع... انا....! انا امل بنت سعـــــــــــــــــــود احب تريــــــــــــك! يمه اقولك ترى عيونك مكذبين عليك الي شفتيه ماكان مثل الواضح..لانه ولــــــــــــــد اختـــــــــــك المحترم اقصد الحيوااااااان والله يعز الحيواان عنه ...ماحشم المكان الي هو فيـــــــــــــه وتحرش ببنت خالته مو انا الي رميت نفسي عليه
ام فارس تهاوشها : لا تتبليــــــن على ولد خالتك اعرف تركي مايسويها انتي بنتي واعرفك زيـــــــن واعرف حركاتك ودلعك
"رفعت حاجبها "وحتى لو ماتحبينه من متى اصلا احنا عندنا حب قبل الزواج ... الحب يجي بعد الزواج انتي الدلع خربك ولازم من يربيك من جديد وتركي اولى من الغريب ..
امل صرخت بقهر : بس انا قلت لك ماراح اخذه لو كان اخر من بالدنيا
انا حره بحياتي مااااااااااااااااااااابيه يعني مااابيييييييييييه اكرهه اقرف منه احتقرررره ابيه يموووت اكره امه واخته واكرهك انتي بعد..
بعدت عن امها وخرجت من الغرفه تاركه امها بحاله صدمه من الكلمات القاسيه الي رمتها بوجهها ...
نزلت من الدرج تركض وهي تحاول تمنع دمعتها لا تنزل مخنووقه
مو متحمله كل تفكيرها بالخلاص من هذا الكابوس المزعج ..صدمت بطريقها بالريم بنت خالتها ...
الريم مسكت راسها: اااااااااااي انتي ماتشوفين جدامج ؟
امل دفتها وهي مو طايقه نفسها : وخرررررررررررري عني بس ....
انقهرت منها الريم : جد قله حياا...
جات فايزه ام الريم وشافتها واقفه على الدرج : وشفيج تنافخين ؟؟ وصوتج مالي الدنيا صاير شئ ؟
الريم بقهر : بنت اختج الدلوعه غلطانه وقويه عين نازله تركض ماتشوف من قدامها وتصارخ بعد ..صج قله ادب ...حتى مااعتذرت الي ماتستحي !
ام تركي: ماعليج فيها لسه صغيره وماتفهم بكره تكبر وتعقل ..
الريم :ههههه ضحكتيني يمه ...هذي صغيره وماتفهم هذي مخها عن قبيله كامله دااهيه من تحت لتحت ااخ بس قاهرتني على وشو شايفه نفسها..من زينها الي مقطع بعضه والا من فلوس ابوها ...
ام تركي من بين اسنانها : قصري حسج لا تسمعج خالتج وتزعل مهما كان هي بنتها واحنا ببيتهم واكيد ماترضى هالكلام عليها ..بعدين انتي داريه انو ملكتها على اخوج بعد كم يوم اقلمي نفسج عليها وتحمليها عشانه ...
الريم بتكشيره : وهذا الي فاقع قلبي ...هذي شلون بيتزوجها تركي المسكين ياقلبي عليك يااخوي بتذوق الويل مع هالمخلوقه الي ماتنطاق
والله لتكرهه بجنس الحريم كلهم بحركات البزران حقتها !
ام تركي : مالك شغل انتي بعدين تركي مو ملاك كل واحد بيتحمل عيوب الثاني انتي بس لا تتعرضين لها وتجنبيها مانبي شئ يخرب عليهم انا اتصلت باابوج وبيجي بعد يومين
الريم رفعت حاجبها:ابوي درى بسالفه الملكه ؟
ام تركي: افا عليج اصلا انا وابوج عارفين من قبل والا شلون املك للولد وابوه موب موجود ! كل شئ بيصير مثل مانبي ...وانتي تلحلحي و تسنعي لا يطير ولد خالتج من يدج يالعنز ...
الريم مبوزه: يمه ولد اختج مو حاط لي اهتمام اصلا مايعطيني وجه ابد فقدت الامل فيه هذا مايحس ؟
ام تركي بتحذير: اصحج تفكرين هالتفكير لازم تحاولين وتحاولين وماتوقفين لين يلين راسه ...لا تضيعينه من يدج يالخبله
الريم بطفش : بنشوف ...الا متى بنرد الاحساء اشتقت لرفيجاتي هناك والله هنا طفششش وجلسه تضيق الخلق
ام تركي : بنرجع بعد ملكه تركي وامل بااسبوع انتي الحين لا تفكرين بشئ الا فــــــــــــــــــارس فهمتي ...
الريم وهي تفكر : فهمت ...يمه فهمت ....
رجعت غرفتها وكلام امها يدور ببالها ..راح تتقرب من فارس بااي وسيله ..لازم ماتضيعه ..لازم
المواضيع المتشابهه
العرض العادي
