رواية انت تدري اذا البنت عشقت وش ممكن يصير !

[دانة الكون]

فالدور السفلي ...

ابو فارس واقف وهو يشوف زوجته ضامه اختها تهديها وتخفف عنها .....
تكلمت ام تركي وهي تحترق من وجعها : رجعلي ولدي يابو فااارس رجعه لي تكفى ...


ابو فارس بجمود: لازم يتحاسب على الي سواه ...
لازم يصير رجال والحبس هو الي بيربيه ...


ام تركي بكت : لاااااا ولدي مايجلس بالسجن ..مااايجلس بالسجن


ام فارس بعتب : سعود لا تقول كذا لا تزودها علينا الله يخليك ...


ابو فارس بجديه : هذي الحقيقه ...ماراح يقتله السجن
بالعكس راح يتأدب ويتوب ويبطل حركاته


انفتح الباب فجأه ..دخلت وهي تضحك بيدها الجوال
وريحه عطرها فاحت فالمدخل كله : ههههههههههه تيب ياعمري
خلاص وصلت البيت ههههههههههههه تيب تيب ياله بااي


وقفت فجأه وهي تشوف الكل واقفين ..يطالعونها ..
اختفت الابتسامه المرسومه على وجهها
وهي تشوف امها جالسه على الارض تبكي ....


طالعها ابو فارس باحتقار ...راجعه على الفجر واصوات ضحكاتها تملى المكان...
شكلها بعبايتها المفتوحه وريحه عطرها الي معبيه المكان
غير ان الطرحه على اكتافها وهي اخر مكياج ....
وكأنها بنت شوارع مو بنت متربيه من عائله محترمه ...


ركضت جهه امها : يمه شفيج ؟؟؟ وش صاير ؟؟؟


ام تركي : ااااااااااااااااه يالريم ااااه اخوج محبوس فالسجن اااه عليك ياتركي


الريم فتحت عينها مصدومه : يمه وش تقولين ...
"التفتت لخالتها" خالتي فهمني وش صاير ....


ابو فارس لف طالع لغرفته ببرود : هنادي انا طالع
صحيني لصلاة الظهر ورانا اشغال لازم نحلها
واتصلي بلغي الي عزمتيهم انه الملكه انلغت ............










************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ************************************









المستشفــــــــــى

غرفه نايــــف

غافيه بهدوء وجو الغرفه ساعدها ..مرت ساعتين وكأنها دقيقتين ...
تحرك نايف وهو نايم ...حس بجسم يشاركه المخده فتح عينه بكسل ....
مد يده وهو يستكشف المكان الي موجود فيه ...هذي مو شقته ....
وفي من يشاركه المكان كمان ..

حرك راسه شاف جسم نايم جنبه
عدل نفسه وجلس حتى وضحت معالم الجسم كانت بنت ....


فرك عينه بقوه يبى يستوعب ...
نفسها البنت الي كانت عنده قبل
ايش جابها ...ومن تكون ....حاسسها مو غريبه عليه!


بدا يتذكر .. شوي شوي ....اخر شئ متذكره لما كان مع فارس
وكان بيقابل الشخص الي بيساعده يسترجع الذاكره.......
اما بعد كذا مو متذكر ايش صار ...


مرر يده على راسها وهو متوتر : هي ..هي انتي


تحركت بكسل تعبانه وماتبى تصحى : امممممممم شوي فنو خليني


نايف هزها وهو محرج ...: بنت ...اصحي ....بننننت


جلست وفتحت عينها على الاخير مفجوعه : ها ها اشفيه ...
"كانت عينها حمرا ووجهها منفوخ ..شافت وجه نايف المرتبك
استوعبت انو صحى اخيرا عدلت جلستها " : اسفه نمت ماحسيت بنفسي ....


سكت وهو مو عارف ايش يقول ....اساسا مو فاهم شئ ....


مدت يدها وهي تمسح على راسه برقه : كيف حاسس دحين
ان شاء الله احسن حياتي


نايف بعد عنها بتوتر وهو يغض بصره : انتي مين ؟


جلست جنبه وهي تمرر يدها على خده وابتسامه حزينه مرسومه على وجهها : ....انا .....انا اختك ...رغد ....مو متذكرني يانايف ؟


سكت وهو يسمع كلامها ...بدا يحس بدوار حط راسه على المخده
وهو يحاول يستوعب كلامها .....


كلمات تتردد في راسه ...


انا اختك ...


اختك ....


اختك .....


...استاذ فارس ....الشقه ....لا تحط ببالك أي كلام ....

بتقابل شخص مهم ...


راح تتغير حياتك ....كون قوي ...


الشخص الي كان بيشوفه ....دخوله الشقه ...
والبنت الغريبه


نايف ...نايف ....نايف ....انا اختك .....

رغد ....


رغـــــــــــــــد .....


رغـــــــــــــــــــــــــــــــــــد ..........................




نايف حس انو مو فاهم شئ : من فين طلعتي لي يارغد .....


عدلت جلستها جنبه مسكت يده ودمعتها بعينها
تعبر عن صدق الي بقلبها وهي تفتح ملف الماضي : من رعب كنت عايشته بدونك يا اخوي ..


لف وجهه عنها وهو يتذكر كلام طارق ...
هذي الي جابت لهم العار : بااي وجه تقابليني بعد سواد وجهك ...بااي وجه ...


نزلت دمعتها على خدها تمسكت بيده : لا تظلمني مثلهم
انا جيت من عذاب كنت هاربه منه ...من ناس ظلموني
وشردوني وانا يتيمه بغيابك ....لا تظلمني مثلهم وكون عادل ...


نايف بقسوه : ليش اجل هربتي ...ليش حطيتي راسنا بالارض ..
حتى لو كنت مااذكر شئ الا الشرف محد يرضى على عرضه ....


وقفت مسكت وجهه ولفته عليها ..
حطت عينها بعينه ولمعه الصدق تلمع بعينها : تبي تسمع مني...
والا كفاك ماقالوه عني ياولد امي وابوي
صدقت كلامهم وافتراءهم علي وحكمت .....


نايف تأمل عينها وهو ساكت حس بضياع
وكلام فارس يتردد بذهنه "لا تحط ببالك أي كلام قبل تسمع "
بتردد : مادري ...تكلمي وخلصيني من العذاب الي عايشه ..
.فهميني كل شئ وكوني صادقه ...كوني صادقه...
تعبت وتشتت انا ادور الحقيقه من الصادق ومن الكاذب


ابتسمت وهي تشد على يده : وانا مابقول الا الحقيقه .
.وربي شاهد على كل كلمه بقولها لك


نايف : تكلمي


رغد :................................................. .................................................. .................................................. .................................................. .................................................. .................................................. .................................................. ..................

[دانة الكون]

بيت ابو طارق

دخل البيت وهو مستعجل ...ركض للدور الثاني
وهو يحس انو راح يغمى عليه من التعب
البيت هادئ جدا والكل نايم ...


دخل غرفته كانت على نفس وضعها على اخر مره تركها ...
كره الغرفه وكره كل شئ فيها ...


جمع كل اغراضه واغراض هديل وحطهم فالشنط ..
ماكانت كثيره لانهم مالهم فتره طويله فالمملكه ...
ماخلى ولا غرض كلها جمعها وحطها فشنط ..
خرج من الغرفه ونزل كل الشنط والاغراض للدور الاسفل ...


دخل غرفة الاطفال كانت غرام نايمه معهم والغرفه هادئه جدا
كل الاطفال نايمين شاف عبد العزيز واليان بسررهم ....

فتح الدولاب بهدوء عشان مايزعجهم طلع كل اغراضهم ونزلها ....

اخذ اكثر من ساعتين وهو ينقلها لسيارته ..
انتهى وهو حاسس بتعب وارهاق من المجهود الي بذله .....


بعد ماانتهى دخل ودق الباب على سينا ...
صحت على الصوت وخرجت مفجوعه شافت طلال واقف ...


سينا : نعم مستر تلال ايس فيه .؟؟


طلال بتوتر: جهزي الونه وعزوز بعد شوي بمر عليهم
صحيهم ولبسيهم طلعت لهم ملابس تلقينها على السرير



سينا بطاعه : اوك مستر تلال ...


خرج من البيت وصل الاغراض المطار وشحنها الى رومااا ...
رحلتهم بعد ثلاث ساعات باقي بس يجيب هديل والعيال
ويخرج من هذا المكان بعيد عن المشاكل
وعن كل ذكرى مؤلمه ....................





يتبع

[دانة الكون]

كنــــــــدا

فانكوفر

تكلمت افنان مع فهد اول مارجعت من الجامعه ..
خبرته عن بنت سعوديه تصاحبت معاها فالجامعه محتاجه مساعده
وانها عرضت عليها تساعدها .....
هي واخوها ..ماعندهم شقه ومو عارفين ولا مكان بكندا ....


بعد الحاح منها وافق فهد ... مايقدر يرفض لها طلب ...
وبنفس الوقت ماحب يتركهم وهو يقدر يقدم لهم العون ...


سأل فنفس العماره الي هم ساكنين فيها والي حوليها اذا في شقق للايجار
من حسن الحظ لقي شقه خاليه بنفس العماره الي هم فيها
مستأجرها خرج قبل اسبوعين
تكلم مع صاحب العماره ووافق يأجرها بعد اقناع فهد له ..


الخبر فرح افنان وماانتظرت ولا دقيقه....
اتصلت فورا على رنيم وبشرتها انها لقت لها شقه..وشقه كويسه
...والاحلى انها قريبه منها بعد .....


تكلمت رنيم مع بندر الي حسها انفرجت فوجههم اخيرا ...
سألها عن الايجار.... والمنطقه الموجوده فيها الشقه ...وبعدها الجامعه ...
انبسط لما عرف انها قريبه من الجامعه
ويقدرون يروحون بدون سياره
وايجارها طيب مو كثير ويقدر يدبره .....


ابتسم باامل كل الامور تيسرت بفضل الله...
ومافي شئ معكر عليهم .. المستقبل مبين راح يكون مشرق


اول شئ راح يسويه ينتقل للشقه ويستقر فيها ...
ثاني شئ ناوي يتقابل مع اخو صديقه رنيم ...
لازم يشكره على مساعدته لهم فاازمتهم ....


ماانتظرو وقت بنفس الحظه جمعو كل اغراضهم ...
وتوجهو للعنوان تبع الشقه الي عطتهم اياه افنان ..


دخل بندر وشافها ....عجبته ..كانت واسعه ومريحه ...
غرفتين وصاله وحمام مرتبه وشكلها حلو ...على قدهم تماما ...

ركضت رنيم وهي تخلع حجابها وحجزت لها وحده من الغرفتين ...
اما بندر شال كل الاغراض ودخلهم للشقه ...
بعدها خرج يتكلم مع فهد الي كان هو الي استقبلهم وسلمهم مفتاح الشقه ...


حس نفسه محرج وممتن لهذا الانسان ...
ماتعود يكون مديون لاحد طول عمره معتمد على نفسه ...
شاف فهد واقف بره... اول ماطلع التفت له وابتسم ...


فهد بشفافيه سلم عليه : هلا والله بولد بلدي ...
ها بشر ان شاء الله عجبتك الشقه ..ان ماعجبتك نغيرها ...


بندر باامتنان: لا والله عجبتني وحلوه ماشاء الله ...


فهد : الحمدلله ..يالله اجل الله يجعلها سكنه الهنا عاد انتو جيراننا ...
احنا شقتنا مقابله لكم ...


بندر ابتسم : ماتقصر جزاك الله الف خير خلصتنا من ازمه
ماكنا عارفين شلون نتصرف ...والله ماعرف شلون اشكرك يا ....


فهد : اسمي فهد ... فهد الـ..... ...


بندر صافحه بموده وهو حاسس انو ارتاح لهذا الانسان : عاشت الاسامي يافهد ...
وانا اسمي بندر الـ..........


فهد بحبور : عاشت ايامك ...تشرفنا يابندر ...
واعتبرني من اليوم اخوك فالغربه واي شئ تحتاجه انت واهلك انا فالخدمه ...


بندر بخجل: ماتقصر والله ياالغالي ...الله يسعدك


فهد: امين يارب ويسعدك ...يالله اجل انا راجع الشقه
وانت روح ارتاح وراك جامعه وتعب بكره... دراسه كندا مو سهله


بندر من قلب : أي والله صدقت ...يالله تصبح على خير


فهد: وانت من اهل الخير ....


كل واحد فيهم دخل شقته وهو مرتاح ومبسوط ...
افنان تتكلم مع رنيم فالتلفون وعلاقتهم كل مالها تزداد قوه ....


طلب بندر عشى وتعشى مع اخته بااول ليله لهم بسكنهم
بعدها ساعدها فترتيب الاغراض فالبيت وهم يتسامرون ..
كل واحد يحكي للثاني الي صار معه بااول يوم دراسه ....

رنيم طول الوقت تحكي له عن افنان وكيف تعرفت عليها .....
وهو حكى لها الي صار معاه وانه تعرف على فهد اخو افنان .......

[دانة الكون]

اما بشقه فهـــد

دخل الشقه شاف اخته تتكلم فالتلفون وهي متحمسه ..
كانت تتفق مع رنيم يتقابلون بكره من بدري ناوين يفطرون مع بعض ...


فرح انها لقت احد تجلس معاه ...
كان خايف انها بعد مالغت رغد السفره تطلب انها ترجع المملكه
لكن وجود رنيم ساعده ...

حس انه مرتاح لعلاقة اخته معاها ...
اخوها مبين عليه محترم وولد ناس واكيد اخته مثله رغم انه ماشافها ...


بعد ماخلصت مكالمه التفتت شافته واقف ومتكتف ...


افنان بخجل : يوووه فهودي من متى رجعت ؟؟؟


فهد مسوي مسكين : من زمااااان بس استناك تخلصين مكالمه
معدتي توجعني من الجوع من الصبح مااكلت شئ ..


وقفت بسرعه ...افنان بحنيه : ياقلبي انا ..يخسى الجوع
دحين اقوم اسوي لك احلى مكرونه كم فهد عندي انا ....
هو واحد الله لا يحرمني منه ...


باس راسها : ولا يحرمني منك يااغلى اخت ...
امزح معاك لا تتعبين نفسك طلبت بيتزا من بره وشوي توصل ...


افنان باابتسامه : فديتك ...


فهد: فداك عيوني الثنتين ..ها كيف كان اول يوم لك فالجامعه ...
ان شاء الله ما تعبتي فيه بس ...


افنان بدلع : اممم الصراحه هو ماكان كل شئ سهل
يعني تعرف لازم شوية صعوبه بس الحمدلله كل شئ اوكي...
واهم شئ ماظليت لحالي ....


فهد : كويس ريحتيني ...وذي صاحبتك نفس اختصاصك ؟


افنان: ايوا زي بعض ..ماتعرفت على غيرها ..
شفتها الوحيده فالكلاس متحجبه حجاب كامل زيي رحت جلست جنبها .
.وسبحان الله كلمه على كلمتين وصرنا صاحبات
اخلاقها عسل ودمها خفيف سم الله عليها


فهد براحه : اهم شئ انك مبسوطه ومرتاحه فالجامعه ...


افنان : لا تشيل هم انا مرتاحه ومبسوطه .. ماقلت لي كيف كان العمل ؟؟


جلس على الكنبه جنبها وهو يتنهد بتعب : اااااه والله تعب
كثرت علينا الاشغال هنا مو زي المملكه ...
المدير ارسل لنا ولكل الفروع انو يبغى يسوي تحويل
ويغير مواعيد الدوام لكذا واحد من الموظفين من ظمنهم انا ....
كلمته اني ماابغى بس لين دحين مارد علي شكلو مافي مجال ...


افنان بقلق : يعني لو تحول راح تخرج كل يوم متى ؟؟؟


فهد : يبدأ الدوام قريب عصر وارجع تقريبا
يعني قولي 12 او 12 ونص زي كدا يعني ..


افنان يخوف: ماترجع الا اخر اليل ؟؟؟ وتخليني لحالي فالشقه ...؟؟؟؟


فهد مسح على شعرها: ماعليك خوف ياقلبي ...
لو صار لا تشيلي هم العماره مليانه عرب بعدين انتي قفلي الباب عادي
ولا تفتحينه انا لما اجي افتحه بالمفتاح الي عندي ...


افنان بدون اقتناع : طيب انتا حاول مايغيرو دوامك ..حلو فالصباح ؟؟
فاليل مره مو حلو


فهد بمنطقيه : بس انا الفكره احسها مو بطاله ...
بالعكس افكر بما انو كدا كدا راح يتغير دوامي
حستغل الفرصه و استغل وجودي هنا


افنان بحيره : كيف يعني مافهمت ؟؟


فهد رمى المفاجأه: راح اقدم فالجامعه واكمل الدكتوراه ...


تفاجأت من كلامه ...هو اخذ الماجستير فالمملكه ..
ماخطر ببالها انه يفكر يكمل دكتوراه !!
لانه متوظف ووظيفته مافي احسن منها ....: انت من جدك ؟؟
عمرك ماقلت لي انك ناوي تكمل ...


فهد : ماكان دا الشئ من اولوياتي لما كنا فالمملكه بس حاليا افكر بجد اقدم


افنان عقدت حواجبها: راح تتعب الدراسه والشغل تعب عليك واجهاد ...


ابتسم : .. في اكثر من زميل لي فالعمل ماشالله يكملون دراسات
وبنفس الوقت ملتزمين بالعمل مسوين تنسيق بااوقتهم ...
بعدين انتي عارفه احنا بغربه مافي اماكن اروحها غير الدوام والشقه
وانا مابا يكون عندي فراغ ..تعرفين ابليس شاطر ...


افنان بتفكير : صح والله ...


فهد: عشان كذا راح اشوف لو راح يتغير دوامي راح استخير و اقدم
..كويس انو وقت التقديم راح يخلص نهايه الاسبوع وعندي فرصه ...


افنان من قلب : الله يقدم لك الي فيه الخير ياخوي ويفتح عليك


فهد : اميـــــــــن يارب
"سمع صوت الجرس " شكلو العشى وصل بروح اجيبو واجي ............



جاب العشى وجلس مع اخته يكملون كلامهم

كانت تفكر برغد من اول ماوصلت وهي تحاول تتصل عليها وتكلمها
لكن مافي أي رد منها حاسه بقلق عليها بنفس الوقت مرتاحه لوجودها فكندا ...
صداقتها لرنيم حاليا ......مصبرتها على الغربه ..

احلام كثيره تزورها في هذي الفتره ...
ماتدري ليش ذكريات الماضي ترجع لها تصحى تضم صندوق ذكرياتها ....
وهي تترحم على الي ماتو ولازالو احياء في ذاكرتها وقلبها ....

اما فهد ...كان كل تفكيره بعمله وبتقديمه ..
مستقبله يبدأ من هنا ولازم يناضل عشان يثبت نفسه ..
عمره 26 سنه ..وقطار الحياه في تقدم والسنوات تجري .....
مافي شئ فالدنيا اهم من تحقيق اهدافه
والوصول لـ اعلى المراتب ...

[دانة الكون]

جـــــــــــــــــــده

بيت ابو عبدلله

في الصــــــــــــاله
جالسه تشرب القهوه مع امها وابوها واخوها فحضنها ترضعه الحليب...
عائله متكامله الكل مبسوط ومرتاح ...مافي شئ معكر عليهم جوهم
الا غياب عبدلله الي راح بدون حتى مايخبرهم عن وجهته ....
ومافي اي اخبار عن عيال خالتهم


يزيد نام فحضن غزل و ابو عبدلله يقرء الجريده ومو معهم ...
وام عبدلله تتقهوى بروقان وهي تسولف مع بنتها على موضوع زواجها من احمد ...


ام عبدلله : ليش ماتبين يكون بنص الشهر ...
مافي شئ يخليكم تعجلونه كذا مايمدينا ندبش لك زي الاوادم ...


غزل مكيفه : امي والله احس الموعد الي قاله احمد تمام ..
ليش نأخره اكثر من كذا اذا على الدبش ننزل انا وانتي يوميا لما اخلص


ام عبدلله بدون اقتناع : والله كلامك مو داخل راسي
احس لازم تأخرونه اقل شئ لنص الشهر


غزل مدت شفايفها : امممييي احنا بالقوه لقينا حجز للقاعه ببدايه شهر ثمنيه
تعرفين خلاص الاجازه حتبدى بعد اسبوعين والزواجات ياكثرها
مستحيل نلقى حجز فاليوم الي انتي تبغيه ...


تنهدت ام عبدلله : اجل يابنتي الي تشوفونه الله يعيينا كل يوم ننزل السوق
ولاتنسين الفستان والصالون ...شكلنا راح نتعب


غزل باابتسامه ضمت امها : الصالون حليتها خلاص صالون ام يزن
سمعت شغلهم مره حلو وحده مدحتو لي من صاحباتي وحتصل احجز عندها ......
والفستان محلوله الاهم انك توافقين وتكونين راضيه ...


ابتسمت وهي تبوس بنتها : اكيد موافقه انا مبسوطه ما دام انك مبسوطه ياقلبي...
اهم شئ عندي فالدنيا كلها سعادتك وسعاده اخوانك ...
ماتدرين لما طلبتي الطلاق انا وابوك زعلنا ....
ماكنا نبغى نضغط عليك ونجبرك على شئ بس ماكنا موافقين انك تهدمين حياتك
....بس الحمد لله ...الله هداكم احمد طيب وماراح يزعلك ان شاء الله


غزل بحب : وانا ماراح ازعله ان شاء الله وراح اكون زوجه مثاليه
ولا يشوف مني الا كل خير وطيب ... احمد مافي زيوو
كنت غبيه يوم فكرت اننا نتطلق ماراح القى انسان يحبني ويعزني زي ولد عمي ...


ام عبدلله بصدق :مع اني تمنيتك تاخدي بندر ولد خالتك الله يرحمها ......
لكن يالله كل انسان ياخد نصيبه من هذي الدنيا


غزل رفعت فنجال القهوه تشرب : على قولك ...


ام عبدلله بغصه: الا مااتصلت عليك رنيم...


غزل براحه : لا ماكلمتها ولا اتصلت
بس رسلت لي رساله اول ماوصلت وهي بخير هي واخوها
الله يوفقهم ويفتحها بوجههم


ام عبدلله من قلب : امين يارب ...احس قلبي ناغزني
مدري ايش اخبارهم من سافرو ماحد منهم اتصل ...


مسحت على كتف امها وهي تشوف الهم على وجهها : لا تزعلين ياامي
الي مرو فيه مو قليل والله ....خليهم يرتاحون ويستقرون بحياتهم
صدقيني من نفسهم راح يتصلون عليك تضلين خالتهم وبمكان امهم ....


ام عبدلله والدمعه خانقتها : والله وربي يشهد علي انهم زي عيالي واعز
والي يضرهم يضرني قبلهم ...بس ايش اسوي عبدلله كمان ولدي
وانا حاولت اصلح بينهم بس مافي فايده ...
هم محملينا حتى سبب موت امهم الله يرحمها


تنهدت غزل : ياامي لين متى وانتي محمله نفسك كل هذا ...
صدقيني بيجيك الضغط والسكر لو جلستي تحملين نفسك فوق طاقتها ...
هذا قضاء وقدر ..هذا يومها الي ربي كاتبه لها احنا مالنا علاقه بشئ
كل شئ مقدر ومكتوب الله يرحمها ويجعل مثواها الجنه ...


ام غزل نزلت دموعها لا شعوريا : الله يرحمها ويغفر لها...


غزل تأثرت وهي تشوف دموع امها : بس ياامي لا تبكين
والله قلبي يوجعني وانا اشوف دموعك .....


ام غزل بحزن ودموعها على خدها : ماقدر يابنتي ...
والله قلبي يوجعني وانا اعرف انهم لحالهم في بلاد الغربه ....
مين يهتم فيهم وايش يسوون من فين ياكلون ومن فين يشربون وكيف عايشين ...


تكلم ابو عبدلله وهو يضم زوجته اول ماشاف دموعها: هدي نفسك ياام عبدلله ...
لا تزعلين اذا تبين من بكره احجز واوديك لهم بس لا تبكين
والله ماتهون علي دموعك ..


غزل بحزن : والله ياامي هم بخير ومافيهم شئ
لو في شئ لاسمح الله صدقيني بيرجعون وبيكلمونك ....
هم عارفين اننا نحبهم ونبى لهم الخير حتى احنا زعلنا من زعلهم
اذا هي امهم انتي اختك وانا خالتي


ام عبدلله حطت راسها على كتف زوجها وهي تعبانه من كل شئ :حاسه اختي ماراح تسامحني وانا مااهتميت بعيالها ...
ابو عبدلله اتصل عليهم وتطمن على حالهم ...
والله ماراح يرتاح بالي لين اتطمن عليهم ....
لو مو زواج غزل قريب كان رحت لهم بنفسي ...


ابو عبدلله : ولا يصير خاطرك الا طيب بااتصل على بندر واتطمن عليهم
واذا محتاجين شئ رقبتي سداده


ضمته ام عبدلله : الله لا يحرمني منك حياتي...


غزل بخجل : احم احم ...خلو الضم والرومنسيه بعدين ...


وقفت ام عبدلله وهي مستحيه مسحت دموعها ورسمت ابتسامه على وجهها : هاتي يزيد عنك احطه بسريره...


اعطتها يزيد الي كان متعمق فالنوم ...
شالته امه وراحت تسدحه بغرفته وضلو ابو عبدلله وغزل ....


ابو عبدلله قرص خدها وهو يضحك : يا سوسه ليش تحبين تخربين علينا ...


غزل: هههههههههههههههههههه اااي خدي استحي اشوفكم كدا ...


ابو عبدلله : ههههههههههههههه تستاااهلين ...ااخ منك نذله


غزل "بجديه" : الا صح ماكنت بااسألك قدام امي ...
عبدلله مااتصل ولا شئ ماشفته من يوم ماسافرو عيال خالتي وينه ؟


ابو عبدلله بان القلق على وجهه: مادري عنه....اخوك مو صاحي
اتصلت عليه امس قال انه عنده شغل وماراح يرجع البيت الا بعد كم يوم


تنهدت غزل : الله يهديه ويصلحه ...لين متى مابيعقل
بعد كل الي صار ماني شايفته تغير ...


ابو عبدلله تنهد تنهيده طويل تبين مدى الي حاسس فيه بهذي الحظه : ايش اقول يابنتي ...
مهما سوى يضل ولدي ماني راضي عن تصرفاته
بس قلبي بيتقطع لو صار له شئ ....


ربتت على كتف ابوها : ادعي له ...ادعي ربي يهديه ويصلحه


ابو عبدلله : والله اني بكل سجده ادعي الله يهديه ويصلحه
ويعقل الي يسويه مو هين اذى عيال خالته واذى اقرب الناس له


غزل بحنيه: انت كمان هدي نفسك ولا تكون متشائم
كل انسان يمر بحياته مواقف ويسوي اخطاء محد معصوم وبيتعدل وضعه


ابو عبدلله بامل : ان شاء الله ....الا انتي كيف اوضاعك مع زوجك ..
اشوفكم تصالحتو وحددتو موعد الزواج كمان


غزل بخجل : ايوا ..تصالحنا ..كان بيننا سوء تفاهم وحليناه


ابو عبدلله : الله يسعدك يابنتي ويكتب الي فيه الخير ...
والله اني مبسوط عشانك ومرتاح انك اخيرا بتتزوجين وتستقرين ببيتك
مع اني مااباك تبعدين عني ...


ضمت ابوها بحب : ماحبعد عنك يااغلى اب انا كل يوم حزوركم
لين تطردوني من عندكم ههههه


ابو عبدلله : لا افا مانطردك البيت بيتك انتي وزوجك ...


سكتت غزل خجلانه ...من تجي سالفه زواجها من احمد
تحس وجهها يحمر ويسخن غصب عنها ...


ابو عبدلله بتفاءل : الله يسعدك وعقبال مانزوج عبدلله ورنيم
خلي بس الجروح تلتأم وننسى الماضي ونفرح فيهم ....


غزل من قلب : امين يارب ......

[دانة الكون]

النمســــــــا
فيينا

قرب منها اياد وماسمح لها حتى تكمل كلامها ...
سحبها من معصمها بقوه وهو يخرجها من المعرض ...


صرخت فيه مقهوره : سيييب يدي ...اياااد بلا جنان ...
اياد يدي توجعني ....ياحيوااان خليني ارجع .....


ماتكلم ولا بكلمه سحبها بقوه ومشى ....................


ماعرفت فين بيوديها حاولت تفلت يدها منه
بس كان شاد عليها بقوه مشى ومشى ...

دخلها لاحد الازقه الخاليه من الناس ..
فلت يدها الي اوجعتها من شده عليها ....كان وجهه احمر متفجر ...

الي بقلبه كان كبير لو كان ضعيف كان ممكن يبكي من قهره
لكن هذا اياد ...القوي ..مستحيل يعالج اموره بالدموع
لانها ما تليق بالرجال ...لو بيفجر غضبه يتكلم ....


صرخت فيه وهي تمسح على معصمها : وجع ..كسرت يدي يازززفت...


اياد بقهر :...تستاهلين اكثر.... لو كسرت يدك وراسك كمان
كان احسن ومابيشفيني فيك والله


ضربت برجلها الارض وهي معصبه : انــــــــت ليش لاحقني فكل مكان
تراك غثيتني كل مالتفت اشوفك


اياد حط يده على راسه : كذااا مزاااااااج ..
بشوف وش تهببين من ورى ابوووك ..مادام الي يتسمى اخوك مادرى عنك


بشاير رفعت اصباعها بتهديد : تراك تجااااوزت حدودك ..
وانا مااسمح لك بكذا قلنا ولد عمي ولك الحشيمه لكنك زودتها .....
انت انت شايفني جايه من كابريه
والا ماعرف ابويا يربيني ! شايفني عاااهره ....


صرخ فوجهها : انا مــــــا قلت كذاااا


صرخت بصوت اعلى : الا هــــــذا الي تقصده
اجل ليش تعاملني كذا وكأني وحده ماتستحي ...اول مره سكت لك....
اصحى على نفسك وعلى تصرفاتك ...
انا مو طفله تلاحقني من مكان لمكااان


اياد بعصبيه وهو متوتر من كلامها : الا طفله والا ماتسوين الي تسوينه ...
خارجه من الجامعه مع واحد وطايحتلي تمسكين يده ....
ولا وقريب منك شوي ويحضنك ..

بشاير صرخت فوجهه : وانت اشلك شغل هاااااااااااا لا انت زوجي ولا ولي امري
انا حره امسك يده و الا احضنه....والا اتزوجه ....
ليـــــــش مو راضي تتركني ..يااخي ماابيك سيبني
خليني اعيــــــش حياتي


اياد بقهر مسكها من كتوفها وهزها : وانتي شايفه هذي حياة تعيشينها ....
كل هذا عشان تقهريني وتعصبيني ...لييش يابشاير لييش ...


بعدت عنه : شيييل يدك عني ...قلت لك انا حره واسوي الي اباه بحياتي


اياد ماتركها تكلم وهو صاك على اسنانه : لو ترجعين بيت ابوك احسن لك
بدال المصخره الي اشوفها


بشاير بعناد رمت يده وبعدت عنه وهي تطالعه بحده: ماني رااااجعه
وبسووي كل شئ بمزززاجي بحب وبعيش
ورجااااءا لا تتدخل بحيااتي انت ماتعني لي شئ ...


انجرح من كلماتها ...حسها بكل كلمة تطعنه اكثر ....
سكت مو عارف ايش يقول...كلمتها ...انت ماتعني لي شئ ...ذبحته
وده يصرخ بوجهها ويقول لها انتي لي ...
انتي تحبيني ماتحبين غيري ..وانا لك وماقدر احب غيرك


لكن الكلمات ماخرجت من بين شفايفه ....
حاسس انو راح يهين نفسه لو قال لها هالكلمات ...
واسلوبها معاه حسسه انها راح تجرحه لو قال لها هالكلام ....
وقتها راح تمسح كرامته بالارض سكت ونظراته بارده على وجهها ...


بشاير باارتباك رجعت شعرها ورى اذنها انتظرته يقول شئ
لكنه ساكت ويناظرها ببرود ...كانت تبى منه كلمه ...كلمه وحده بس
يقول لها فيها انا اغار عليك ...احبك ....سامحيني ....
لكنه ماقال ولا كلمه من الشئ الي انتظرته ..


مرت من جنبه بدون ماتقول شئ وهو ماوقفها ..
خلاها تمشى لين اختفت من نظره وهو واقف ببرود ...
وفي بركان بداخله يشتعل .....


ضل واقف مكانه والكيس الي فيه الهديه بيده ...
شد عليه بقهر ومشى راجع للفندق
وهو مو عارف لفين بيوصل بسبب هذي الانسانه ...

"معدومه الاحساس"...راح يوصل لحافه الجنون بسببها وبسبب طيشها ....

اما هي مشت فالشوارع ودموعها مغرقه وجهها
منظرها كان محزن وهي تمشى وماتشوف طريقها .... تحبه وتبيه....
مجروحه منه بس ماتقدر توقف عن حبه ...
وهو مو مساعدها حتى تبدا معاه بدايه جديده ...
جاف وماعنده ذره مشاعر ...


وصلت للمعرض دخلت وهي تمسح دموعها
شافت محمد جالس على الكرسي .. اول ماشافها رجعت وقف ...


محمد بقلق : ايش صار ؟؟


مسحت عينها وباين عليها انها بكت : مافي شئ ...يالله نروح الاكاديميه ...
تأخرنا واكيد سامر وصل قبلنا


سكت محمد ...ماحب يتدخل فاامورها الخاصه : طيب زي ماتبين مشينا ...


خرجت معاه متوجهه للاكاديميه وهي مو طايقه شئ
حتى مالها نفس تروح بعد الي صار لها قبل شوي ...
ودها ترجع لمخدتها وتفرغ كل دموعها عليها ......

[دانة الكون]

المستشفــــــــــــــــى

وصل عبدلله وجلس فالحديقه تبع المستشفى ...
خرج له خالد وقابله بالاحضان والاشواق ...له فتره ماشافه
مشتاق له ولجلسته وعاتب عليه بقدر محبته له ....


ضم خالد : مبرووووك ياعريس...
سامحني ماجيت ووقف جنبك يوم الملكه يااخوي
والله ماكنت بااتركك بس مو بيدي


خالد بموده :الله يبارك فيك .. ماعلي ياالغالي ...حصل خير
"بوعيد" بس هااا ياويلك تتركني بيوم عرسي ماراح امررها لك ساعتها


عبدلله ضحك : لا افا عليك بكون اول الحاضرين واوصلك لباب شقتك
واذا بغيت انام عندك ليلتها ماعندي مشكله هع


خالد:هههههههههههههههههههههههه حلووووه تنام عندي
لا حبيبي ليلتها مااستقبل احد ..."غمز له " بزنس مهم عندي


عبدلله :هههههههههههههه الله يخسك ماتعقل انت...


خالد : ههههههههههههههه لا


عبدلله بجديه : ماقلت لي وش سالفه طارق ...
وليش هو فالمستشفى خير عسى ماشر ...


اختفت ابتسامه خالد : ماقدرت ازوره ...شفت اهله
ومرام تقول تعبان وممنوعه عنه الزياره ...


عبدلله انفجع : يالله لطفك ليش طيب ايش صاير له ...قلقتني والله


خالد : الي فهمته انو طاح وشئ زي كدا
ماحبيت الح حسيت اهله لين دحين فحاله صدمه ومو مستوعبين
بس حالته مبينه مو تمام ابدا الله يكون بالعون


تنهد عبدلله : امين يارب ..محد عايش مرتاح ...
طيب فين فارس غريبه ماجا الثاني ..


خالد بتعب: ياشيخ كل انسان بمشاغله على اساس
اليوم بتكون ملكه اخته بس مادري انا كنت مسافر ودوبي ادري عن الاخبار ...


عبدلله بان التعب عليه :يالله مو مشكله اكلمه بعدين كنت ابي اشوف طارق
بس شكلو مالي نصيب اشوفه اليوم ...طمني عنك وكيف ايامك


جلس عبدلله وجلس جنبه: ايامي عاديه انت قول لي كيف ايامك ...
" تكلم بشئ من الحزن " منت عبدالله الي اعرفه نحفت كثير
ووجهك ذابل ولحيتك طالعه وكأنك كبرت عشره سنوات ...


عبدلله بالم : الزمن يغير ياخالد ...مااقول الا الحمدلله على كل حال ...
هذا ابتلاء من الله سبحانه وتعالى


خالد مافهم : أي ابتلاء الي خلاك تصير كذا ؟؟


تنهد عبدلله تنهيده طويله وهو حاسس بخنقه مو طبيعيه : اااااااااااااااااااه ياخالد
لو تكلمت ماراح اتحمل الي صار لي مو قليل
والله مو قليل ياخوي

"لمعه الدمعه بعينه" انا سويت مصيبه ولين دحين اتعاقب عليها ...


حس قلبه بيوقف من كلام عبدلله وانو الي صاير معاه كارثه
مو بس مصيبه : تكلم ترى طيحت قلبي يارجال ايش مسوي ...


عبدلله ما عرف حتى كيف يبدى ..يبى يفضفض لخالد ويرتاح..
ان ماتكلم راح ينفجر الكلام داخله ....


عبدلله غرقت عينه بالدموع وبدا جسمه يرتعش : مخنوووق
حاسس نفسي بمووت من الي بقلبي ...


مسح خالد على ظهره وهو يقرى عليه
حاسس انو هو المخنوق من شاف حال صديقه : بسم الله عليك ...
اهدى وسمي بالرحمن ...تكلم انا جنبك يااخوي
قول ايش خانقك كذاا فضفض وارتاح


عبدلله تكلم وهو يتذكر كل شئ وكأنه يعيشه بنفس الحظه : تذكر لما كنت احكيلك عن بنت خالتي الي احبها وابي اخطبها ....


خالد : أي اتذكر وقلت بتخطبها قريب ....


عبدلله بتوتر : انا ...انــ ـــا ......اغتصبتها........!



سكت خالد لثواني بيستوعب حاسس بصدمه صرخ فوجهه : أيــــــــــــــــــش !


عبدلله بلع ريقه : هذا الي صار ..اغتصبتها ...
كنت اضنها ماتبيني لانها علاقه بااحد بس كنت غلطان ...
من حبي لها سويت كل هذا


خالد بقهر : يااهبـــــــل هذا مو حب ...الي يخليك تأذيها مو حب ياعبدلله ...
"همس وهو مو مصدق للان " اغتصـــــاب ...مره وحده وبنت خالتك بعد


نزلت دموع عبدلله بندم وهو يعاني بسبب عذاب الضمير : أي احبهااا واحبها بجنون
الي يخليني اسوي أي شــــــــــئ..
شوف أي شـــــئ بس تكون لي ..........كنت ابي اتزوجها
واحطها قدام الامر الواقع ...بس هي رفضتني وضلت رافضتني للنهايه


خالد...طالع عبدلله وهو مو مصدق الي يسمعه ......................


عبدلله اخذ نفس وهو حاسس بااجهاد مو طبيعي وهو يعترف بالي سوااه : كانت طاهره ..
عفيفه نظيفه مثل ماكانت طول عمرها ...
كنت اباها ومستعد اسوي أي شئ بس ترضى فيني .....

"نزلت دموعه " لكنها مارضت مع كل هــــــذا ....
مارضت مادري ليـــــــــش ماتبيني ...ايــــــــــش ناقصني ...
سويت المستحيل استخدمت الحيله بس مانفع ....
بعد وقت .....اكتشفت ......انها حامـــل مني


سكت خالد وهو مصدووم من كلام عبدلله ......وهو يسمع منه
حاسس كأنه بفيلم مو حقيقه ... اقرب اصحابه يسوي كل هذا ...
معقوله وصلت فيه الحقاره يسوي كل هذا ...


عبدلله كمل وهو ياخذ نفس وانفه احمرر : المصيبه انها تعبت وراحت المستشفى
واخوها وامها عرفو انها حامل ...بس ماعرفو من مين .....
اتصلت علي تستنجد فيني.....
قالت لي تعاااااااال ياعبدلله تعاااااال الحقني وهي تبكي خايفه ...

"بلع ريقه وهو يمسح وجهه ودموعه تنزل بدون اراده منه ": اخوها ماعطها مجال
حبسها وذوقها الوان العذااب ضربها وحرقها
ماخلى فيها جزء سليم ....


"اجهج صوته " ضــــــــــرب حبيبتي ياخالد ...حرقـــــــــها وماهمتو دموعـــــــــها ورجــــــــــاءها
ضربــــــها وهي حاااااامل بولدي ..
كان يسألها من ابو الولد وهي ماتكلمت ....تسترت علي ...
وهي تتحمل الوجع وتعاني

"بكى بحرقه " ضربــــــــها وهي مالــــــها ذنــــب
اي ذنب ...الا انو عندها ولد خاله حقير زيي ...."ضرب صدره " انا وواطي وكلب
اااه ياقلبي يارنيم ...كانت راح تموت بين يديه....


مسح خالد وجهه وهو خانقته العبره ماسمح لها تنزل
وهو يستمع لكلام عبدلله وحاسس بكل كلمه يقولها وهو محروق .....
الكلام هززه فالصميم أي انسان عنده قلب ماراح يتحمل الي يسمعه ....


خالد بحزن : كمل ...ايش صار لها .....


سكت شوي وهو يستجمع قواه الي خارت وهو يحكي لخالد ...: بعد ماعذبها انجبـ ـــرت واعترفت له ....
قالت له انو انا .....انا الي ذبحتــ ــها وانا ابو الي فبطنها ...


اتصل وطلب يقابلني ..وتركها تنزف بدون رحمه او شفقه ....
عرفت انو درى وعرف كل شئ .....رحت له مكان ماطلب
وانا معطي الموت حقه ومو زعلان لاني استحقه ....
كان منتظرني ومعه المسدس بيغسل العار


قلت له اذبحـــني ...موتــــني بس لا تســـوي لها شئ ...
قلت له انا غصــــبتها وهي مالها أي ذنــــب لكن هو ماريحني ...ماريحني
قال لي بااقتلك واقتلها من بعدك ...

كان راح يقتلني بس ...غزل اختي اتصلت
قالت لي عبدلله الحقني رنيــــــــــــم ماتت ...ماتت ....


خالد حس نبضه وقف وهو يسمع همس : ماتـــ ــت...


عبدلله : انا تجننت ..حسيت مافيني عقل وانا اسمعها تقول مـــــــــاتت
ضربت بندر وخرجت ابغى اشوفها مادري كيف شفت طريقي ورحت لبيت خالتي ......

"حط راسه بين يديه وهو مو قادر يتخيل غمض عينه " كنت خايف
لو ماتت رنيم كنت راح اموت وراها ماقدر اعيش حياه مافيها رنيم مااقدر ..


خالد برجاء : كمل ايش سويت ...


عبدلله : نقلوها للمستشفى وانا لحقتها ....
سويت حادث بس ماكنت احس بااي شئ ...
وجع قلبي كان هو الي يالمني بسسس ..


خالتي جاها انهيار عصبي وتنومت فالمستشفى ...
اما رنيم لحقوها وربي كتب لها عمر جديد لكن ....

"بالم" ولدي مات ...مات قبل يطلع على الدنيا
مات غلطتي ومن يومها مات حبها لي ...


انعصر قلب خالد مسك عبدلله وضمه يحاول يخليه يتماسك ...
الي سمعه قشعر له بدنه والي شافه من عبدلله المه اكثر واكثر ....
لو كان مكان عبدلله ماكان راح يتحمل كل هذا ...ماكان راح يتحمل ...


كمل وهو يبتسم وسط الدموع خلاص الي صار حس بعذابه وانتهى مابقى الا الم الذكرى المرير : ترجيتها ياخالد

"راح صوته وجف حلقه "

بكيت وانا اطلبها تسامحني ..مستعد انحرق عشان ترضى وتسامحني ...
تنتقم مني بااي طريقه بس ماتتركني
بس هي مارضت حتى تطالع بوجهي .....

بيوم خروجها من المستشفى ماتت خالتي فالمستشفى ..
ماتت بعد ما عرفت الي صار لبنتها وعرفت كل شئ ....جاتها ازمه ...
ماتت وانا السبب بموتها ...


ضمه خالد بقوه : لا تقول كذا الموت قضاء وقدر ...
ذا يومها ياعبدلله اذكر الله ولا تقول كلام شرك انت مؤمن ...


بكى عبدلله وهو يتمسك فيه حاسس نفسه تعبااان نفسيا
: اااااااااااااااااه ياخااالد ااااااااااااااااه والله قلبـــــي تعـــــــــب.....
نفسي امووت وارتاح من عذاااب الضمير ابي ارتاح ....


خالد مسح على راسه : بس ياعبدلله لا تسوي بنفسك كذاا


عبدلله باانين : والله احبهااا ومجنون فيهااا كل الي سويته من غيرتي وتهوري
ااااااااه ...انا انسان بدون ضمير حيوان ....خالتي ماتت بسببي
وحبيبتي تركتني وسافرت ومستحيل ترجع وتسامحني ..
عصيت ربي وخسرت كل شئ... كل شئ ياخالد


خالد نزلت دموعه بحزن على حال صديقه حس انه مو قادر يسوي شئ
ماعرف ايش يرد وايش يسوي ....
جا بباله طارق وهو يتكلم عن العلاقه الي كانت بينه وبين اخت عبدلله


....فعلا كما تدين تدان ...


سكت عبدلله وهو مغمض عينه ويلتقط انفاسه ....
حس انو ارتاح نسبيا يوم تكلم وطلع كل الي بقلبه ....
بعد عن خالد وهو يشوف نور الشمس الي اشرقت وهم ماحسو فيها ...


سكتو الاثنين ...ربت خالد على كتفه وهمس : شفت ...
بعد اليل وسواده وظلمته وبرده..اشرقت الشمس وطلع النور والدفئ ...


سكت عبدلله وهو يتأمل الشروق .............................


خالد بنيه صافيه وبقلبه الابيض : دائما في شئ اسمه بدايه جديده ...
وسماح ...اول شئ لا تحمل نفسك سبب موت خالتك ..
لانه هذا شئ مقدر لها وكانت راح تموت لو على فراشها
هذا يومها ياعبدلله


عبدلله براحه : الله يرحمها ويجعل مثواها الجنه ...


خالد مسح عينه وهو يبتسم : وبنت خالتك عايشه وهذا هو الاهم ...
تقدر تصلح غلطتك وتتسامح منها ومن كل شخص اذيته ...
والاهم ترجع لربك وتتوب


عبدلله بندم : انا تبت ورجعت لربي وماراح ارجع لاي شئ كنت اسويه قبل ...
بس انا الي خايف منه ياخالد انا ماتسامحني .....
خايف تكون حاقده علي وماترضى ...هي سافرت بره المملكه تدرس
كلو عشان ماتشوفني ..


خالد بحزن : لسه تحبها ياعبدلله ...


ابتسم عبدلله بغصه والحب يلمع بعينه : وراح اضل احبها طول عمري...
هي حبي الاول والاخير ...


خالد : اجل لا تتركها ...تسامح منها وحاول تطيب جروحها
راح تتعب فالبدايه بس لا تستسلم مشوارك طويل معها ...


ابتسم وهو يتأمل الافق : مشتاق لها ...من سافرت وانا احس المملكه مظلمه


خالد حاول يغير الجو : امااا هذا النور كله ومظلمه


عبدلله : أي نور ؟؟؟


خالد رفع حواجبه : نوري انااا طبعا ونور حبيبتي مرووومتي


عبدلله :هههههه لا يكثر انت على مرومتك ..
مافي زي رنومتي اااه متى بس ترجع وتنور المملكه وتنور قلبي معاها


خالد ابتسم وهو يشوف الابسامه تشع فوجهه : قريب اكيد ترجع وتتسامح منها
وترجع المويه المجاريها
..مهما بعدت بتشتاق لديار ابو متعب وترجع ................


عبدلله : اااه متى ترجع بس متى ...
ديار ابو متعب والي فيها ينتظرون رجعتها .......







لك بمد اليد ودي نتصافح....
ودي ننسى مامضى ودي نتسامح
ودي ارسم في عيونك من دفى النظره ملامح

يكفي جروح الهوى ...تلمس القلب وتصافح

ياكثر ماتعبت عيوني مدامع...
ياكثر ماشعل نار المواجع
ان رضيت قلبي ينبض بالفرح والشوق لاجلك
ان زعلت انشغل... انشغل فكري بهمك
اووه حبيبي عيني حبيبي

انت باايدينك تعيد السعاده..
وانت باايدينك تزيد الجراح
صعب اوقف في طريقك.. وانا قلبي في يدينك

يكفي جروح الهوى تلمس القلب وتصافح


كلمات ..السلطان



"حبيبي مد يدينك انا محتاجه ليدينك
المسافه يانور عيني ظلمه بيني وبينك
ياحبيبي"

[دانة الكون]

غرفـــــــة نـــــايف

سكت وهو يفكر بالكلام الي قالته وهو في حالة صـــــــــــدمه
كانت تحكي له وهي تبكي ...ماكانت تحكي قصه عاديه ...

كانت تحكي الي صار لها تحكي الظلم الي تعرضت له ...
تحكي معاناتها بسبب الي سووه فيها ...وكل الصعوبات الي عانتها ....
كل هذا لان مالها سند ....

حس الدم يغلي بعروقه وهو يسمعها ...

ماشك ولا 1% انها تكذب عليه ....الي يكذب يبان من كلامه الكذب
سمع منها وسمع من طارق ...
وبعقله عرف يميز مين فيهم الي كان صادق وماخبى عليه أي شئ ...


رغد حكت له بالتفصيل الممل ...حكت له عن وفاة امها وابوها ...
عن اجبار عمها لها انها تتزوج طارق ...
حتى حكت له عن اخلاق ولد عمها الخايسه


وهو مااستغرب هذا الشئ ....
الي بحقارته يوم افترى على اخته كذب ممكن يسوي أي شئ ....


حكت له عن هروبها وانه رنا ساعدتها ...
التقاءها باافنان صديقتها ....كيف تعرفت على فارس......


لما تكلمت عن فارس وعن شغلها تضايق ....
حس بالغيره عليها ...اضطرت تطلب عطف الغريب ...
والقريب كان عقرب يلسعها بسمه ....هذي اخته يصير فيها كذا ...
وكل هذا من تحت راس عمه وعيال عمه ...


مايدري ليش حس بحقد فضيع عليهم ...
تذكر لقاءه فيهم كيف كان ...
عشان كذا كان عمه يتعذر منه
وكانو مو عارفين حتى كيف يرضونه .....



منافقين ..........



كل هذا لانهم حاسين بالذنب بسبب الي سووه بااخته ...


مسحت رغد دموعها : والله ماكذبت بحرف عليك يانايف
اذا مو مصدقني كلم افنان هي الي عاشت معي كل الظروف ...
اسألها واسأل حتى اخوها واسأل مرام بنت عمي
ورنا كلهم يدرون بالي صار لي ...


ضمها نايف لصدره ..حس بدقات قلبها المتسارعه
اول ماضمها اجهجت بالبكاء على صدره ..
كانت تنتظر ذي الحظه من زمان ....
حست براحه مو طبيعيه وهي فحضن اخوها ...
اخيرا ارتاحت وانزاح عنها العذااب ...


نايف بحنان: انا صح مو متذكر لكن ادري انك صادقه ...
قلبي يقول لي انك صادقه يكفي دموعك الي ماتقدر تكذب على احد ...
ماتدرين قد ايش ارتحت وانتي تحكين لي الي صار معك
كنت طول الوقت وانا اظن انك بعتي شرفنا مثل ماقال طارق
تمنيت اني ماعرفت اهلي وقتها....


رغد دخلت راسها فحضنه : اااه يانايف انا انظلمت من بعدك
ماكان احد جنبي ماعرفت ايش اسوي وانجبرت اواجه الحياه لحالي
بس الحين انت موجود ومااخاف من أي شئ اوعدني ماتتركني ...


نايف بصدق : اوعدك مااتركك ولا يوم واخذ حقك منهم كلهم ...


رغد بعدت عن حضنه وهي مبتسمه ودموعها تزين خدها : وانا متأكده من كذا


نايف بتردد : ابا اشوف بيتنا ....


فرحت بكلامه ..
كانت راح تقترح عليه يرجعون جده : خلاص بعد يومين
اول ماتخرج من المستشفى نرجع جده لازم ترجع لك الذاكره ...
الدكتور يقول انو فقدان الذاكره كان عارض بسبب ضربه
واحتمال كبير ترجع بس تحتاج شوية وقت
ولازم تشوف اشياء تذكرك بالماضي


نايف : حلو اجل بااتصل بنادر واخبره اني رايح جده


رغد بااستغراب : أي نادر ؟؟؟


نايف ابتسم : هذا صاحبي كان معاي فالسجن
اكيد قلقان علي لاني خرجت وماقلت له ....


رغد : اهاا اوكي انت قول له وانا كمان رايحه زواج ثنتين من صاحباتي
حابه افاجأهم اول مانرجع واحضر ...

" نقزت وهي بتتشقق من الفرح "
ياااه احس اني رجعت لحياتي الطبيعيه اخيرا


نايف :هههههههههه انتبهي لا تكسري السرير


رغد جلست بهدووء : اوووبس سوري


ابتسم على هبالها ...ماحسها ابدا غريبه عنه
وكأنه عاش معها كل الفتره الماضيه

تأمل النور الي طلع من الشبك معلن عن فجر يوم جديد ....

رغد وقفت قدام الشباك وهي تستنشق النسيم : يااااه الصبح يجنن
متى بس اشوف الشروق فجده وحشتني ..


نايف : ان شاء الله نرجع لها......


رغد : وان شاء الله ترجع لك ذاكرتك
ونرجع لحياتنا مع بعض من جديد


نايف من قلب : يارب .. تعبت من الكوابيس ابى اتذكر كل شئ


رغد بسعاده : وانا راح اكون جنبك واساعدك يااغلى اخو فالدنيا ...

[دانة الكون]

غرفة هديـــــــــــــل

متمدده على نفس وضعها وداخله في نوم عميق
مو حاسه ولا شئ حولها من خرجت ام طارق ماحد زارها ...

دخل عليها شافها نايمه بسكون ...بالعاده يحب يتغالظ عليها
ويبوسها وهي نايمه بس حس مالو رغبه يسوي ذا الشئ
جلس جنبها وهو يحسس على شعرها بهدوء


نادها بهمس عشان ماتنفجع : هدولتي ...


هديل :امممممم


طلال ابتسم وهو يشوفها متضايقه: اشش هدول ...
حياتي اصحي صلاة الفجر فاتتك ...


لفت عنه تبى تكمل نومها : اممممم طلول بس خمس دقايق حبيبي ...


قرب بيبوسها كالعاده ...فجأه بعد ..ماقدر ...


هزها من كتفها وهو يتكلم بجفاف : هديل اصحي
يابنت الحلال الصلاه مايجوز تاخريها


فتحت عينها بكسل ...حست نفسها لها سنين مانامت
ولما نامت رمت كل تعبها ...

شافت طلال واقف جنبها ...
عدلت جلستها ...ورجعت للواقع انها فالمستشفى لسه ...


هديل : كم صارت الساعه ...


طلال بهدوء : خلاص صارت 6 ونص يالله صلي الفجر وجهزي نفسك


استغربت : اجهز نفسي لايش ....
"بخوف" انا مابي ارجع ذاك البيت ياطلاال الله يخليك


طلال: لا تخافين ...ماراح ترجعين لهذاك البيت
انا حجزت وطيارتنا الساعه 8 بنرجع روما اليوم ...
مالنا جلسه هنا بكل كل الي صار


اتسعت ابتسامتها او ماقال روما ...
وقفت وضمته لا شعوريا وهي مبسوطه : مشكووور ياقلبي
والله احلى شئ سمعته


مابادلها الحضن ...بعد عنها وملامح وجهه بارده خلتها تحسه مو طبيعي ...
مو طلال الي تعرفه ....


هديل بااستغراب : فيك شئ ؟؟


طلال : لا ..مافيني شئ يالله صلي عشان اخلص اجراءات خروجك
ونلحق على طيارتنا


هديل : طيب والعيال ...واغراضنا و......


قاطعها : كل شئ انا دبرته انتي بس اهتمي بنفسك والباقي علي


هديل بهدوء ..: طيب ......


خرج من الغرفه ورمى لها كلمه ...لا تتأخرين استناك فالسياره .....

نزل الاستقبال وانهى اجراءات خروجها ..
سبقها للسياره وهو حاسس بخنقه مو طبيعيه ....
حط راسه على المقعده وغمض عينه وهو مهموم

مو قادر يتكلم معاها ..او يضمها ....

مو قادر ....حاسس كل ماقرب منها انو طارق بينهم

اول مايبي يضمها او يبوسها يجي مشهد طارق وهو ضامها ...


نجح طارق وقد يحط حاجز بينهم ....
سوى الي يباه رغم كل الي صار ......
مو قادر يرجع طبيعي مع زوجته .......


صلت الفجر ولبست عبايتها وهي تفكر بموقف طلال معاها
حسته متغير بشكل ملحوظ


مافكرت كثير ايش سبب تغيره ...
كل الي جا ببالها انه متوتر بسبب سفرتهم المفاجأه ومايبي يفارق اهله .....
ابتسمت في نفسها وقالت اكيد اول مايوصلون روما
راح يرجع كل شئ طبيعي مثل ماكان ....راح تنسى كل شئ صار
وترجع لحياتها المستقره مع زوجها بدون خوف ...وبدون قلق

[دانة الكون]

المدرســــــــــــــــه

وصل متأخره لانه محد صحاها كالعاده فالصباح ...
البيت فاضي ولو مو المنبه كان كملت نوم وفاتها الدوام ...
لو مو الامتحانات بعد اسبوعين ماكان حضرت
بس الايام هذي من اهم الايام كلها مراجعات وتختيم المواد ....


دخلت بهدوء ماتبى احد ينتبه انها متأخره ....
مسكتها الوكيله وهي داخله


الوكيله : انتـــــــــــــــــي ......وقفي مكانك


وقفت وهي تلعن حظها .......جاتها الوكيله واخلاقها فخشمها ...

الوكيله بعصبيه : ماشاء الله متأخره ست غرام كالعادده
كان جيتي بعد الفسحه مو كان احسن بعد


غرام باابتسامه صفرا : اسفه ياابله ...
بس اهلي كلهم فالمستشفى ومحد صحاني والله


الوكيله ماصدقتها : والله مو شغلي اهلك فالمستشفى
فالسجن فاامريكا الي تتأخر توقع تعهد الساعه سبعه ونص
وخلصت نص الحصه الاولى


غرام برجاء : والله اسفه ماراح اتاخر ثاني اخر مره والله


الوكيله بقهر : مافي بعدين بالله هذا شكل وحده جايه مدرسه ....
مخالفه ولك عين تتاخرين كمان روحي مكتب المديره زيك زي غيرك ....


دخلت وهي متنرفزه من الوكيله
دائما حاطه دوبها من دوب غرام...
دخلت المكتب شافت كذا طالبه متأخره زيها


انصددددمت يوم شافت امل من بينهم ...
على اساس اليوم ملكتها وماراح تحظر ...
هذا الي قالته لها لجين ...!!!!


اخذو كم تهزيئه من المديره وخلتهم يوقعون تعهد بعدم التأخير ...
بعدها صرفتكم كل وحده على فصلها ....


وهم فالطريق قربت منها وهي تتكلم بااستغرااب : صباح الخير ياعرووس
مو على اساس اليوم ملكتك ؟؟؟ وش جابك المدرسه بالله


امل والابتسامه بتشق حلقها : اسكتي ياشيخه بلا ملكه بلا وجع قلب ...
الحمدلله هم وانزاااااح


غرام شهقت : كذاااااااااابه ...ايش صار يامجنونه ؟؟؟


امل بفرح : قووووووولي اييش ماصار ........


غرام : لا لا انتي يباااااااالك جلسه كامله تحكيلي
مااتحمل كذا لازم اعرف والا راح انفجر من لقافتي


امل : ههههههههههه طيب ياملقوفه راح اقولك كل شئ .....
بس اول لما نتجمع مع الصبايا احكيلكم مع بعض ايش الي صااار


غرام اتحمست : وربي حمستيني ...تعالي علينا عربي بعد شوي
خخخخخخخخخخخ العنز ماتحيطنا حكينا فيها


امل :ههههههههههههههههههههههه طيب طيب يالله ....


طلعو للصف وكانت اول حصه عربي
جلست وحكت لاقرب صديقاتها الي صار معها وهي مافي اسعد منها اليوم ...
فرحتها بالتغاء ملكتها وكأنها فرحتها بزواجها !