تشيز كيك بطريقه توب شيف بالصور 2014
تشيز كيك بطريقه توب شيف
من ألذ واروع تشيز كيك سويته اوذقته
مقتبستها نصا
المقادير :
للقاعدة :
200 ج بسكوت أي نوع
ملعقتين كبار قرفة
أصبع زبدة
للحشوة :
كيلو و 100 جرام جبنة فيلادلفيا ( كاااااااااااامل الدسم )
6 بيضات
فانيلا سائلة
علبة ساور كريم ( قشطة رائبة ) موجودة في قسم الحليب
كوب سكر
للطبقة الأخيرة :
علبتين فراولة طازجة
ثلاث أرباع كوب موية
ربع كوب سكر
توت أزرق للتزين ( إختياري )
الطريقة :
1 أول شي لازم تطلعين الجبن و البيض و الساوركريم من الثلاجة
قبل ما تبدين بثلاث ساعات على الأقل، عشان توصل لدرجة
حرارة الغرفة وتكون الجبنة لينة. ( هذي الخطوة جدااااا مهمة
لأنها تساعد في إن التشيز كيك يكون نااااااااااعم )
2 القاعدة :
أ جهزي الصينية حقت التشيز كيك للحمام المائي ( كون الصينية
تهرب مويه ) . حطي قطعة قصدير على الطاولة وحطي الصينية
فوقها وبعدين لفي القصدير على الصينية عشان تغطي القاعدة
و الجوانب وتمنع تسرب المويه .
ب أطحني البسكوت مع القرفة و بعدين أخلطي معاها الزبدة بعد ما تذوبينها .
ج جيبي صينية التشيزكيك و غطي القاعدة بطبقة خفيفة بسكوت
أو حسب الرغبه و لو تبغين شكل حلو غطي الأطراف بالبسكوت
بإرتفاع حوالي 3 سم ( زي الصورة اللي حاطها ).
د حطي الصينية في الثلاجة إلين ما تجهزين الباقي.
3 الحشوة :
أ شغلي الفرن على حرارة 350 فهرنهايت أو 176 مئوي من تحت
طبعا وحطي حديدة الفرن في وسط الفرن وخليه يحتر.
ب بإستخدام خلاط يدوي ، حطي الجبنة في صحن و أخلطيها بسرعة
خفيفة إلين تفك وتلين شوي بسسسسس!!! . لا تتحمسين لازم سرعة
خفيفة عشان ما تدخلين هواء كثير في الخلطه وتسير تشيز كيك موس .
ج أضيفي السكر و الفانيلا و أخلطيها شوي إلين ما يذوب السكر تقريبا.
د أضيفي البيض ، حبه و بعدين أخلطي إلين ما تذوب وبعدين الحبة اللي بعدها.
ه آخر شي حطي الساور كريم و أخلطي إلين ما تذوب ، تأكدي إن الخلطه
ما فيها قطع و بعدين صبيها في صينية التشيزكيك .
ز جيبي صينية كبيرة تكفي القاعدة حقت التشيز كيك وحطي الصينية حقت
التشيز كيك فيها وحطيها في الفرن . بعدين صبي موية مغليه في الصينية الأم
يعني الصينية الكبيرة إلين ما توصل لنص الصينية حقت التشيزكيك
.( أنتبهي لا تصبين الموية على الخلطة )
ش أخبزي التشيز كيك في الفرن لمدة ساعة إلي ساعة وربع .
وشلون تعرفين إذا إستوت ؟؟ إفتحي الفرن وهزي التشيز كيك هزة خفيفة
المفروض إن التشيز كيك تهز شوي في الوسط ، ألمسي التشيز كيك في
الوسط ( ألمسي فقط موب غمسي أصابعك ) المفروض إن الوسط يكون
شوي قاسي . ( طبعا الوقت اللي أنا حاطه تقريبي مرة قعدت تشيز كيك
معاي أكثر من ساعة ونص )
ص بعد ما تستوي التشيز كيك طفي الفرن و أفتحي الباب دقيقة و بعدين
صكي الباب وخليها في الفرن ساعة عشان تكمل طبخ .
ض طلعيها من المويه و شيلي القصدير و خليها تبرد برا الثلاجة شوي
. وبعدين حطيها في الثلاجة لمدة 5 ساعات على الأقل ، ويفضل 24 ساعة .
الطبقة العلوية :
قريت كثير وصفات تطلب منك تستخدمين حشوة الفطيرة اللي طعمها مقرف
حامضة و الفروالة شكلها خربانه .
هذي الطريقة هي طريقة عامه لصلصة الفراولة أو أي نوع فاكهه من الممكن
تستخدمينها مع أي كيك
أ قطعي علبة فراولة إلى أرباع ويفضل إنك تنقين الفراولة اللي شكلها مش ولا بد
، طبعا لا تنسين تشيلين الزرعة اللي ورا .
ب حطي الفراولة المقطعة مع الموية و السكر في قدر و خليها تغلي غلية خفيفة
يعني موب على أقوى ناار لا بالهداااااااوة . خليها تغلي إلين ما تلاقين الفراولة
بدت تنعصر حوالي 10 دقايق .
ج حطي الفراولة مع المويه في خلاط و أخلطيها وبعدين رجعيها على النار ونفس
الخطوة اللي قبل شوي مع الوقت راح تلاقين الصلصة بدت تثقل . أطبخي الصلصة
إلين ما تسير تغطي ظهر الملعقة . وبعدين خليها تبرد في الثلاجة وراح تلاحظين
إن الصلصة ثقلت .
د شخصيا أفضل إني أقطع التشيز كيك قبل ما أزينها عشان في التقديم تكون أحلى :
أفضل طريقة لتقطيع التشيز كيك هي إنك تستخدمين سكين طويلة و حادة بس لا تكون
سكين خبز لا سكين عادية بس طويلة أهم شي .
غمسي السكين في موية حارة و أمسحيها و بعدين قطعي وبعد كل قطعه غمسيها في
مويع حارة و أمسحيها عشان تجيك القطع نظيفة .
بعد ما تقطعين التشيز كيك صبي الصلصة فوقها و زينيها بالفراولة
و التوت الأزرق و رجعيها في الثلاجة شوي بس .
وبس ........
المواضيع المتشابهه
العرض العادي
