خلوني اروح وامشي وين ماوجّه
الحزن سادت على صدري مساحاته
ماعاد في خاطري مثل البشر سجّه
البال قفّت مسرّاته وُراحاته
مفجوع موجوع واخْفيْ دمع وازجّه
الوقت توه عطاني وجه لفحاته
حزني على اخوي حطم قلبي وخجّه
واعلن عدم باقي الايام فرحاته
جاه المرض عنهْ لاصده ولاهجّه
نوعه مايسلم مريضٍ ذاق طيحاته
من شفت حجم الورم في شكله ترجّه
عرفت يومه دنى من صوت بحاته
مات المساء والجبيل الصبح مرتجّه
امحق مساء حلّبي وامحق صباحاته
على فراقه مْساعد عالمي لجّه
والضيق ماعاد يقدر كتم صيحاته
عليه حدب الضلوع العوج منفجّه
والهم يتعب وقاسي بااجتياحاته
لاجيت بصري ونه وصبخة عجّه
هذي مسارات جياته وروحاته
واللي يزيده عناي وفارقٍ بجّه
لاجيت جسرالجبيل وشفت لوحاته
مالي على هيمنة حكم القدر حجّه
اللي على الأرض يثمر نبت واحاته
يارب من فاجعة جور القبر نجّه
عليه يارب عطر الخلد نفحاته
المواضيع المتشابهه
العرض العادي
