هذا الموضوع كان تحت ابحاث وكالة تشلساوي على مدار صطعشر سنه .
وتتمركز الأبحاث على عقلية الشباب المثيقل الآن الذي كان له ماضي شنيع مع الرسوم المتحركه
ونبدأ هذه الأبحاث على النحو التالي :::
اللي يتابع :::
1- مسلسل توم وجيري ....
الإنسان هذا يحب المغامرات ودايم مسوي ذكي يعني تلقاه احيانا ماسك ورقه وقلم ويرسم عشان يسوي فخ مثلا لواحد من أخوياه وهذا حياته دايم مسوي مطاردات ودائما قاعدته بالحياه فلها وربك يحلها .
2- مسلسل كونان ....
الآدمي هذا دايم مسوي ذكي وما في شي عنده مستحيل وتلقى بجيبه دايم مسدس مويه وتلقاه يلبس نظارات ودايم قافط الوضع وفاهم الكفته يعني لا تسوي تقط نغزات عنده تراه شارلك هولمز .
3- أفلام كرتون (جورجي وسالي ولين وغيرها من هذا النوع )....
اللي يشوف هذي الرسوم البنات ( فقط ) وتلقاهم اول ماتخلص الحلقه تنطلق للمطبخ ليه ما ادري وتلقى عندها لعبه تعطيها اسم ودايم مسويه رقيقه ومظلومه ودايم تحاول تطول سيقانها عشان تطلع زي سالي .
4- أفلام كرتون (قريندايزر وغيرها من هذا النوع) .....
دايم اللي يشوف هذا النوع تلقاه ضاحك على نفسه ومسوي بطل دايم وانه هو اللي دايم ينقذ اخوياه ودايم ماكلها ملح وتلقاه دايم مسوي قيادي يعني هو كابتن الشله هو اللي مستلم المجلس وهذا النوع دايم تلقاه نفسيه وحالته مستعصيه ( إنا لله وإنا اليه راجعون ) .
5- مسلسل تيمون وبومبا ....
هذا النوع دايم مستحفل ودايم حياته فله وتلقى دايم عنده صقيق صقوق واحد بس يعني ما يكثر اخويا
وتلقاه دايم ماشي على قاعدة هاكونا ماتاتا واالنوعيه هذي كثرانه اليومين هذي وتتكاثر في منتدى الضحك والإبتسامه والفرفشه . ويرأسهم الدوخي رفيقي رفيقي ( القرد ابو عصا ) .
6- افلام كرتون طمطوم .......
الولد هذا دايم مسوي بطل وانه منقذ الشعب ودايم متحثلها ومسوي ودايم خياله واسع وتلقاه محب للطبيعه ومهما سوى دايم غبي ( نسبة ذكاءه منخفضه جدا جدا جدا ) .
7- كرتون( لولو ) ...
هذا الإنسان حساس ودايم رومانسي تلقاه دايم يطلع الكورنيش وقت المغرب ويراقب الغروب ويقعد يبكي يعني الرجال مسوي رومانسي وانه ملك الرقه وتلقاه دايم يشرب توفي كوفي من عند قهوة الطريق اللي على شارع الكويت .
8- (عدنان ولينا) ...
الولد هذا دايم يجيب العيد بخوياه ومشكلته لحب حب مايرعرف يمزح وتلقاه دايم يحب المغامرات ودايم متهور بس طيب قلب ودايم مفهي وما عنده وقت يشغل مخه ...
9- ( كابتن ماجد(الشبح ) --ورابح والطقه ) ...
هذا الولد مجنون كوره ودايم مسوي كابتن ولنه ما في احد يلعب احسن منه وتلقاه لا لعب كوره دايم مفهي بنص الملعب(على باله المباراه تتوقف زي كابتن ماجد يقعد يتذكر المواقف العائليه ويوم كان بالمدرسه ويتذكر عياله وللحين موقفه اللقطه ) . لذلك تجده دايم مفهي بنص الملعب .
10 - باباي ...
هذا الرجل يمتلك الكثير من القوه والكثير من الغباء والكثير من التهور لذلك دائما يجلد وينجلد وحياته كلها مشاكل وقلة حيا ودايم يدخم مافي الا قوة حرق بالزقاره اللي تقول مقلاه بفمه ، وحياته كلها بقس ماعنده حلول عقله ببقسه ودايم ياكل سبانخ من مطعم ام بي سي على باله يصير قوي بس احسن ما فيه انه محبوب على غباءه وياحظ من تحبه يبيع القاصي والداني عشان زيتونته .
ونأسف على الإطاله وعلى المقس ( الملاغه- السخافه) واللي عنده ابحاث غير ابحاثي يشاركني فيه .
ويا ترى انت من اي نوع من هذه الأنواع؟؟؟؟؟؟؟؟؟؟؟؟؟
المواضيع المتشابهه
قوللي شنو رسومك اقوللك شنو شخصيتك ....
العرض العادي
