درس في النذالــــــــــــــــــــــــــــــــة،،،،

[روان]

درس في النذالــــــــــــــــــــــــــــــــة،،،،

السلام عليكم ورحمة الله وبركاته،،

أتمنى إنه هالدرس يعجبكم (( بس هاا لا تستخدمونه ))


اذا جاك واحد ماتبغاه وسويت له شاي لا تجيب كاسة ام عروه لا جبله الكاسات

حقت الجبن وصب له فيها ومليها مررررررررة للأخر على شان مايقدر يمسك الكاسه

واذا كانت الخدامه ما تعرف تسوي شاي خليها هي اللي تسويه





اذا كان هناك عزيمة يعني عشاء بعد ماتغسل افتح المويه الحارة الين تشوفها تولع وسكر المغسلة وشوف الي بعدك

ايش يصيرله





اذا اتصل بك واحد دمه ثقيل وثرثار رد باختصارات الحمدلله ايه لا - مادري - يمكن - الظاهر - احاول -

واذا طوّل اوهمه انك تكلم واحد بجنبك اذا شفته لسا يثرثر

وإذا مش ناوي يخلص استخدم حيلة الخط المقطوع وقول ألو ألووووووووو وينك ألوووووووووووو يابو الشباب

الظاهر ان الخط انقطع بعدكذا سكر السماعة بس وتفتك منه الا اذا اتصل ثانيه ساعتها عاد الباقي عليك





اذا بغيت تجنن الخدامه ادخل المطبخ واشرب نص كاس عصير وكأنك مش متعمد كب الباقي ع البلاط واذا كان

المطبخ مفروش يكون احسن وافتح الثلاجه وطلع سلة فاكهه اخذ منها شي بسيط واتركها ع النمليه وخذ السكرية

وانت طالع من المطبخ ارميها ع الباب

واذا نامت وهي بعز النوم صحيها وقولها تسويلك عشا ساعتها بيكون الضغط عندها ألف بس الخوف انها تحط لك سم فيران





والطريقه الثانيه عشان يحرمون يطلبوا منك توديهم السوق لاتشغل مكيف السياره بس التهويه ( المراوح ) وقلهم

التكييف خربان خلهم ينطبخون واذا قالوا نبغى نفتح النوافذ قلهم خربانات واذا فتحتوهم ما راح يتسكروا بعدين

ملاحظة : جربها أكثر من مره على التوالي واضمن لك نجاحها بعد كذا راح يحرموا صدقوني





اذا كلمك صاحبك ع الجوال وحسيت انه مستعجل ويبي منك شي سلف ولا حاجه مهمه قوله ترى مااسمعك

الصوت مشوش ويقطع ألو ايه ايه معاك الو وووو وينك ورد على كلمه وحده وطنش بالباقي وشوف شيصيرله





اذا حبيت ترفع ضغط اهلك الحريم لما يطلبوا منك توديهم السوق بعد ما يجهزوا ويطلعوا اركب السيارة وخليك

طبيعي وفجأه قلهم أففففففف السيارة موراضيه تشتغل طبعاً انت ماخذ احتياطك وفاصل اصبع البطاريه و شوف

شبيسوون فيك ساعتها.الله يعينك عليهم أقصد عليهن





اذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل شويه وكل مره كلمه على

انه واحد ثاني وقول لالا والله مقدر الحين عندي ضيف يمكن بعد عشر دقايق ولا تنسى شي مهم لاتلبس ساعة

عشان كل شويه تسأله كم الساعة ولما يكلمك لاترد عليه على طول من أول مره سو نفسك ما سمعته

[راضـــي]

[align=center]ههههههههههههههههاي مقومة النذالة اليوم

مشكووووووورة على النذالة
قصدي على الموضوع
:p :p
:p
:p
:p
:p :p [/align]

[حنين]

والطريقه الثانيه عشان يحرمون يطلبوا منك توديهم السوق لاتشغل مكيف السياره بس التهويه ( المراوح ) وقلهم

التكييف خربان خلهم ينطبخون واذا قالوا نبغى نفتح النوافذ قلهم خربانات واذا فتحتوهم ما راح يتسكروا بعدين

ملاحظة : جربها أكثر من مره على التوالي واضمن لك نجاحها بعد كذا راح يحرموا صدقوني


روان لاتفتحين عيونهم على هالحركات





بس المويه الحاره رهييييييبه



يعطيك الف عافيه روان;)

[الريم]

العن ابو حركاات النذاله وربي نذاله على اصووول

ودي اجربها وحده تعرف نفسها عدل



بس خوفتس تنقلب على وانا اختس

تحياااتي

ام النذاله
الريم

[ســــــــــ؟ـعد]

اذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل شويه وكل مره كلمه على

انه واحد ثاني وقول لالا والله مقدر الحين عندي ضيف يمكن بعد عشر دقايق ولا تنسى شي مهم لاتلبس ساعة

عشان كل شويه تسأله كم الساعة ولما يكلمك لاترد عليه على طول من أول مره سو نفسك ما سمعته

فكـره والله تصدقين

[ابوراكان]

اذا فيه واحد جاي عندك البيت يبي يشرب القهوه وانت تبغى ترتاح مع ام العيال ةدق جرس الباب ورديت انت وقال افتح ضيف خل الولد يفتح الباب ويقول ابوي نائم ميقدر يصحى نذاله مجربها



يعطيك العافيه خويتي يالنذله روان ونتظر منك الكثيرمن النذاله امزح لاتصدقين بس




نذاله