ماقلت لك ! لاجار وقتك والملا بعينك يضيق
تعال اشيل الهم عن قلبك وانا اشرب علقمه
وماقلت لي! انك لها لاثارت بقلبي حريق
تطفي شموع الياس وتضوي بي امال ٍمعتمه
وش فيك ! يوم زاد نفسك حملها مالاتطيق
صديت كني من وجودك قبل موتي معدمه
وانا التي احتاج اعيشك لاغدى حزنك عميق
اذاكر الهم في عيونك واستفيده وافهمه
وانا التي شديت حبل العشق من عهدٍ وثيق
وحلفت لرضي سر بالك قبل ماينطق فمه
وانا التي اخترت اكون الاهل دونك والرفيق
وانا التي ارفع جبينك عز وغيرك اهزمه
انا المحبة والاخوة وان تبي اوفى صديق
مايكفي اني صرت اشوف الموت لعيونك سمه
ما قالوا ان الحب شيمة وتضحية وحسٍ رقيق
وان الامل من غير حب ليلة مسافر مظلمه
ماقالوا ان الشوق ناره جنة الحب العتيق
وان العتب الى روى بيض النوايا مكرمه
والله لوهم يحسبون النبض بحساب دقيق
مايعلم الانسان كم له نبض الله يعلمه
تعالوارمي كل مابك وسط بحر بك غريق
ثم احسب النجم بعيوني لاشتعل بي وارجمه
واذا تبي انحر ضلوعي بيت واسوار وطريق
وابني صروح الخوف لجلك لاغمرني واهدمه
واذا تبي تجعل خفوقي حلم عله ما يفيق
لو انتظارك مقلتي قرة عيوني مبسمـــــــــــــه
ان ماجعلت الليل دونك من مصابيحي بريق
وان ماتركت النوح جرح ٍ مات واحيى بلسمه
وان مانثرت العمر بيدك والصبح وردٍبك :يليق
وان مانذرت الحرف يصبح منك اعظم ملحمه
ما اكون ذيك اللي تقول ان جار وقتك لا تضيق
بعينك الدنيا وان اكوي الهم واشرب علقمه
المواضيع المتشابهه
العرض العادي
