شركة ( خرابكو ) لأعمال الخليج .....؟؟؟؟

[راعي المدينه]

اقتباس المشاركة الأصلية كتبت بواسطة فوق هام السحب بسم الله الرحمن الرحيم أهل مكه أدرى بشعابها.... بحكم أني موظف في عمليات الخفجي المشتركه,سوف أدلي بدلوي في هذا الموضوع... سوف أتكلم عن حادثه حدثت في قسمنا وهي كالاتي: أراد قسمنا أن ينقلوا بعض المعدات من قسمنا القديم الي القسم الجديد وطبعا هذي طبعا فيها أكله طيبه ولازم مايطوفونها...!!!!! طبعا بعد الشد والرد والنصب كلف نقل المعدات 5مليون..!! وقبل ما يشيلون المعدات لابد من توقيع المسؤل عن المعدات..!! بس الرجال طلع شريف ورفض يوقع لأن المبلغ خيالي..!! وقالهم عطوني 500ألف وأنا أشيلها لكم بسيارتي الخاصه.. طبعا يتمسخر عليهم..!! زي كذا توهقوا..!! وش سوو عصابة الأربعين حرااااااامي ..!! استغلوا خروج الرجل النزيه اجازه وراحوا ووقعوا الورقه من الشخص الي ماسك محله...!!!!!!! وبكذا حصلوا على الي يبون عصابه الأربعين حرااااااااااااميي...!!! وهذا غيض من فيض... وتقبلوا مرووووووووووووووووووري...

شيء طبيعي اهل مكة ادرى بشعابها ..لا جدال بذلك ..لكن هذا لايعني ان اهل مكة يلمون بكل الآنظمة والقوانين التي تطبق بشعابها..الكل يدرك ان اي عملية مقاولة لابد ان تمر بمراحل ومنها ان تنزل كمناقصة يتقدم لها مجموعة من المقاولين ..عن طريق الدائرة المعنيه.. بعد تقديم مجموعة من المقاولين يتم فتح المظاريف عن طريق لجنه ..ثم يتم اختيار صاحب المبلغ الأقل والذي يملك المعدات اللازمة لتنفيذ العمل ...ماهي بالسهوله التي ذكرت يالغالي..

ساااااااااااااامحونا

[*عاشق الخبر*]

اقتباس المشاركة الأصلية كتبت بواسطة باقي وفا السلام عليكم تحية طيبة اولا : بالنسة( لموضوع ان الشركة تبي ناس ممؤهلين وعندهم تدريب عالي وهذا الشيء غير متوفر بالشياب السعودي)احب ان اقول ان في بجميع الشركات ومن امثلتها شركة ارامكو اللي توظف شباب وتتعب على تدريبهم لدة سنتين لكنها تخرج ناس مؤهلين والكل يعرف دقة العمل في ارمكو الرئيسية يعني جميع الشركات تخصص نسبة لتطوير مواردها البشرية بالدورات التدريبية مو تنتظر ناس جاهزين بدون ماتتعب وتتكف عليهم اتمنى ان ادارة الشركة ارامكو لاعمال الخليج تتخذ من ارامكو الرئيسية اللي بالدمام الخبرة في الادارة وماتحول تتحجج بالشهادات ف معروف نظام التدريب في ارامكو لمدة سنتين لحاملي الشهادة الثانوية اللي يتخرجون وهم يتقنون اللغة الانجليزية ويتم تدريسهم الخبرات اللي تحتاجها الشركة اما التوظيف لابناء الشمال نعلم ان كلنا سعوديون بس ماتعتقد ان شخص عاش حياته كلها في مدينة وجميع اهله يعيشون فيها ان من حق هذا الشخص ان يجد عمل في مدينته اللي هو مستقر فيها اعتقد ان هذا حق طبييعي لاي انسان وما اعتقد ان اي شخص يعارض اما بالنسبة للفساد في شركة اعمال الخليج هذا شي واضح وكل اهل الخفجي يعلمون هالحقيقة واكبر مثال مدارس الزهور سابقا والدورات اللي تجي لكبار الموظفين الى لندن وماليزيا وباق الدول في فترة الصيف سنويا ( لازم يسمونها رحلات مو دورات ) وما يحصل في هالدورات من من صرف اموال وتغيير اثاث وحضور حفلات على حساب الشركة اما بالنسبة للسكرتير الفلبيني اللي يحافظ على الاسرار الشخصية للمدير هذا رد سخيف وسطحي وش جاب الاسرار الشخصية لمكان العمل المديرقاعد بمكان عمل مو ببيته عشان يكون فيه اسرار شخصيةالا اذا كان يسوي شي خايف منه او يستغل عمله لخدمة اغراض شخصية بهذيك الساعة نفهم ليش يخاف من السكرتير السعودي واتمنى من جميع المدراء يرجعون لكتاب الدكتور غازي القصيبي ( حياة في الادارة)ففي هذا الكتاب نجد ان القصيبي تولى مناصب وزارية كثيرة وكانوا مدراء مكتبه جميعم من السعوديين وعلى ما اعتقد ان اسرار الوزارة اهم الف مرة من اسرار مدير اي شركة حياة في الادارة كتاب رائع وسر من اسرار الادارة الناجحة مهدى لكل اداري يسعى للنجاح وبالاخص اداريي شركةارامكو لاعمال الخليج

أقووول يازينك ساكت
الكلام اللى تقوله فيه من الكره والحسد للمواطن السعودى
وانت خليت السعودى لامأهلات ولاخبرات ولاشئ والظاهر اسمه بعد مايعرفه
عيب عليك بسكم سخريه على بعض وحسد
وانت الحين تقول راجعو مع غازى القصيبى شنو نراجع
أدارات ولا محلات ولا بقالات
والله ان السعودى يستاهل كل خير وحكومتنا مومقصره لكن الأشكال هاذى اللى عايشه فى السعودية هم البلا حسد وحراميه
ماأقول الا الحمد لله والشكر
اسف على هذا الاسلوب

اشكرك سهم على موضوعك الرائع

[BoxeR]

[align=center]هههههههههههههههههههههه عاشق الخير [/align]...
عجبني كلامك .. فبحكم عملي كان لي زياره لدائرة المواد . وياليت تشوف مبنى دائرة المواد والمعدات المؤقت ............ كم تكلفته .. وماهي عيوبه . وماهي معانات الموظفين هناك وهل يستحق المبلغ المدفوع له .
وهل هو مطابق للامن والسلامه ... و هل المواد المصنوع منها عالية الجوده .. وهل تمديداته الكهربائيه والهاتفيه وغيرها صحيحه .وامنه ؟؟؟؟؟ تـــــدري كم تكلفته .....(( تتعدى 500,000$ )) دوووووووولار ..((( كيربي وخشب رخيص ومواد رديئه ..))) مجرد فورتبلات جاهزة ..
ولو تعرف من المهندس المشرف على تنفيذه تضحك الى ان تقع على الارض ((قمة التخلف )) .
محســــــــــــــــــــــــــــــــوبين عليــــــــــــــــــنا مهــــــــــــــندسين ... والله زمن ..
مبنى الا تشش بلدينق (( h )) الذي كلف ملايين وكان مبنى ضخم .. يهدم بعد استخدامه بمده قصيره .. ويعطى لمقاول كلقمه بارده مبرده ... ولشركائه (( ....................)) ... ويذهبون ليبنوا غيره وغيره ..بنفس الطريقه . وهم يعلمون انه سوف يهدم بعد شهور قليله .... لااااااااااااااا حسيب ولا رقيب ....ومع هذا يحتجون بأن التوظيف والابتعاث والدورات تكلفهم مبالغ كبيره . لانها تخص المواطن ولو طلبت منهم تحسين زيادتك السنويه لانك تعمل بجد واجتهاد . يرفضون ويتحججون ويبحثون عن ما يقلصها عليك او يحرمك منها ..(( حرمهم الله ريح الجنه ))..

[راعي المدينه]

تقول : " فبحكم عملي كان لي زياره لدائرة المواد . وياليت تشوف مبنى دائرة المواد والمعدات المؤقت ............ كم تكلفته .. وماهي عيوبه . وماهي معانات الموظفين هناك وهل يستحق المبلغ المدفوع له .
وهل هو مطابق للامن والسلامه ... و هل المواد المصنوع منها عالية الجوده .. وهل تمديداته الكهربائيه والهاتفيه وغيرها صحيحه .وامنه ؟؟؟؟؟ تـــــدري كم تكلفته .....(( تتعدى 500,000$ )) دوووووووولار ..((( كيربي وخشب رخيص ومواد رديئه ..))) مجرد فورتبلات جاهزة .."

من اللي قام واشرف عليه اليس هم من ابناء الوطن ؟ واذا كان كلامك صحيح لماذا حاباهم المدير واستلم المبنى؟ ولماذا مهندسين الشركة اجازوه ..اليس هؤلاء هم ..انت ..وغيرك من ابناء الوطن؟ هل العيب عيب الشركة التي وضعت الثقه فيهم ..ام العيب منا وفينا..

ثم تقول " ولو تعرف من المهندس المشرف على تنفيذه تضحك الى ان تقع على الارض ((قمة التخلف )) ".اكيد من ابناء الوطن ..المفترض بنا ان نساعده ونبين له كل عيب ومثلبه فى المبنى ان كنا نملك الحس الهندسي ..والمعرفه بها..
ثم تستطرد قائلا ""محســــــــــــــــــــــــــــــــوبين عليــــــــــــــــــنا مهــــــــــــــندسين ... والله زمن .."" قمة الإستهتار ..وين التشجيع والمطالبه بالسعودة اللي تطالبون بها..

ثم تعرج على مبنى الا تشش بلدينق (( h )) الذي كلف ملايين وكان مبنى ضخم .. يهدم بعد استخدامه بمده قصيره .. ويعطى لمقاول كلقمه بارده مبرده ... ولشركائه (( ....................)) ... ويذهبون ليبنوا غيره وغيره ..بنفس الطريقه . وهم يعلمون انه سوف يهدم بعد شهور قليله .... لااااااااااااااا حسيب ولا رقيب ....
"""
بالجزء الأول تتهمها بسوء التنفيذ لمبنى دائرة المواد ..وعندما تقوم الشركة بالعمل الصيح لا تسلم منك ..الحقيقه امر غريب وش تبيها تسوي...والمشكله انك تتهمهم بذممهم ...وكل هذا النقد والاتهامات بسبب انهم ربما حرموك من دوره او بعثة كنت تامل بها..مجرد استنتاج من قولك"ومع هذا يحتجون بأن التوظيف والابتعاث والدورات تكلفهم مبالغ كبيره . لانها تخص المواطن "

ثم تختم بقولك " ولو طلبت منهم تحسين زيادتك السنويه لانك تعمل بجد واجتهاد . يرفضون ويتحججون ويبحثون عن ما يقلصها عليك او يحرمك منها ..(( حرمهم الله ريح الجنه ))" الزيادة السنويه ماهو انت اللي تطلبها والا كانت فوضى ..عملك اللي يحددها ..وعوامل اخرى تلعلب دورا فى التقييم..
ساااااااااامحونا

[BoxeR]

[align=center]لك ما تريد ..راعي المدينه [/align]
.وموقفك واضح مثل الشمس .لا يحتاج تكرار ..
[align=center] متشكرين ....[/align]
[align=center] انت في وادي ونحن في وادي [/align]..
ويوم القيامه يحشر المرء مع من يحبهم .

[راعي المدينه]

اقتباس المشاركة الأصلية كتبت بواسطة boxer [align=center]لك ما تريد ..راعي المدينه [/align] .وموقفك واضح مثل الشمس .لا يحتاج تكرار .. [align=center] متشكرين ....[/align] [align=center] انت في وادي ونحن في وادي [/align].. ويوم القيامه يحشر المرء مع من يحبهم .

التكرار ناجم من كثر تكراركم ..والتكرار يعلم الشطار..لأننا ملينا حكي حول منشأآت الشركة ..والتهجم الواضح على الموظفين والمهندسين ..واللي يقراء ماتكتب يعتقد انك من كبار المهندسين او الخبراء..او مفتشين الدوله ...

والحقيقه اننا فى واديين مختلفين ..لأنني لست من يهلل ويكبر لكل ما تقول ..ولن اكون كذلك ما دمت غير مقتنع فيه ..

وحيث انني احب رسول الله عليه الصلاة والسلام امنيتي ان احشر معه....وجزاك الله خير على هذه الدعوة ..

سااااااااااااااااامحونا

[سهم المنايا]

BoxeR كفيت ووفيت وما قصرت

راعي المدينة حضورك شرفنا بالموضوع .....

وأرجوك بأن لا تجادل وأنت لا تعرف ماذا يحصل بالشركة .. ولك جزيل الشكر

[راعي المدينه]

اقتباس المشاركة الأصلية كتبت بواسطة سهم المنايا boxer كفيت ووفيت وما قصرت راعي المدينة حضورك شرفنا بالموضوع ..... وأرجوك بأن لا تجادل وأنت لا تعرف ماذا يحصل بالشركة .. ولك جزيل الشكر

وردك بكل شفافيه ازعلني..اسلوب مدرس لطالب " لا تجادل وانت لا تعرف"..
خوش طرده ..
ليه ما تتحملون المحاوره والنقاش..سوف اجادل ..سواء اقتنعت انت بما اقول ..او لم تقتنع هذا اولا ..اما ثانيا كيف عرفت انني لا اعرف شيء بالشركة ؟ اخى انا ماني من جزر الواق واق ..ثم اليس المنتدى ملك للجميع ..ام انه مخصص لفيئة دون أخرى؟

سااااااااااااااااااامحونا

[سهم المنايا]

بسم الله الرحمن الرحيم

[سهم المنايا]

أعتقد ياراعي المدينة أنا خصصت وقلت ( لا تجادل وأنت لا تعرف ) تعرف ماذا ( ((( مايحصل داخل الشركة ))) )

ولا يقدر أي عضو طردك من هذا المنتدى ... ولكن أنت تتلقط السلبيات الموجودة بالمفردات وتصيغها حسب تفكيرك ...

ومن قال لك لك أنني لا أتحمل الحوار .. بل العكس أنا أتلذذ بالحوار والجدال مع قليل من القناعة والكثير من الرفض..

لأنني مازلت أصر أنك لا تعلم مايحدث داخل الشركة ... بل وأجزم أنك تقضي أوقات فراغك بالردود والجدال الأمنتهي

والغير مرغوب فيه ... لانها خاوية وغير صحيحة ... وتدافع عن الشركة كما لو أنك الرئيس التنفيذي أو هي ملك لك..

فنصيحتي لك أن تقضي أوقات فراغك .. في جزر الواق واق ... فهذا المكان ليس بغابة ولا جزيرة حتى نقول واق واق..

وأعتبر أن هذا المنتدى ملكك ... وأكتب به ما أردت ... فأنا متواجد ... وسأكتب بأذن الله مايسرك وتشفى به علتك...