قــــــصــيـد ه ا عـــجــبــــتــــتـــــني .....

هبوب الريح · 30-04-2005, 03:25 AM

جيتك وكنـي مالـك ملـك قـارون

من كثر شوقي لك ومن جور فرقاك

جيتك وانا في حبك انسان مجنـون

وعلاجي من الجن طلـت محيـاك

جيتك بحب بين الاضلاع مسجـون

ساسه من العزه وقصره من ارضاك

جيتك ضمان العون يالغالي العـون

ميت على لاماك واشربك واضمـاك

جيتك على وضح النقى كيف وشلون

بس المهم اشوف طخمتك والقـاك

شريت قربـك والمخاليـق يـدرون

لولاك مابعت اقرب النـاس لـولاك

جيتك واحسب انك غريب عن الكون

واثرك مكون حب والحـب بحمـاك

واقفيت مني وانت عاشق ومفتـون

سمعـت عذالـك وهديـت مبنـاك

اقفيت وانت تحبني مـوت وتمـون

وخليتني وانـا انتظـر وآتحـراك

مدري تبعت ابليس وابليس ملعـون

حيرتنـي فـي حركاتـك ومعنـاك

دلع دلع في اللبس والشكل واللـون

اغريتني والغدر باسلوبـه اغـراك

ونسيتني والناس يازيـن ينسـون

وانـا تجرعـت المـرار بخطايـاك

صبرت صبر ايوب والخاين يخـون

والسد باح بنظرة اعـداى واعـداك

واليوم جيت وشفت عذالك يجـون

عندي وعلمك بيـن هـذا وهـذاك

يانعبوك شلـون الانـذال يجنـون

عليك وانت بنت (ياقرب مسـراك)

ويانعنبوك شلون ترضين بالهـون

ويانعنبـو رجـل يحبـك ويهـواك

الناس منك ياارذل الخلـق ينهـون

ينهون من قربك ومن قرب شرواك

والله مرضى بك لو الناس يرضـون

لاعـاش قلـب يعشقـك ويتمنـاك

لو انك انت الذنب والقلب فرعـون

آمن بربه مـن مصايـب سوايـاك

عذاب هم وغم واشواق واشجـون

سبت غـرورك وانحـدارة نوايـاك

رفعت قلبي للسماء مابـه ضنـون

معـاد يرجـع لـو تقولين(نفـداك)

هذا جزاي ارخيت راسـي لمزيـون

ماغيـر يالبـيـه لـبـاه لـبـاك

والحين دينك صافقه منـي ديـون

انـت جـزاك (الله ياكبر)بـلـواك

جرحي برى والجرح منك بمليـون

لاشك يبقـى دون طاريًـك اشـواك

دور بدالـي فيـه قـوم بيشـرون

وانا بدور شخص غيرك وابا انساك

واقرى قصيدي وافطن لكل مكنـون

لاحظ حروف الشعر وشلون تجفاك

جبريل خلى زبـدة الخلـق يقـرون

وجبريل حبـي بالمضاميـن قـراك

اخذي كلام البـدو والبـدو يبقـون

مثل القمر لاتهتـي الـدرب قـداك

بيت الشعر قدامـه البـدو يرعـون

حلالهـم منـا ومـنـا ومـنـاك

ناس على درب الوفى دوم يمشـون

وعاداتهم للي معـه وعـي وادراك

ياللي غدرت الحب والحب مصيـون

اخـذ كـلام ياصـلـك ويتـعـداك

الحق للي يطلب الحـق مضمـون

وانا اكبر من اسمك وساسك ومبداك

جيتك وكنـي مالـك ملـك قـارون

واقفيت كني مالكـه عقـب فرقـاك

ديما · 30-04-2005, 04:01 AM

[align=center]
[glow=FFFFFF]
جرحي برى والجرح منك بمليـون .. لاشك يبقـى دون طاريًـك اشـواك
دور بدالـي فيـه قـوم بيشـرون .. وانا بدور شخص غيرك وابا انساك
[/glow]

*

*

الأخ الفاضل / هبوب الريح

اختيار رائع

عساك دوم ع القوة

لا عدمناك

[/align]

هبوب الريح · 30-04-2005, 04:11 AM

هلا وغلا ....

اخــــــتــــــي د يـــــــــــــــمـــــا ....

شــــــــــــــــــــكـــــــــــــر اُ عــــــــــلــــى مــــــــــر و ر ك .....

نواف الفهاد · 30-04-2005, 07:56 PM

جيتك وكنـي مالـك ملـك قـارون
واقفيت كني مالكـه عقـب فرقـاك !!

جيتك وكنـي مالـك ملـك قـارون
واقفيت كني مالكـه عقـب فرقـاك !!

جيتك وكنـي مالـك ملـك قـارون
واقفيت كني مالكـه عقـب فرقـاك !!

:

:

هبوب الريح !!!

وش بأقول ؟؟؟

هبوووووووووب الريح !!

وش بلاك .. على قلبي ؟؟؟

:

:

هبوب الريح ..

هبوب التميز ..

هبوب الحلا كله ...

تسلم يمينك ...

سلالالالالالالالالالام ,,

عبدالله اليامي · 01-05-2005, 03:20 PM

هبوب الريح

يعطيك الف عافه وقصيده جميله

اخوكم

عبدالعزيز الجلعود · 02-05-2005, 07:52 PM

جيتك وكنـي مالـك ملـك قـارون
00000000000000واقفيت كني مالكـه عقـب فرقـاك

هبو ب الريح

جميله جدا جدا جدا

ولكن يا ليت لو اعلمت نا لمن

تقبل تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري