ينهون عن فعل ويأتوا بمثله

[أزف الرحيل]

السلام عليكم ورحمة الله وبركاته ...


هذه كلمات وجدة في دفتر طفل كتبها بعامية اللغه..ودهشة السؤال؟
.
.
.
.
.
.
.
.
.
السبت:فتحت عيوني..أدور عن نور..أمروني:<غمض>..و...غمضت..بعدها ما شفت لا

ابيض ولا اسود!

الأحد:كنت أسمعهم يقولون:<يا حمار>,<يا حيوان>, <يا ثور>,<يا

بقرة>,<يا لوح>,<يا جدار>...فتوقعت اني في حديقة حيوانات..فتحت عيوني ابغى

اشوف هـ(الحيوانات)..قالوا لي:"ما يصلح تشوف قلة أدب"..سألتهم:طيب..في عصفور؟؟

صرخوا في وجهي:<انطم وغمض>..!!



الاثنين:سمحوا لي اشوف التلفزيون..كنت لحالي منسجم مع أفلام كرتون..دخلت

امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى

صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي

صار:"طيب وش صار؟؟أبوهم يبوس أمهم!.."قالت لي وهي معصبه مرررررره

(التبويس..قلة حياء!!)


بعدها بأسبوع..شفت امي تسلم على ام الجيران و(تبوووووسها)..قلت لها وانا كلي

أسى"يا ماما..التبويس قلة حياء!!.."


الثلاثاء:كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق

عيونه فيني وين ما رحت ووين ما جيت..بعد ما راحوا..ناداني أبوي وقال:"عيب الواحد

يجلس مع بنات..قلة أدب..!"


بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت

عليه)..وقلت له:"اللي يجلس مع بنات..قليل أدب!!"


الأربعاء:كنت اسمعهم يقولون(صدام قوي)..وأعجبني...بعد الأزمه..قالوا(حرامي

ومجرم)..سألتهم:كيف؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون

أفلامه..ويضحكووون..كنت أسألهم"ليه تضحكون؟!..ما تقولون انه فاسد"...قالوا..ورا ما

تنطم بس.!؟؟


الخميس:أبوي يقول<االتدخين>حرام.. واللي يدخن يدخل النار..وفي يوم شفت ابوي

جالس مع صديقه أبو حمد..وأبو حمد ماسك السيجاره بيده..وقفت وسألت ابوي""طيب

اللي يجلس مع اللي يدخنون..يدخل النار بعد؟!!!"


الجمعة:أسمعهم يقولون..ان اللي يطول في مكالمته يغازل..واللي يروح للسوق

يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق

على الكمبيوتر..رحت لأبوي وانا مصدووووم::"أبوووووي الحق..

أمي تغازل!!!!




للاسف هذي صور من المجتمع




ينهون عن فعل ويأتوا بمثله

[البسمة الحلوه]

يسلموو ...والله يعطيك العافيه
دمت بخير

[أزف الرحيل]

اشكر مرورك ..................

[شمس الرائدية]

الله يعطيك العافيه ع الطرح الجميل ..
,,

[AYAWASEL]

يسلمووووووو على الطرح المميز الرائع

[أزف الرحيل]

تسلمون على المرور

[mύβαřαķ αlsαhli]

يعطيك العافيه على طرحك المميز ] × ~






تقبل [mark=#cc99ff]مرورإآتي[/mark] ] × ~

[أزف الرحيل]

اشكر تواجدك في صفحتي

[أبو الوليد]

[align=center].






يا سبحان الله .........!




براءة أطفال .. .. صارتــ أفضل من بعض عقوول الكبآآر ..........!




سلمت على الموضوع .. .. والله يعطيك العافية




::


وفقك الباري



.. .. ومضـــــــــــــــــــــة .. ..

قال أحد الحكماء :
دواء القلب في خمسة اشياء :
قراءة القران بالتدبر ، وخلاء البطن ، وقيام الليل ، والتضرع عند السحر ، ومجالسة الصالحين .
وقالوا ايضا :أشدّ الأعمال ثلاثة :
إنصاف الناس من نفسك .
ومواساة الإخوان من مالك .
والورع عن المعاصي عند الخلوة عن عيون الناس .

[/align]