من قبيلتي تعال ازوجك من براا<<ضف وجهك>>

[~ افوق الوصف ~]

بسم الله الرحمن الرحيم
صبآح الخير / مسآء النورر
كيفيكم؟؟ إن شاء الله بخير





مدري إلى متى مجتمعاآآتنا راح تتنازل عن خيول كبرياءها وتتطوّر (شوي) بس..؟؟
.............
بطاآآقة تعريف:
الإسم: فلاآآن بن فلاآآن آل فلاآآن>>>والله والنعم
المؤهل العلمي: حاآصل على شهاآآدة الماآآجستير من بريطاآآنيا._ هندسة بترول.


الوظيفة: مهندس في شركة بترول ال(..............).
العمر: 26 سنة .


الحالة الإجتماعية : عاآآزب وناوي يخطب بنت الحلاآآل ..


ملاآآحظاآآت أخرى : أبد والله ..بس.. وسيم
^
^
^
هالشخص المناآآسب راح يتقدّم لوحدة سمع عنها وعن أهلها كل علمٍ طيّب .؟


بدون مقدماآآت يرفض الأب أو الأخ طلب هذا الشاآآب..
بدون مايكلّف نفسه يسأل عن الرجاآآل
طيب وش السبب يالأخو


.........: أبد والله بس حنا بناتنا مايطلعون برّى القبيلة ..
يعني ماعندنا بنات للزواآآج ..ويالله ظف وجهك>>>>>>طبعا مايقولها بشكل مباآآشر..؟؟


ياآآآحراآآم والله ...هالأب ماكلّف نفسه يسأل بنته عن رأيها..؟؟



نأتي للمصيبة الأعظم


تاآآبعوا معاآآي المسلسل المحزن..
7
7
7
7


بطاقة تعريف لإبن القبيلة :


الإسم : فلاآن بن فلاآن آل فلان>>>> طبعا من نفس القبيلة ..
المؤهل العلمي: حاآآصل على شهاآآدة المتوسطة بدرجة مقبول في مدرسة خاآآصة بعد !!


الوظيفة : موظف (كاتب في مستوصف) براآآتب (3500 ريال تقريبا).وناوي يستقيل.
العمر: 21 سنة .
الحاآآلة الإجتماآآعية : أعزب وطاآآيش وإنشالله يعقل بعد الزواج.<<ترى ترفع ضغطي سالفة يعقل بعد الزوااج
ملاحظاآآت أخرى: أبد بس أدخن وأشرب شيشة .. >>>>>ونعم الملاآآحظة والله.



^
^
^
^
هالشاب راح يخطب من نفس الأهل اللي خطب عندهم الشخص الأول ..


................: ياآآمرحبا .. ونعم النسب والله
أبد مالكم إلا طيبة الخاآآطر .. ولوهي ذبيحة ماعشّتكم
>>>>ضحية العيد وأنا مدري..
الملكة الأسبوع الجاآآي ...


وإنتهى المسلسل...



هذا ببساآآطة حاآآل أغلب مجتمعاآآتنا في الوقت الحاآآلي..



نـقــــطــــة نــظــــــا م


لحد يجي يقول :
لا ...... هالشي مو موجود ..


لاموجود..
لكن هذا الواآآآقع





أدري : إن موب كل المجتمعات موجود فيها هالشي..


لكن مادامه موجود عند البعض
إذاً هو موجود و ( ينرفزني )..ومايعجبني..


ليش مجتمعنا تفكيره وصل لهالدرجة ؟؟ تمنع الزواآآج من خاآآرج القبيلة؟؟
وتنسى حديث الرسول: من أتاكم من ترضون دينه وخلقه فزوجوه؟؟


أصبح هم الناآآس التفاآآخر والتعصب القبلي؟؟
ماخلصنا من سالفة التصويت ؟؟
بكره لو تسأل واحد من البزارين
يقولك أنا من قبيلة رقم 550 أو 707 أو 590
كذا وصلت حاآآآلتناآآآ؟؟
طيب ماجاآآ النصيب أو الشخص المناآآآسب من قبيلتي ؟؟
وش الحل؟؟


يلا اترك اليكم النقاااااااااااش
كل واحد يقول رايهـ بالمووضووع


تقبلوا خالص تحياتي وتقديري





^
منقول

والله الموضوع اعجبني ونقلتة للنقاش الجاد والحوار الراقي بعيد عن التعصب

[طيوفه]

ماظنتي راح تنترك هالعادات والتقاليد طالما فيه سعودي بدوي عايش
وجاء شاعر المليون وزاد الطين بلة
للاسف هذا الحاصل عندناا يمكن تقل نسبته بين عوائل الحضر وعادي يزوجون الشخص لو مو من عايلتهم لكن البدو اغلبهم لابد ان يكون من نفس القبيلة حتى لو قلتي ان مؤهلاته ماتسمح له يتزوج هم مايطالعون هالناحية هم منظورهم واحد نعرفه احسن من شخص نعرفه يعني هالشخص بيصون بنتنا وحتى لو صارت بين الزوجين مشكلة بيلقون شخص يعز عليهم يكلمونه ياما ابوها يكون عمه او خاله يعني شخص له كلمته بالعايلة اما هالغريب الي ماندري وش راح يسوي يمكن يضربها او يهينها وحتى لو صارت بينهم اهله بيوقفون معه ضد البنت اعتقد هذا تفكير الاباء
غير كذا لو مهما تطور الزمن فيه بعض القبايل مستحيل الزواج منهم والي يتزوج منهم بيكون اضحوكة بحلوق قبيلته
بذكر لك سالفة صايرة بجماعتنا واحد من قبيلتنا تزوج وحدة من قبيلة ثانية جماعتنا صارو ماينادون عياله الا بعيال الفلانية ( يقصدون قبيلتها ) وكانهم منسبون لها مع العلم ان اسمهم بقبيلة ابوهم بس هذا هو حال القبايل ان دخل عليهم غريب صار اسم قبيلة الغريب معيارة لهم

[فتى السيلساو]

[align=center]
والله دامي عزوبي انا

بتكلم عن نفسي

اذا جيته وكرشني بقوله الشرهه مو عليك علي انا الي جاي يخطب منك
خ ع خ انت وبنتك معك
[/align]

[الدووووخي]

والله القبائل اغلبها يهمها ان يكون المتقدم من نفس القبيله ..

واذا البنت عنست اي واحد يجي يزوجونها ..

هذا هو حال اغلب القبائل ..

قال رسول صلي الله عليه وسلم (إذا أتاكم من ترضون خلقه و دينه فزوجوه )

وربي يوفقكم ويرزقكم الازواج الصالحين ..

[ريانة الخفجي]

موضوع رائع ويحتاج للنقاش.. والله اذا الشاب من نفس القبيله رجل وعنده شهاده وظيفه مرموقه حياه الله...أما اذا من نفس القبيله وفاشل يضف وجهه ..واذا تقدم واحد من برا القبيله وقبيلته معروفه ورجل بأخلاقه ومكانته فهذا أنا أشوف مفروض يقبلونه لبنتهم...بس فيه عقول للان متحجره ونفس اللي قلت ياخوي ولن تتغير

[لأجل اشتياقي]

صحيح

لكن هذا بعض من المجتمع


وليس الكل



او نقول بعض من القبائل


ولربما تخلت عنها في الاونه الاخيره ممااسمع او ارى او اشاهد



والله يكتب التوفييق سواء من الداخل او الخارج



كل الشكرلإثآرة النقاش هنا

[كلي خفجاويه]

[align=center]
قال الرسول صلى الله عليه وسلم : ( إذا أتاكم من ترضون دينه وخلقه فـزوجوه )

وحـاليا اكـيد اشياء كثيره تهـم مـثل: الوظيفه و القبـيله

ومـايهم انه يكـون من نـفس القبـيله

وهـذا رأيي الشخـصي



ولكـن فيه بعـض النـاس الى الان تكون البنت لولد العـم

وغير كذا تلقون البنت والشاب مـو موافقين

بس ما وافقوا الا عـشان الاهـل يـرضون عليهم

ياليت يتـرفعون عن بـعض العادات والتـقاليد اللي مـا يستفيدون منها الا المـشاكل


يعطـيك الف عافيه على الطـرح الرائع ...

سلمــتــي ,,
[/align]

[فتى سابك]

أكيد ماراح نزوج أي أحد برا القبيلة,,, ياأخي قبيلتكم مافيها بنات؟؟؟؟ رح وفك نفسك... وترى الٌأقربون أولى بالمعررررررروف

[~ افوق الوصف ~]

اشكر الجميع على المرور

[محب الخفجي]

اقتباس المشاركة الأصلية كتبت بواسطة طيوفه ماظنتي راح تنترك هالعادات والتقاليد طالما فيه سعودي بدوي عايش وجاء شاعر المليون وزاد الطين بلة للاسف هذا الحاصل عندناا يمكن تقل نسبته بين عوائل الحضر وعادي يزوجون الشخص لو مو من عايلتهم لكن البدو اغلبهم لابد ان يكون من نفس القبيلة حتى لو قلتي ان مؤهلاته ماتسمح له يتزوج هم مايطالعون هالناحية هم منظورهم واحد نعرفه احسن من شخص نعرفه يعني هالشخص بيصون بنتنا وحتى لو صارت بين الزوجين مشكلة بيلقون شخص يعز عليهم يكلمونه ياما ابوها يكون عمه او خاله يعني شخص له كلمته بالعايلة اما هالغريب الي ماندري وش راح يسوي يمكن يضربها او يهينها وحتى لو صارت بينهم اهله بيوقفون معه ضد البنت اعتقد هذا تفكير الاباء غير كذا لو مهما تطور الزمن فيه بعض القبايل مستحيل الزواج منهم والي يتزوج منهم بيكون اضحوكة بحلوق قبيلته بذكر لك سالفة صايرة بجماعتنا واحد من قبيلتنا تزوج وحدة من قبيلة ثانية جماعتنا صارو ماينادون عياله الا بعيال الفلانية ( يقصدون قبيلتها ) وكانهم منسبون لها مع العلم ان اسمهم بقبيلة ابوهم بس هذا هو حال القبايل ان دخل عليهم غريب صار اسم قبيلة الغريب معيارة لهم

الموضوع شيق وأمل من جميع الأعضاء أثراءه بالنقاش ــ وشكر لصاحب الفكرة.....

أنا شدني تعليق الأخت الفاضلة"طيوفة" لقولها (ماراح نترك هل عادات والتقاليد ماطول فيه سعودي بدوي عايش)

أختي العزيزة البداوة عمرها ماكانت هي مصدر التعقيد والتخلف البداوة كانت تنقل الناس من مكان إلى أخر للبحث عن الرزق وأصبح الناس بنمط التحضر الأن .....ولكن هناك خلط بين المفاهيم ......البداوة هو نمط معيشي يمتاز بتربية المواشي والتنقل للبحث عن الأرض الحية التي رزقها الله بالغيث ... لتوفير الرعي للمواشي.... فالبداوة مثل نمط الفلاحة والحضارة .....من ناحية نوعية نمط الحياة المعيشية للناس ...... والبداوة الأن لا تعني أن يكون للأنسان عشة بالبر يذهب لها بعد العصر أو بعد الفجر ويعود إلى مدينته بعد المغرب يدخل بيته المبني من الأسمنت الذي به جميع أجهزة التقدم الحضاري .....ويمارس عمل وظيفي بشركة أو بقطاع حكومي.. وأطفالة يناولون حليب النيدو .....وأبناءه الكبار منهم الطبيب والمهندس والضابط ......فأين البداوة؟؟؟ (ليتها تعود).....بهذا المفهوم أصبح الناس سواسية من ناحية النمط المعيشي في هذا الوقت وهو نمط التحضر وليس "الحضر .....
ـ فلا ترمي اللوم على التحجر بالعادات والتقاليد على عاتق البداوة التي هي الأن أصبحت بالماضي.
ـ هناك قبائل من أهل الجنوب قروية ومنها الحضرية .....عندهم التعصب أكثر من ما عند البادية بهذا الموضوع وهو الزواج.
ـ وليس كل البدو يمنعون الزواج من خارج عشيرتهم .....وكلنا يعرف بعض العشائر البدوية "نقالة عمود بالماضي" من تزوج أي شخص حتى ولوكان من أخر الدنيا .....بس منه ألي راح يتزوج منهم...
ـ أعتقد أنك قصدتي أختي الفاضلة العادات والفيم القبلية ...وليس البدوية.

ـ أنا وجهت نظري الشخصية أن عشيرة الشخص المتقدم للزواج مهمة من ناحية النسب والأصالة ولا يهم إن كان من خارج القبيلة أو من داخلها لقول الرسول صلى الله عليه وسلم((أقوا العرق فإن العرق دساس)) .....هذا الأساس بالسؤال عن الشخص .....يأتي بعده دينه وأستقامته ....ومصدر معيشته....وعاداته الشخصية مثل/الكرم ..علاقاته ..حسن تعاملة من عدمه........إلخ.

في الختام أشكر صاحب الفكرة بعرض هذا الموضوع ـ وتقبلي تعليقي أختي الفاضلة "طيوفة"على ماكتبتي