السكن مع الزوج في بيت( اهلة ) للنقاش

[شمس الرائدية]

بس يالجوري << أبعد عن الشر وغنيله ..
عمامك وهم عمامك ..ما تعرفين طبايعهم .. ونواياهم

الحين الناس مظاهر ما تعرفينهم ع أصلهم الا بعد العشره .. وعقب ما يطح الفاس بالراس

وحتى لو اطلعوا أهله زينين .. اكون بيت مستقل احسن .. اتحرك والبس واطلع .. ع راحتي ..

[أزف الرحيل]

1- هل تقبلن السكن في بيت عائلة زوجك ؟

... في حالة وجود والدته ووالده على الرحب والسعه اقبل ذلك وبكل سرور ..اما اذا كان مع اخوانه واخواته لا اقبل اطلاقا


2- ام تفضلن الاستقلاليه في بيت خاص لكِ ؟
اكيد افضل الاستقلاليه
3- وان كان زوجك وحيد والديه واكبر عائلتة ؟ ماذا ستفعلين ؟

ان كان وحيد والديه اقبل...اما اذا كان اكبر عائلته وهو العاهل لهم ارفض الزواج به ....

[فتى سابك]

أولا هذي تعتمد على حسب ظروفالزوج
ثانيا السكن مع الأهل يمكن يجيب مشاكل و متاعب يعني البعد يكون احيانا مفيد

وشكرا على الموضوع

[~ افوق الوصف ~]

بارك الله فيكم على المرور

[همسة الشوق]

موضوع رائع

انا بالنسبة لى عادى اذا تزوجت انى اسكن مع اهلة

وخاصة اذا كانت ماديتة ما تسمح انة يوفرلى بيت مستقل

تسلمين الغالية

[صعبة المنال]

..
موضوع رائع
والسكن ببيت اهل الزوج
يجلب المشاكل
خلك بعيد حبك يزيد
-(ربي يعطيك العافيه)-

[فتى الاجفر]

اما عن رايي

فأقول ان الوجه تسكن مع عائلة الزوج

وخاصه اذا كانا ابناء عمومه>>عيال عم


لانه لايوجد هناك ضرر

بالعكس تكون للزوجه غرفه لها

وتكون معززه مكرمه


هذا الذي قلته

واترك للباقي ..


ودمتم بخيـــ..ــر

فتى الاجفر

[×|| حلمـ الطفوله ||×]

أمممممم أنا أفضل إن البنت تسكن في بيت لحالها أفضل لها وله ولأهله

علشان تبعد عن المشاكل من البدايه

لأن من حقها إنها تعيش حياة مستقلة وتتصرف في بيتها مثل ماتبغى سواء بلبسها أو بمطبخها او حتى بترتيب بيتها وتأثيثه وهذا الشي من أبسط حقوقها

لو سكنت في بيت أهله مالها أي صلاحيه بشي وبتكون مثل الغريبه

والأصعب لو كان للزوج أخوان تتحجب عنهم

لو كان وحيد أهله مافيه مانع إنه يسكن في بيت جنبهم أو شقه تبنى له فوق بيتهم لكن طبعا يكون مدخلها لحال

بحيث إنه ماينقطع عن اهله ويكون قريب منهم وبنفس الوقت البنت تعيش حياتها مستقله

تحيه عطرهـ

[بــ الخفجي ـنت]

1- هل تقبلن السكن في بيت عائلة زوجك ؟

أيوهـ اقبل .. وأفضل السكن في بيت عائله زوجي في بدايه زواجي على السكن في بيت خاص فيني


2- ام تفضلن الاستقلاليه في بيت خاص لكِ ؟

لا أفضل السكن في بيت العائله في بدايه الزواج على الاقل .. لان الجو العائلي اكيد بيكون احسن من السكن المنفرد

الزوج ماراح يكوون بالبيت دائما .. والزوجه صعب تطلع من البيت كل ما طلع زوجها

فحلو يكون في احد في البيت تتناقش معاه وتسولف

وبرضوا تكون عائله جديده


3- وان كان زوجك وحيد والديه واكبر عائلتة ؟ ماذا ستفعلين ؟

اكيد ماراح اخليه يترك بيت اهله .. لان اللي مافيه خير بأهله مافيه خير بالناس

[صمت الشوق]

1- هل تقبلن السكن في بيت عائلة زوجك ؟
اممم مدري والله احس افضل لو كان لحالي
2- ام تفضلن الاستقلاليه في بيت خاص لكِ ؟
اي بصراحه افضل
3- وان كان زوجك وحيد والديه واكبر عائلتة ؟ ماذا ستفعلين ؟
خلاص عادي بوافق وبدعي ربي يسخرلي اهل زوجي


تقبل مروري