رحم الله فقيد الامه خادم البيتين الملك فهدبن عبدالعزيز آل سعود
خلال الايام الماضيه لم اكن موجود وقد عدت هذا اليوم فأقسمت ان تكون اول مشاركه
فعليه هي رثاء لمليكي وابي المغفور له بأذن الله
وارجو ان تعذروني لاني كتبتها خلال ساعه
[glint][align=center]انا لله وانا اليه راجعون[/align][/glint]
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يالله تـرحــم شيـخـنا ادعــوا مــعـي يـاسامـعـيـن = ويالله تـصبرنا ولا غـيـرك لـنـا يـارب عـون
عـقـب الفـهـد كل الشـعـب عـقـب الـفـهـد اصبح حزيـن = قالولي هونـهـا وتـهــون لاوالله الا ماتـهـون
تبكيه كل شعـوبنا بنات ورجال وبـنـيـن = قـبـل الحـريم يصيّحن شفـت الرجال يصيّحـون
مالومهم لوصيّحوا تفدا الفهد مليون عين = وعيون ماتبكي فهد وش فايدتـهـا من عـيون
لوجيت ابذكر من بعض ميزاته العقل الرزين = انشهد انه لاحكى كل البقيّه يسمعون
اختار اسم وعقبها حيّرعقول المشركين = قاموا فلاسفة الكفر للأسم هذا يحللون
كيف الملك عاف الكبر ويصير خادم معبدين = اماعلى الدين الصحيح او الملك صابه جنون
هوخادم البيتين بس سيّدعلينا اجمعين = بتواضعه خلى الكفر في ديننا هم يبحثون
وتـذكروا قوله بعام....1990 = يوم ان جيش الطاغيه لارض ابومبارك يزحفون
انشهد انه قالها ياكويت لازم ترجعين = ولا قال ابوفيصل فعل قال اطمئنوا ترجعون
حاول مع الطاغي بطيب مافاد طيبه باللعين = ثم ساقها للطاغيه من كل شكل وكل لون
ولبنان لولا حنكته بحروبها صارت طحين = بالطائف اصلح بينهم واظنهم ماينكرون
الغرب يشهد للفهد وتشهد جموع المسلمين = هذا الفهد كل الدول لامر اسمه يشكرون
والوقت لوانه قسى لاجاه ابوفيصل يلين = هذا الفهد شيخ العرب عنه الرديين يخسون
انشهدانك يافهد بقلوب كل المؤمنين = كانوا اذا ضاقت بهم من غير ابوفيصل يجون
ماخص شعبه بالكرم طيبه على الناس اجمعين = ماهوكلامي بس انا كل البشر له يشهدون
يابوي والله لوقعدت ابكي على طول السنين = ماوفيك حقك يايبه مهما عيوني يسكبون
خلاص وقّف ياشعر ياقافيه ماتستحين = ولوجيت ابرثي يايبه ابيات شعري يستحون
حاولت ابحصي مافعل عجزت وايضآعاجزين = كل اللي مثلي حاولوا ظنهم مايقدرون
يالله تغفر للفهد ياسامعين قولوآمين = انت الذ ي يا ربنا تعلم بما لا يعلمون
سبقتنا ياشيخنا واصبحت ضمن السابقين = ماقول الا السابقون انتم ونحن لاحقون
ماقول الا يامعين ارحم ملكنا يامعين = وماقول غير انا لله وانا اليه راجعون[/poem]
المواضيع المتشابهه
العرض العادي
