.,. سجل دخولك لهذا القسم ببيت شعري اعجبك.,.

[عزيزة نفس]

عجزت لا أمسحك من قلبي ومن فكري
------كلّ الهقاوي مع " النسيان" قد خابت .!

"الله يسامحك" و الله يجبره كسري
------ والله يغّيب جروح ٍ ما بَعد غابت.!

[شمس الرائدية]

بعـض البشـر / يغـرونك بـ " صـدق الاحسـاس "
و بعـض البشـر .. سآكـت و قلبـه " يحبـك " ..!

[غِنَــى !]

لاتحطم لو تحطم لك أمل
....اعرف ان الله يحبك وابتسم
لاتقول الحظ عمره ماكمل
....قل انا حاولت والله ماقسم

[ابو فهد 77]

عندك خبـر وش غايتـي هالدقيقـه؟
ودي أضمك وانفجر فيك .. وأصيح


في خاطري من جاير الوقت .. ضيقه
وقلبي غدا معطوب واطلاله تطّيـح


لا يغر عينـك بسمتـي مـو حقيقـه
بسمه وراها ألـف مغـزا وتصريـح


ودي افجـر عبـرةٍ بـي عميـقـه
فتـرة غيابـك اشبعتنـي تجـاريـح


أكابـر وبقصـى ضلوعـي حريقـه
نـارٍ لهبهـا لـوّح الجـوف تلويـح


تعال وشف من شب صدره حريقه
كل العنـا والهـم لا شفتـك يزيـح


علمني كيف الحل كيـف الطريقـه؟
وشلون أضمك وانفجر فيك وأصيح

[نواف الفهاد]

الى متى وانا على الجرح اكابـر
واذب دلو البال لايغـرف الدمـع
واسج عن حالي وانا كنت خابـر
ايام ماغابت عن الشوف والسمع
يعني كذبت بسلوتـي والتصابـر
كاني اوقد تحت شمس الجفا شمع

[شمس الرائدية]

أدعي.. عسى ربي [ ما يبعدك عني ]!
و تخنقني العبره و انا أقول [آآآمين] ..!

[نواف الفهاد]

عطيت قلبي على جوّه .. وعلقني
وبلشت هالحين : مدري ويش اسوّي به

كنه على حتفي الموعود سايقني
وأنا من الله .. ما أضرّيها على الهيبه

الله .. ياليته من أهل الحب يعتقني
وأرتاح دام إن راسي ما ظهر شيبه

قلب ٍ طواريه [ تتعبني وترهقني ] ,
أدنى .. ما يسْرقه ويوديه ويجيبه !

[شمس الرائدية]

كٍتَبِتّ الشِعٍرْ لـ جَلِ آرضٍيّ شِعُوُرٍ دَآخِلٍـيّ مَـآجًـآاكّ ,
وِ جَآكّ.." وِ مَاكِسَبِتّ الآ الَوَلَه مَعَ ضَجَّـةْ التْصّفِيِـقّ !

[سـَمآ ♪]

لك ثلاث أيام في عيونك عتب
...... ريّح أهدابك عسى عمرك طويـــل
يمكن أكتب فيك شي مانكتـب
...... ويمكن أوصل بك حدود المستحيل

[نواف الفهاد]

جيتي مثل ريشة ورحتي كما أوراق !
وأنا هوايه صلف .. ومفارقي صلف
انتي كذبتي بالسوالف والأشواق !
وانا غلطت .. وغلطة الشاطر بألف
لكني الليلة على موعد فراق
حتى مع طعون الخيانة من الخلف
يا تافهة هذا المدى مابعد ضاق
كرامة ٍ توحش .. ولا ذل من ولف !