وش الحل مع حرامية الصناعية بالخفجي ؟

[سليمان الصقر]

[align=center]السلام عليكم ورحمة الله وبركاته
صباح - مساء الخيرات لكل الأعضاء والزوار ، اليوم جايبلكم موضوع جديد بس قاهرني من زمان ألا وهو موضوع صناعية الخفجي والحرامية الي فيه الي قاعين يسرقونا عينك عينك .
يا جماعة الخير اللي قاعد يصير بصناعية الخفجي نصب ماهو طبيعي وأنا راح ألخص موضوعي بنقاط محدده ومختصرة وابيكم تساعدوني على شان نقدر نشخص المشكلة ونبحث عن حل لها .
1- تدرون أن أنظمة العمل عندنا ما عندها أي شروط مهنية تنظم العمل بالورش يعني الميكانيكي والكهربائي ما يشترطون عليه شهادة أو مؤهل في الكهرباء والميكانيكا ولا تشترط عليه أي خبر في مجال عمله يعني لو تجيبلك بنقالي كان يشتغل بديرته مربي دجاج وتحطه بورشه ، نظاما ما فيه أي مشكل وعادي جدا
2- تقريباً 90 % من اللي ما سكين الصناعية جنسيتهم وحدة (باكستان) والكل يعلم لأن أغلب السيارات عندهم في باكستان هي الدبابات أم ثلاث كفرات اللي تشتغل على الغاز ، وشلون صار معلم أمريكي ومعلم ياباني ومعلم قيور ... ماأدري
3- 95% من العمال مايصلحلك القطعة يقولك لازم تشتريله قطعة جديدة ويقوم هو بتركيبها وهذا أكبر دليل أنه ما هو فاهم في الكهربا والميكانيكا وممكن يكون فاهم بس يستهبل علشان يوفر على نفسه التعب وينفع الحرامي الثاني اللي قاعد بمحل القطع
4- أكثرهم يقول لك خل السيارة عندي وتعال بعد أربع ساعات أو بكرى وتجيه ولا السيارة شغاله وما تدري وش حط فيها وش خذى منها ويقولك ركبت كذا وكذا وشغل يدي كذا وكذا ويله عليك الحساب
5- ولا حظ إذا حطيت سيارتك عندهم أو ما يحط الهوز بخزان البانزين وشفط اللي فيها من بانزين
6- وصدقوني أن أكثر القطع اللي يبدلونها يمكن تصليحها وهم عارفين الشي هذا والغالب يركبلك قطعة جديدة تجارية أو أصلية وياخذ قطعت سيارتك الخربانه حقت الوكاله ويروح يصلحا ويبيعها على غيرك وكذا ضرب عصفورين بحجر وحصل على أكبر قدر من المال بأقل جهد
7- وبعدين حتى كلماتهم تدل على انهم نصابين مثلاً إذا ما ظبطلك الشغلة قال (هازا صوت أول قوي وأحين صوت خفيف) ولا يقولك (تعال بكري إزا ما فيه روح صوت أنا يصلح )
8- والله وبالله وتالله إنهم ينظرون للسعودي إنه مغفل ومن السهوله النصب عليه فلذلك عندهم مقوله مشهوره دارجه بينهم ( سعودي فلوس واجد مخ مافيه )
9- ياناس ياعالم ترى أكثر اللي تشوفونهم بالورش حراميه وغير متخصصين لابكهربا ولا ميكانيكا ومثل اللي يقول ( يتعلمون الحلاقة بروس اليتامى )
10 - وذا خرب عليك السيارة أو نصب عليك تراه يحاول يستفزك على شان تغلط عليه أو تتهاوش معهاه وبعدها تصير من طالب إلى مطلوب ولو رحت تشتكي للشرطة قالوا هذا مسكين يترزق الله وبعدين الأجانب ما يخطون على أحد وتطلع بالنهاية أنت اللي ما عندك سالفه .
11- ليش كل الورش يملكونها سعوديين وما تشوف ولا سعودي قاعد بالورشة
12 - والله لو أبي أسولف عليكم قصص النصب اللي تعرضت لها بصناعية الخفجي انكم ما تصدقون ومابي أوجع روسكم فيها لأن أدري ان عندنا وعندكم خير[/align]

[+بنـــدر+]

موضوووعك حلووووو

بصراحه ماتدري وش تسوي بالشغلات هاذي مادام مافي حسيب ولا رقيب

المشكله اذا تبي تدقق على كل شي ماتلقى واحد تصلح سيارتك عنده كلهم ماحولك احد وعلى راسهم الوكاله


يعني حاول انك تغيبى وخله يصرقك علشان تصلح سيارتك

عيش الواقع

[اليابسي]

ومنهم السؤولين عن الصناعيّه؟........اذا مكتب العمل ..اِغسل اِيدك ماعندك أحد...أصلآ من يوم تمر من عند مكتب العمل وتشم ريحة الطبخ وسراويل العُمال معلّقه ..تدري أن ماعندك أحد من مديرهم اِلى أصغر موظف..

...أخوي...سليمان عندنا (دوائر)حكوميّه يبغالها نفظ وتنظيف من الوساخه اِللي فيها ....لاهنت موضوع رووووعه

[لحن الحزن]

والله يالغالي موضوعك في غاية الاهميه

واتذكر حادثه وقعت في صناعية الخبر قبل سنوات عن ورش يديرها عماله لا تستطيع ان تفرق بين حبة الكرز والبرغي :d

وقام بعض شباب اهل المدينة برفع شكوى ضد الصناعية وطلب توضيح المهن للعماله المتواجده فيها ...

وقام بعض شباب المنطقة بأخذ اسماء الورش المشكوك في عملها ورفعه لوزارت العمل والتأكد

وبعد ايام وليس اشهر او اسابيع

تم ايقاف الكثير من الورش عن العمل

واكتشاف مخالفات بالجمله لمصالح الكثير من المزورين والمرتشين

وانا اضم صوتي لصوتك واقول صناعية الخفجي اشبه بعمال السباك في طريق الرياض 42 في الايام العادية سباكه وفي العيد جزاره وفي رمضان موزعي بطاقات وفي ايام الربيع مقهوجيه وحراس مخيمات وفي الاخير المهنه حرامي سائب ...

المشكله ليست بحاجه الى خبير اجنبي

ولكن بحاجه الى سؤال

مثال : صديق انت شنو شغل

يقولك : كهربائي ممكن اشوف الشهادة التي يجب ان تكون مختومه من قبل وزارة العمل بمزاولة المهنه ...!!!!!!!!!!!!!!!!!!

بالنهاية اذا فهم يعطيك الاقامه او صوره منها او صورة من ترخيص المحل


وهذا حدث معي في صناعية الخفجي قبل اشهر حينما قمت بسؤال العامل الباكستاني عن شهادته المصدقه من وزارة العمل اثبت لي بالدليل انه كان في باكستان بياع للخرده


واليوم صاير كهربائي ومدري ايش ومدري ايش


مثل صبي القهوه في احد مقاهي الخفجي حينما وجده احد موردي المقاهي يعمل في بوفية

ولسوء الحظ انه لم يفلح وعاد من جديد صبي قهوه وتصليح شيش


هذه حالكم يا اهل الخفجي

والغريب كل الغرابه ان هناك مناطق زرتها مثل النعيريه والقرية العليا وغيرها وجدت فيها مكانيكية ورش كهربائي وغيرها في غاية المهاره والخبره

اذا ماذا ينقصكم يا اهالي الخفجي ....!!! قلت السيارات لا والله كل عامل باليوم يجرب ضربت الحظ مع سيارتين او ثلاث باليوم

يعني مع احترامي للجميع لو ( حــمار ) كان فهم اعزكم الله

ولكن غريب تستر ولا مبالات .....!!!


وارجع واكرر عليكم بالشكوى وكثرت الشكاوي

لن تنقص منك شئ بالعكس سوف تكون موطن صالح يقدم الخير لاهل مدينته وغيرهم من الزوار وتكسب الاجر في المال السائب الذي يسرقه هؤلاء بداعي الهمنه المزوره

هذا مثل اللي يقول ليش كل محلات الزل يديرها افغان وباكستانيون

كان الجواب اسئل الممول هو ابن جلدتهم واخبر في ربعه

يجيبهم من شوارع بشاور وزاقت كابل ومن مدمن مرجوانه ومخدرات الى بائع زل ( يخدم ابن بلده واحنا حتى ابن البلد لا نريد منه الا سلب امواله )

الله يرحم ايام القلوب الحيه التي لا ترضى ان تكون ( خب ) في هذا الزمن

ورحم الله الخليفه الراشد عمر بن الخطاب رضي الله عنه وارضاه حينما قال:
( لستُ بالخِبِّ ، و لا الخِبُّ يخدعُني ).

[مطلق الشمري]

اخوي سليمان

اصلا صناعية الخفجي كلها يبغى لها ازاله

كل مدن المملكة حتى المدن الصغيرة صار فيها مناطق صناعية منظمة وتابعه للبلدية وتتاجر باجار سنوي من نفس البلدية او من المقاول اللي مستلمها ولها شروط ومقاييس وعليها رقابة و تكون خارج المدينة بمسافة معقولة

انتهى زمان شارع واحد والصناعية على طول الطريق كانك على بهجرة على خط دولي

في جيزان حتى محلات تصليح الثلاجات والغسالات والادوات المنزلية موجودة بالصناعية وممنوع اي محل يفتح داخل البلد

عندنا شف شارع 25 كله نجاريين وتصليح مكييفات

والازعاج 24 ساعه ولو ينفجر كمبريسور هدم نص العمارة

وبالنسبة لموضوع والله صديقي خربت عندة طرمبة الموية

قاله الباكستاني عطني 800 ريال ورح وارجع لي بعد ساعتين بركب لك طرمبة جديدة من الوكاله

رجع له وحصل السيارة صالحة وشغاله

بعد اسبوعين رجع نفس الخراب وداها عند مصلح ثاني

حصل الطرمبة القديمة موجودة وما تغيرت اللي صارلها 5 سنوات من وكاله السيارات

طبعا اتصل عالشرطة وبكل بساطة قام الباكستاني رجع الفلوس اللي اخذها ويا دار ما دخلك شر

لا اتقفل المحل ولا انسجن او تسفر احد

تحياتي واعتذر عالاطاله

[عضو محايد]

مع احترامي للجميع تسولفون واجد وتبون كل شي زين في الخفجي
لكن ؟؟؟؟
فلنفرض مثال ,,,,
اذا انا عندي ورشة في الصناعية والعامل فيها شغله مضبوط زين , زين
اذا في يوم غلط في شغله معينه حتى لو مريض أو سكر بدري سفلتوا وشخطوا فيه وخليتوا سمعته في الخفجي كلها ماتسوى ريال لا ويتلزق عليه شغلات كثيرة : حرامي ,,,,,, الخ .
نفس الحال في جميع محلات أو الدوائر الحكومية في الخفجي .
بعدين أمس رحت اشتري شغله من محل الكترونيات ونفس المحل يصلح مسجلات السيارات المهم جالس العامل يركب مسجل في سيارة زبون بالخارج وانا جالس انتظره بعد شوي اتفاجأ بأن الزبون معاه مفتاح عجل ويبي يضرب العامل سألنا ليش قال اتفقت معاه 50 ريال قال ok وبعدين قال مافيه الا 10 ريال ؟
شو رأيكم ؟ وقاحــــــــــة
كل واحد بها الديره يشوف نفسه شيخ
نكمل لاحقـــــــــــــــا ,,,,,,

[سليمان الصقر]

[align=center]يا جماعة الخير الورش والصناعيات سوق عمل كبير ودخل عظيم والخير اللي فيه كله رايح لمجموعة حراميه والله أعرف شاب سعودي سوى له ورشة بالصناعية هنا بالخفجي يقول يوميا أشوف بعيوني أنواع النصب والكذب على الزباين السعوديين طبعا لكن يقول ما اقدر أسوي شي والشي العجيب إنهم عرضوا عليه مبلغ شهري بس يترك لهم الورشة ويقعد بالبيت.
المهم وش رايكم بالحل وش السوات يقول المثل الصيني ( لأن تضيء شمعة واحدة خير لك من أن تلعن الظلام ألف لعنة ) . والله يالربع أبي أكتب بعض الحلول والأفكار ولعلكم تساعدوني .
1- تشجيع الشباب السعودي ودعمهم من خلال الذهب إليهم وترك الاجانب للضرورة علما أن هناك فيما أعلم ثلاث ورش اللي يشتغلون فيها اسعوديين
2- فضح حيلهم وأساليبهم وتوعية المجتمع من خلال الكتابة في النتديات وغيرها
3- نشر ثقافة الاعتماد على النفس قبل الذهاب للصناعية .
4- ياليت لوأحد المعاهد بالخفجي يعطي دورات بالكهربا والميكانيكا كان والله لأخل أخواني وعيال الجيران على حسابي

وشدوا حيلكم يالربع ولا تبخلون علينا بالأفكار الحلوة[/align]

[حمزه مصطفى]

والله من ناحيه الورش وسع صدرك ماحولك احد
ماعندحم الا بدل القطعه روح الكويت او الدمام
مافيه تبديل يصلح القطعه اخر شي يقول بدل
ولكن بالخفجي ورش فيها حرااااااميه والله
ينصبون عينك عينك حسبنا الله ونعم الوكيل عليهم

[ابن الشمال]

اخي الكريم

نشكرك على الموضوع المهم الذي يعاني منه اغلب سكان الخفجي

الصناعيه الان صارت داخل الأحياء السكنيه ويجب ازالتها وذلك
بأن شاء مدينه صناعيه متكامله وازالة الحاليه واستغلالها بمشروع حيوي

السعوديه خاصتا والخليج عامتا ً اصبح معهد يدرب الوافدين

بمعنى اصح يأتون لا يفقهون شيئ وبعد فتره تجده يجيد عدة

شغلات كهرباء سباك مكانيكي كله ماشي اهم شي يطلع منك
فلوس

وبعض الورش بالصناعية اصبحت ورش سلب للمواطن وسجلت لهم عدت قضايا بشرطة الخفجي وبالنهايه تجده مازال على رأس العمل.

خذ عندك ورشة الشباب سجل لصاحبها ثلاث قضايا بشرطه ولكنه مازال بورشته معزز مكرم وعنده الاسعار ثلاث اضعاف السوق وبأمكانك التحقق من صحت كلامي بزيارة ورشته ؟

وغيرهم كثيرون

ولكن يجب ان نبحث عن الحل ......؟

الحل كما يحدث بدولة الكويت هيئه اسمها حماية المستهلك

موظفون متمرسون يتابعون الورش ومهنهم بشكل دوري والقيام بزيارات تفتيشيه مفاجئه لجميع الورش ومتابعة الاسعار


للاسف عندنا الشرطه شامله لكل شيئ بينما بدول الغرب الشرطه مختصه بالأمور الجنائية فقط ...

وسبقونا لانهم منظمون بكل شيئ

على كل حال فيه ورشه بالخفجي كهربائي سيارات ولكن مهنته التي قدم بها من بلده الام عامل زراعه ....!!!!!!!!

تناقض غريب في هذه البلد واذا اردت ان ترا الفرق اذهب الى صناعية الكويت الفحيحيل او الشويخ مستحيل يقولون لك اترك السياره وتعال بكره عملهم وشغلهم يبرد القلب وبأسعار تحس انها موحده ...


اول الحلول

يجب ان شاء هيئه حماية المستهلك حتى تعتني بكل شؤون المواطن

اسف على الاطاله

ويعطيك العافيه

[من حقي اغير]

لاااااتعليق