[poem=font="Simplified Arabic,4,white,bold,normal" bkcolor="black" bkimage="backgrounds/7.gif" border="solid,4,darkblue" type=2 line=0 align=center use=sp num="0,black"]
أضحكتني كلمتك : وين الدليل = عن هواي اللي تقول وتدعي
الدليل : الهم...والجسم النحيل = وارتعاش الصوت لا صرتي معي
الدليل : الدمع من عيني يسيل = يوم هزيت بوداعك مسمعي
الدليل: الجرح ... والصمت الطويل = بانتظار انك عليا ترجعي
الدليل أني ركبت المستحيل = لجل أغير في عيونك موقعي!
يوم كل عاش في فيّ ظليل = كنت أسافر وآخذ أحزاني معي
واعبر الدنيا كما عابر سبيل = شايل جرح الهوى في أضلعي
أدري أن الوقت لو يعطي بخيل = بس أحاول ...يمكن أنسى موجعي
كل هذا ...وتسألي: وين الدليل = عن هواي اللي تقول وتدعي
أعتذر ...كلي أسف ..ما كو دليل = أقنعي بالحب أو لا تقنعي [/poem]
العرض العادي
