الواسطهـ اللي حساب ناس آخرين ....!!!!

[شمس الأصيل]

بسم الله الرحمن الرحيم

السلام عليكم ورحمة الله وبركاته

اما بعد : ـ

قبل فتره نزلت موضوعين للنقاش واحد يتكلم عن الأم والثاني والله على البال

لكن أعذروني على عدم ذكره لانه ماخطر علي الآن ......!!

وهذا موضوعي اللي هو عن الواسطه اللي كلت ولعبت بناس على حساب

الآخرين , تخيل انت الآن تبي تقدم على وظيفه ومعكـ ولله الحمد على شهاده

سواءاً ثانوي أو بكالورويوس او ماستر او أي شهاده تجي تبي تقدم ملفكـ

على هالوظيفه اللي مع يوجد بها توظيف مجرد ماتقدم ملفكـ وانت ماعندكـ

معرفه بهالشركه وجا واحد بعدكـ اقل من مستواكـ الدراسي يقدم عليكـ

ليه ...؟؟؟

لأن اللي يبي يوظفه إلا من رحم الله يبي حاجه من واسطته هذا اللي مقدم

ملفه ( الثاني) سواءاً مالي اوغيره ....! وهذا والله مشاهد وبكثره .....!

واحد من جماعة مسجدنا والله العظيم معاه بكالوريوس هندسه كيميائيه

هو الآن من 3 سنوات وهو مقاول يعني هو واللي معاه شهادة متوسط

نفس الشي مايختلف عنه ليه ........!! (( الواسطه ))

وكذالكـ ابن عمي متخرج من لندن ماستر الرجال كافح 6 سنوات وقدم

على إحدى الشركات بدون ذكر أسماء والرجال تقدير (قود بلس) يعني أمتياز ...!

ردو عليه حنا نبي الشهاده من أمريكــا يعني الرجال محترق وحالته لله

وغربه عن اهله سنين حتى والله مرات يمر العيد والعيدين مايجي عند أهله

حتى رسالة الماستر قدمها بأول أيام عيد الفطر اللي فات ....!!!!

يعني بالعربي عندكـ واسطه تعال وإذا ماعندكـ شلوتي مع الباب

(( عذراً على اللفظ اللي فات )) لكن هذا الواقع ...!!

ليه أغلب شباب الخفجــي (( خصوصاً )) عاطلييييييين .....!!

بتقول مايبون وظايف ..!! بقولكـ عذراً كلامكـ خطأ ...**

اول شي شركة ال ccc سرحة من موظفيها مايقارب 200 موظف او أكثر

الله اعلم زين هذولا اللي سرحتهم ماوراهم اهل يكدون عليهم ...؟؟؟

هذولا حالتهم زينه تتوقعون ..؟؟

وإذا جا وقدم على الدراسه اطلب منه النسبه والقدرات والتحصيلي

وكذالكـ ازيد عليها واعذروني ((( أنت ولد من ))) .....!!

والله العظيم لو نسبة العطاله بالخفجــي قليله جداً ماتشوف هالمصايب

الشباب إلى الصباح وهم بالشوارع وباقي الوقت .......!!

نووووم إلى المغرب ......!ليش ؟؟

عاطل ماعنده شي يسويه ماعنده شي يقضي فراغه فيه ......!!

إلا التفحيط والوقوع بالمخدرات والمصايب اللي ماتجي إلا غضب الله ثم السمعه السيئه

لأهله ...! وكذالكـ اول والله مانسمع قضية سرقه إلا قليييييييله .....!

ألحين السرقه بكل مكان والله وانت ببيتكـ بتنسرق ........!!

ليش شبابنا وهو الأهم يضيعون بالصلاه وإذا قلتله الصلاه قالكـ زين وقفى

ووالله مايركعها إلا القليل منهم ...........!!

مارحت مكان إلا وفيه واسطه ..........!!

حتى بالمطعم واسطه .....!! وين عايشين ياناس ...........!!

وإلا الخفجـــي ديرتنا وغيرنا يتوظف فيها ...........!!

بتقولي فيه وظايف برى الخفجــي بقولكـ بلى فيه لكن اللي هنا حنا اهم فيها .

وترى اغلب حوادث الشباب على الطرق السريعه إلا ان وظيفته برى منطقته

وإذا جا زياره لأهله قدر الله عليه بحادث ......!! ((( الله يعين اهله )))

وإلا وانت جاي من الدمام بعد راس مشعاب بالليل أبيكـ تناظر الخفجــي

وتشوف أنوار الخفجــي .......!! وانوار الشركه شف من أقوى انوار ...!!!

( أتركـ الجواب لكم ) .....!!

معليش والله ماكتبت هذا الموضوع إلا من حرقه بالقلب وحبيت اوصلها لكم ..!

ترى والله ماقصدي بهالموضوع نفسي بل اخواني بالمحافظه الحبيبه علينا ...!!



تحياآآآتي

؟؟؟...؟؟؟...؟؟؟

[بــ الخفجي ـنت]

هلا يالغلا

الواسطه شي اساسي للاسف في حياتنا

بدونها الشخص يهمش ويضيع

وهالشي مأثر على شبابنا بنسبة كبيره

اللي ماعنده فيتامين واو ما يفكر يقدم اوراقة ولا يتعب نفسه في اغلب الاماكن

ما اقول ان كل الشركات متبعة نظام الواسطه

في ناس عندهم ذمه ويخافون ربهم

بس بنسبة بسيطة

ولو كل واحد بيتوظف على حسب مؤهله وعلى حسب شهادته

ماكان صار في هالكم الهائل من العاطلين

بس وش نقول غير الله المستعاان


يسلموو على طيب الطرح

تحياتي

بـ الخفجي ـنت

[بشاش]

[glow=CCCC00]












بوركت على موضوعك.彡♥彡.








彡♥彡 موفق بإذن الله 彡♥彡
[/glow]

[شمس الأصيل]

بنت الخفحي الله يباركـ فيكي ..............!!

والله لو ماالواسطات وإلا والله ماشفنا باللي متخرج من الثانويه وهو مايدري

راسه من كرياسه ووالله ان الدراسه بصوب وهو بصوب وشفناهم بالواقع

موظفين واللي شاد حيله بالدراسه منطق ببيت اهله وماكل هوا ...!

وكذالكـ زين بنقول مافيه واسطات اجي اقدم على شركه من الشركات الكبار

ويقولي شهادتك من وين اقوله من لندن يقولي لا ابي من أمريكا .....!!!!!

وش تبيني أسوي ؟؟؟

أروح من جديد أدرس بأمريكا عشان سواد عيونه .........!!!

الله يرحم الملكـ فيصل يوم قال .....!!

((( كل شيئ قضينا عليه إلا الواسطات )))

في عهد عمر ابن الخطاب يوم جا الأعرابي اللي قتل الشايب وأولاد الشايب

مايبون إلا القصاص وجى الأعرابي عند أبيدر الغفاري وقال هذا يكفلني ...

الشاهد من القصه أن الصحابي تأخر وجى وقت القصاص لأبي ذر

قال شي عمر بن الخطاب انه يعرفه وبيتوسط له ..........!!؟؟؟

قال القصاص القصاص يا ابي ذر ...........!!

في عهد الصحابه مو بعهد الرسول .............!!!

[أبو رائد]

صاحب الشهادات الجيدة والتخصصات النادرة

لا يحتاج لواسطه .. بل يكون مقبولا بإذن الله



بالنسبة للواسطه فهي موجوده في كل مكان

وضررها يختلف باختلاف المكان ... واختلاف الغرض


نسأل الله العلي القدير أن يأخذ كل مسلم حقه ..

[NAYEF_IN_MADRID]

مافي شي اسمه واسطه عندك لغة

::

سمعت عن وضيفه قدم تدخل

::

خصب

::

مع اني اييد الواسطه

::

لأن السعوديه كلها عنوز كنوز

::




































خخخخخخخخ