يلومني في طلعة البر مقرود ..
يلومني في لذتي وانبساطي !!
لوهي على كيفي ليا رحت ماعود
مار البلا حبل قوي الرباطي
لاصرت في روض به العشب موجود
ريح النفل ويا الخزامى تعاطي
او راس طعس ومشيه الجيب بركود
وشبيت نارك من هشيم الاراطي
رفقه ارجال مايجي منه منقود
قروم العيال ولا بهم شخص واطي
ولا ترافق اللي اخوته مابها زود
مايلحقك ياكود كثر الغلاطي
وسلآآمتكم
يامن هويت البر نار وبراد.......ثم اعقب البراد شرب حليب النيآق
والموتر محمل من عد وعتاد.........ناوي على المقناص باول نهاره
البندق اللي جاهزطلقة زناد.......يشفي عمى اللي جاه من الوقت داره
ليتك معي يامن هويت التعباد........تعبد خطوط طايله في مداره
والبارق اللي لاح معهم لياقاد......يمطر ديار اللي سكن في عماره
يامحلا البران في ظلم وسواد........ماهمني لابيت ولاهم جاره
ياماحـــلا والنار يضـــوي لهبها ,, في فيضــة فيها الحيا مابعد شــيف
في خــــــيمة منصوبة في خببها ,, ودلال صـــفر ماشريته من الســيف
في مجلس فيه النشامى وأدبها ,, قصـــــــــيد ينقونه ولاهوب تصفــيف
وســـوالف رجال معادن ذهبها ,, مع قهوة تطرب هل الراس والكــيف
والجيب والعدة وباقي زهبهـــا ,, وســـمان ماطـبت شــــبوك وتعــــليف
2007 والسست ماسـحبها ,, شــــد البـــلد نقـــد ولاهوب تســـــليف
منـــوة هل البران غاية طلبهآ ,, مطــوع العسرات نقــــرة مع الســيف
له شــــهرة ياما عقول سلبها ,, ( فكس آر)مايحتاج مـــــــدح وتعريف !!
وذود شعاع الشمس عنا حجبها ,, جانــــا حـــــليبه دون خــلط وتغـليف
وشحنة سمر وإرطا من أرضه حطبها ,, النار عنوانه كروكي وتوصيف
وذبيــــــحة للضــيف لاجـا ســـحبها ,, ماحسب حسابه ولابه تحاسيف
وطــــباخ له خــبرة قديــــم كســــبها ,, ماحاقه الهندي ولاسالم الشيف
هــذي منـــاتي لابطــايف ولا أبهــــا ,, وأيضا ولالندن وباريس وجنيف
هذا عــلاج النفس ســــاعة عطـبها ,, مابي المدينة بين عادم وتكييف
وصـــلاة ربي عــد ســــيل بشـــــعبها ,, وعداد مانبت الحيا وأزهر الريف
على النبي الهاشـــمي من عـــــربها ,, اللي صدع من دون كذب وتزييف
< من دوون كذب وتزييف .. صح لسآنك 
لا ضاق صدري رحت للبر حطاب
و شبيت ناري في صحاري خلاها
وسط الفياض اللي بها أزهار و أعشاب
ريح الخزامى فايح(ن) في مساها
استرجع الذكرى على رأس مرقاب
و أرسم لقلبي صورة(ن) ما نساها
دنياك تلبس لك عبايه و جلباب
و تخفي غدر سود الليال وجفاها
شفت القمر يوم اكتمل صار جذاب
نور ليال(ن) مظلمه في سماها
ترى العمر مثل القمر طل ثم غاب
أغنم حياتك لا تكدر صفاها
حافظ على الطاعه قبل يقفل الباب
ثم يتبين صحها من خطاها
اليوم فعل الطيب راعيه ما خاب
عند الرجال اللي بعيد(ن) مداها
الطيب يبقى يا فتى الجود لو شاب
في شجرة(ن) سيل المكارم سقاها
و البيت ما يبنى بلا أوتاد وأطناب
و من لا بنى يسكن مذاري هواهآ
..
< هوآهآآآآآآآآآ صح لسآنك أنعم وأكرم 
المواضيع المتشابهه
تـل الددبل يَآصَآحِبِبِبِيْ/تِلْلْه ودُوسَسَ الْدَرْربِ دُوسْ !!!((مَـ ـ ـمـ ـ يـ ز))
العرض العادي
