هل تفضل آلجلوس في البيت .. أم الوظيفه البسيطه ؟؟؟

[~ افوق الوصف ~]

آلجلوس في البيت .. أم الوظيفه البسيطه ؟




آلسلام عليكم ورحمة ألله وبركآته

في ظل آهتمآم الناس بالوظائف والبحث عن مصدر الرزق

كثير مانسمع بعض الشروط التي يضعها الباحث لنفسه

وكثيرآ من الباحثين .. يرفض الوظيفه بسبب قلة راتبها

ويتحجج دآئمآ أنها لاتكفيه .. ؟

وأن الجلوس في البيت " أرحم وأكرم " ..

إلى أن يأتي آلله بالوظيفه المناسبه له ..

نحن هنآ لانعمم ( إنمآ ) نقول البعض .. !

وأتكلم هنآ عن آلشآب العازب ..

والفتآة الغير متزوجه

اللذان يريدان فقط مصدر دخل خاص بهما !

حتى يعتمدو على أنفسهم ..

ولايضيقو على أبآئهم وأمهاتهم ..

سؤالي الرئيسي هنآ هو :


هل تفضل آلجلوس في البيت .. أم الوظيفه البسيطه ؟



وهل سترفض الوظيفه عندمآ يكون دخلك فيها

لايتعدى 2000 - ريال .. ؟



هل تعتقد آن راتب 1500 ريال لن يكفي

كمصدر دخل للفتاة الغير المتزوجه ؟


ماهي شروطك أو رغباتك في الوظيفة التي تطمح لها ؟



ودي لكم

م/ن

[شيخة الزين]

اكـيـد مـارآح اقبـل فيهـا لأنـي اقــوم مـن الصبـاح واتعـب ومـآارد الا بعــد الظــهــر وآخــر شيـئ 1500مستحيــل وشهـآدتـي اللي درستهــا هـذا اللي جـابتــهـ ,,,ولــكــن مـن عيــن ثــآنيــه يوجــد شبــاب محتــآجيــن للمــال لدرجـة كبيــرة فيعنــي لـو قبلــوا فيهــا كـوقـت محــدد ليــن مـآيلقــون وظيفــة راتبهـا يســوى تعبهــم وصــراحــة جلســة البيـت حلــوة (كالخميس والجمعة)امـا العطـلة الصيفيــة فهــي تطفش وهــذي هي الحيــاة لآبــد من وجــود الوظيفــة لكــل مـن الطرفيــن حتى لــو كـآن للتسليـــة(اقصدالتسليــة للمــرأة امـا الـرجل فهــو ملزوم بـالوظيفــة)

كـل الشكـرلكـ عالمـوضـوع الحلــو وبـأنتظـار ابدآعــكـ

[عشق الشمال]

بعيد عن الراتب

أشوف إن الطلعة والاحتكاك بالناس يفيد أكثر من الجلسة خصووصآ للبنات !!

يعني تطلع البنت مع الناس وترجع معاهم .. وتحس بقيمتها بالمكان اللي هي فيه

تكسب صداقات جديدة .. أفضل بكثير من الروتين اليومي اللي أعتبره جريمة بحق البنت !!

الله يوفق ويعين ،،

[نايف عايد]

أكيد الوظيفه ذات دخل بسيط أفضل من الجلوس في المنزل ليسد حاجاته الخاصه وليطفيء نظرة المجتمع القاسية لهذا العاطل فيكون بها حتى يحصل صاحبها وظيفه غيرها وبمرتب أعلى..

اشكرك على هذا الطرح..

تحياتي لك واشواقي..

[أبووصال]

دائما مانتكلم عن اشياء تخص حياتنا لكن نحكم بها على حسب شخصياتنا واماكن عيشنا .... قولو كيف .... قلتولي يعني نضرب مثل وجاوبوني عليهشاب ساكن في مدينة الرياض حصل وظيفه براتب 2000ريال لحد الان كلام ممتاز .... طريقة الدوام كالاتي يوميا من الساعه 8صباحا الى 5 عصرا يتخللها الساعه 1 ظهرا غدا طبعا المسكين مايقدر يروح للبيت لانه بعيد صح واعنده سياره تخصم التامينات منه 180 ريال شهري يبقى 1820 قبل لايتوظف ماعنده سياره تسلف مبلغ واشترى سياره بمبلغ امممم نقول 8000ريال عشان توصله قصدها 800 يعني يبقى من راتبه 1020ريال طيب ممكن يكون حارس امن يتغير نمط وطريقة الدوام يكون شفتات صح اخصم بانزين السياره اممم 200ريال وانا متاكد انه اكثر يبقى 800 ريال ممتاز اخصم حق دخانه اللي يشربه ياحظي لان اغلبية الشباب يدخنو صح ممكن نقول 200ريال يعني بقى من راتبه 600ريال اخصم بعد سوا او موبايلي شحن 100ريال بالشهر مع اني اجزم انها اكثر يبقى 500ريال ممكن يحصل في يوم تخرب سيارته يجيب قطع ب380 وشغل يد العامل 200 يعني يبغاله يتسلف 80 ريال عشان يسدد القيمه وش رايكم دائما نحكم على ناس وحنا مانعرف طريقة عيشهم عشان كذا نقحم انفسنا بامور لابد من حساباتها صح تقولون اجل يبقى اقول لا ....... اجل وش يسوي ......ابووصال

[زهورالخريف]

شـكــ وبارك الله فيك ـــرا لك ... لك مني أجمل تحية .

[دانة الكون]

طبعاً الوظيفة "إذا كانت في نفس المنطقه"حتى لو كان الراتب بسيط
وهذا له عده مزايا :
*اختلاطك بالناس ومعرفه معادنهم.
*الاستفاده من تجاربك معهم والاستفاده من تجاربهم.
*اخذ الخبره.
*ضمان دخل حتى لو كان بسيط ولو كان مايكفي احتياجاتك ولكن يسد خانه في سبيل التوفير على عائلك مع ارتفاع الاسعار.
*طبعاً هذا كله المفروض مايؤثر بدورك بالبيت او ينعكس عليك سلباً.

اما الي يفضل الجلوس وخصوصاً من الشباب هل افضل ان تمد يدك لوالدك لطلب المصروف او تعمل ومن راتبك تصرف على نفسك دون اللجؤ إلى احد والطلب منه خصوصاً وانت بهذا السن.

[Star.E]

للرجال اكيد

[~ افوق الوصف ~]

اقتباس المشاركة الأصلية كتبت بواسطة شيخة الزين اكـيـد مـارآح اقبـل فيهـا لأنـي اقــوم مـن الصبـاح واتعـب ومـآارد الا بعــد الظــهــر وآخــر شيـئ 1500مستحيــل وشهـآدتـي اللي درستهــا هـذا اللي جـابتــهـ ,,,ولــكــن مـن عيــن ثــآنيــه يوجــد شبــاب محتــآجيــن للمــال لدرجـة كبيــرة فيعنــي لـو قبلــوا فيهــا كـوقـت محــدد ليــن مـآيلقــون وظيفــة راتبهـا يســوى تعبهــم وصــراحــة جلســة البيـت حلــوة (كالخميس والجمعة)امـا العطـلة الصيفيــة فهــي تطفش وهــذي هي الحيــاة لآبــد من وجــود الوظيفــة لكــل مـن الطرفيــن حتى لــو كـآن للتسليـــة(اقصدالتسليــة للمــرأة امـا الـرجل فهــو ملزوم بـالوظيفــة) كـل الشكـرلكـ عالمـوضـوع الحلــو وبـأنتظـار ابدآعــكـ

&
اسعدني مرورك الكريم خيتي

[~ افوق الوصف ~]

اقتباس المشاركة الأصلية كتبت بواسطة عشق الشمال بعيد عن الراتب أشوف إن الطلعة والاحتكاك بالناس يفيد أكثر من الجلسة خصووصآ للبنات !! يعني تطلع البنت مع الناس وترجع معاهم .. وتحس بقيمتها بالمكان اللي هي فيه تكسب صداقات جديدة .. أفضل بكثير من الروتين اليومي اللي أعتبره جريمة بحق البنت !! الله يوفق ويعين ،،

&
بارك الله فيك كلام في محله