سواليفي 3>

[ملح وقبلة :$]

السلآآآآم علآآآآكم

منذووو مبطي والله وانا ودي احطلي متسدح بذااا وتوني افظآ لوه < نآآويه تتبطح وترقص

دايمن يخوووننا التعبير ومااندري وين نفضفض بووه

مير الوجة من الوجه وردي

يعني لاااا تشرهوون على اخيتكم .. بأأي شي تحطوه بذا ولا لاقامت تسولف بوة < حاله نفسيه

اممم
لي مدونآآت ثانيه .. ويمكن انقل عفشي كلووه هنااا ...

أعرفكم على رويحتي ...

انا ابيض عبدة :$ ...
من السعوديه :$ << احلفي
ادرس بالجامعه مع وقف التنفيذ << اللي ذكي بيعرف وش اقصد هع

المهم
كثيييير يسآآلووني ليه /تسمين رويحتتس بالعبدة !!
انا اقولكم وأبن امه اللي يضحك علي مير اني اسمع كركرتكم تراي
عاد اني خلقتن مانيب ناقصه

هذا النك الله يسلمكم ..
نشب معآآي كثيير .. وبيننا قصة لصقان لا تنتهي
من يوم وانا صغيرة يازيني :$ ... ويقولون لي يالعبدة

وانا قسم بالله مانيب عبدة ولاشي بالعكس بيضاء وملح وقبلة << مادح نفسوووه
لاجد مااتسذب

بس مدري ليييه يعيروني بوه
ابي اصيييح

مير انه تخيلوا لدرجه مرتن من المراريت, دق اخوي ع جوالي مير ترد اخيتي الصغيرة قاله وين فلانه عطين اياه : قالت ايه تبي العبدة صح ؟

وجابت الجوال لمي .. وهي بزر ماتفهم شي

وعذرة معه ياعمري عمرة .. مادام امي وخالاتي وخوالي واهلي كلهم ينادوني تسذا .. !

يعني خلاص كلن يقول لي العبده ,, وانا استسلمت للامر الواقع

احيآآنا يطلقوون علي / رآس الحية ..
او خرآآب السفينة ..
مع اني مظلوومة !

اممم
احس اني سبآآقه للخير دائما < يمديكم على دائما ؟
وميير احس اني طيبة بالحيييل !

حتى احياانا اقوول ييزي طيبه يييزي <
ومع هذا ماازاالو مصرين على هااالمعيااره (العبدة)

امممم
ودي اتوظف او اشتغل اي شي / مليت من جلست البيت < مع اني تون ماخلصت الجامعه ..

أمي تقوول لو يشغلونتس طقآآقه ولا رقآصه مع حدى هالفرق الفنية كآآن اول من وافق وشجعتس أنااا <<< يحول ماغير ازعجه ودي اتوظف ودي اتوظف


الصرآآحه ..!

أعترف ان ربي قااعد يعااقبني باللي سويته بمدرساتي وبمدرستي اول
<< وووقسمن يذكرني يووم كنت بالثانوي كان معانا مصريه دايمن تسوي تسذاا

من زوود الاشتطااط (مقتبسة من الشطارة )
تقووم من الكرسي من الحماس كوود المعلمة تهووشه وتطلعه براا واقوم اضحك واتطنز عليه هههههههه << من هالمنبر سلااآم كبير لمصر وكل اهل مصربعد هالحرية ووشسموه


[align=right]
أعشق ..وأأحب ..الرقص ومتمرستن بوة << خبرة

مير ان والله بكل عزيمه نجتمع ياهالبنات وندبه رقص

الروقآآآن عندي اني اشرب ببسي << شآآآرطتن على اهلي بيوم عرسي بااخذ معي ببسي بالشنطه
تحشيش وببسي < اكوون فآآآصله خلاص خارج التغطيه


أأأحب استهبل على اي احد .. خصوووصااا لااا صار مفهي وه بسس << واحس اني ابليت بلااء حسنااا

مااااننسى الكورة وماادراك ما الكورة
مير انوه لأ احد يسعلن وشو انا هلاليه ولانصراويه

انا مير الله يسلمكم لا احبهم ولا اكرههم .. بس وقت اصير هلاليه ووقت نصراويه

اكيد مافهمتوا .!

تعالو اقولكم السالفه

يعني مثال / خالي الحين النصراوي لابغيت منوه حاجه ولايودين مشوار ولاشيء
رحت اسوي نفسي نصراويه والبس بلوزة النصر واحط ميك اب اصفر وازرق
وقعدت اتملهص عندوه << ترا البلوزة هو اللي شاريها لي هديه :$ ..لبى خرآآآآطيش تسبده اليسااار
المهم ويفرح وقته يقول لي هلا بالنصراويه والله

مير اني استغل هالفرصه واطلب منوه يودين ولايجيب لي شي ويوافق وهو مغمض

ومير اني لابغيت حاجتن من اخوي الهلالي مثال يعني اممم ..
بغيتوه يدق ع البقاله يجيب لي ببسي ولا حلويات وخرابيط وكان وقتوه مبارات ومعيي انوه يدق << عاد ياشين الاخوان لا يسوون فيها شخصيه عند البنيات
طيب دق وش بيضرك يعني هاه << ناويتن اهوش ض1
مير نرجع لسالفتنا ..

قمت سويت نفسس الشي اللي سويته بخالي همن يعرف ع طول قصدي يقول وش تبين خلصينا

<< لحد يقول ذي له وجهين ومدري وش

لأ .. يعني تقدرون تقولون مصالح

[/align]
اممم
أأعشق استرااحتنا وهو مكان تجمع أهلي واقاربنا كل سنة بعيد الفطر وبالمناسبات وكذا ..مااغير نرقص ولا بالمسبح << اويلاه يالسباحه بالمايوة الاسلامي:$
مايمديكم علية

طبعااا محااتسيتكم << اي محدثتكم لغير الناطقين بالقصيمي ..
لها ايجابيات
وسلبيآآت ...

خلونا من ايجابياتي

من سلبيآآتي صرآآآحتن << لااحد يقوول مآآدرييت
احب اقرق
واحب النت كثيير

مزآآآآآآآجيه ,,<< اذا ركبت براسي ام العبيد ودي الزق بجبهتي عبارة ( ابتعد مئة متر) ..

وياااويلوه الي يجين وانا مب بالموود ..
لو يقول سلاام ...قلت الخلاا ...< ياااشين نفستس !
و امممم

اللي بقلبي على لسااآني << كثيير احط نفسي بمواااقف ماال امها دااعي
وخصووصا بمجالس الحريم ..
وهذا سبب احتدااام شخصيتي مع امي
[align=left]

أحب احووس بالمطبخ واسووي طبخاااااااات
وان شاء الله بنزل لكم صور تبخاتي كله

الطبخ وخاصتن الحلا < تخصصي بالبيت

وه بس ياحظ اللي بيعرس علي .. مير انه من اول شهر زايدن وزنوه 20 كيلو


بالأخير

احب الشعر
واكتبه :$


مصمة كورشيه وتريكو (بالصوف يعني)
< ادري ماعندكم ماعند جدتي بهالامور

و..

احب شي اسمه تصويير
تقدرون تقولون مصورة احترافيه مبتدئه
وان شاء الله بوريكم كلش بذأ



أنتم خلكم بإحترائي بس

[/align]
[align=center]
أأتمنى ينآآآل هالمتصفح او المتسدح هذا على استحسآآآن أعزائي وعزيزاتي ...[/align]

[ملح وقبلة :$]

30 نفر جا بذأ ..!




حي الله اللي زارونا والله ... وتووو مااانوووورت المدونه بكبره..

ومير انه صآآرت احلى افتتااحيه

وه بس يآآآآهلا بالجاااره اللي عزمتن < احب الدقة بالكلام من أجل حفظ الحقووق
ومير انه احلوت حبتين يوم زرتيها
يااابعد خراطيش تسبدي والله ...

<< فيس يتركى على المركااة اليساار ببيت الشعر ويحط الفنجال على الارض ويمعن النظر إلى الاماام

والله انه يوم شافتن فاتحتن لي متسدح بذأ ومير تنهبل !

تقول سويتيها قبلي يالعبدة

شفتي شلوون!
شفتي شلوون تهوورت وسدحنا هااالمتسدح والمتصفح وانا تون جديدة ع هالمنتدى ..
امون صح ؟

الله ياالدنيااا ههههههههههه

مير تخبرين ذااك المتسدح ... تسنه حوووش حدى هالشقق !

كل ماابغيتي تمدين بووه رجلتس , جت البلديه وضفت قشتس

وقسمن قسمآآآت اني ودي امطختس < حالته صعبه !

وامطخ لتس بعد رجلتس ! < اووه شطحت البنت !

< ومير انه استعدلت شوي وتنحنحت ...
ايه وش كنا نقوووول


ياااهلتن ياااهلتن ...بضيوفنا ومن جانا وقراء لنا

ومير اني خايفتن مع الايام انكم تحلفوون ان هالمدونه مدري هالركن بتسدحونه من ضمن العلاجات النفسيه
< يعني ممكن يصفوونه مع المشايخ الي يقروون والحريم الي يعنوون الناس لهم


حيث انكم ستجدون المتعه
والأناسه
والركاده < من جمبه

وكل ماهو جديد/ صوري / سواليفي / طبخاتي / اشغالي < تقل تحولت لبسطه صدز !!

مير ماننسى صحون بعض النفر اللي للحين ماجتن , آنا بإحترائها تراي ههع

وياااهلااابكم وحي من عكس اتجاااآآه الريح وجابكم


وحياااا الله كل ابوو من جاء ..

[ملح وقبلة :$]

مير انوه هآلحين عندي آسئله يبيله آجوبه

- آول شيء هآلقمر ذا اللي بآلسماءءء مهوب آنآ ؟! < حبي آلبآب يرحم آمك

يسكنون فيه نآس جد يعني فيه نآس يسكنون فيه !!

- ثآني شيء صح آن آلكره آلأرضيه تدور حول نفسه
والأرض به مويآ ومحيطات وآنهار وبحر
إلا دآرت آلأرض مآتطيح المويااااااا اللي به لآتقولون عشآن آلجآذبيه !
مير وآلله آني جآددددده قسمن

- ثآلث شيءء هما آلنعااااااامه لها جناح ناعم ويرفرف

ليه مآتطير وآلله من آلعآم وآنآ أسأل يقولون عشآنها دبآ ولآ متينه

لحد يقول عشآنها دبا ولآ متينه !!!
ليه ليه لييييييييه ؟!!

آللي يجآوبن صدز لوه آفيون < ع قولة خيتي الصغيرة

[ملح وقبلة :$]

[align=center]هاه للحين محد لقى اجوبة ع هالاسعله
انا بإحترائكم


بغيت اقولكم بس
بسوي حفلة بكرة او بعدووه للبزارين
< خواتي وعيال خوالي وخالاتي ..
ومير اني بسوي تغطيه كامله بالصور ان شاء الله ..

وبوريكم كلش

واستروا مابتواجهونوه عاد

لحد يسعلن وش المناسبه وداعيت هالخبه اللي بتصير

والله اني تسذا احب الهيصه والبزارين والحفلات


<< قولي حفله بدون مناسبه وبس


أدري انكم بإحترائي ومتحمسين

يالله عاد بطس اتجهز واتولم واولم الاغراض حقات الحفلة وبعزمهم

صلام[/align]

[ملح وقبلة :$]

[align=center]ومير اني جييتكم ..

وقسم انوه ضايقن خلقي هماه اني قايلتن لكم بسوي حفلة ومدري وش وبصور .. قلت صح ؟؟

طيب , قلتوا ايه < سمعتكم


ومير اني رايحتن ابشر امي وهمن فشلتن

لا وبعد نازرت علي .. تقول احد يسوي حلفلة يوم الجمعه
خلق الله مهوب مثلتس فاضيين جالسينن بالبيت , اكل ومرعا وقلت صنعا انتي وخشمتس وراهم مدراس ومدري وش


ومير اني اتفشل قسمن

الزبدة انه عيت تقول سويه الربوع الجاي

ومير استانس و أفق كشرتي تسذأ >



,,

بس مهوب مشكله عندي صور لحفلتن لنا قديمه سويته لبنت خالي < فديت شريانه اللآورطي


وصورت عاد والصور عندي هماه ؟!

قلتو ايه < سمعتكم


ومير اني بنزلهن بذأ


يالله بسم الله نبدأ .. .

لحد يضحك علي لاني حاطته بها الطاوله < لاتدققون
ذا ببيتنا الاول

قبل احط الكيكه والحركتات




بعد < لاحظوا كراسي الحفله تتكون من ماذا



ومير اننا يوم خلصنا رحنا للخيمه نتقهوى وناكل حلا ونعين من الله خير < مايمديكم






حلا الفناجيل بنوعين واحد انا سويتوه وواحد الشغاله




القدوووع


مطاريس مرة خالي مدري وشو < ومير اني بتصفق لاقرت هالكلام



حلا التوفي ع شكل ورد





همن خلصنا وبدأ الجد
(العشاء)





اويلاه ياورق هالعنب





العبدآت الصغيرات








وبس

(ومير ان بوه نفرات ونفرين كثار ماحطيت صورهم بذأ) خابرتن امهاتهم يرفضون خايفينن عليهم من العين ياكافي


ياشيييين اللي يوسوسون بس تقل مافي بزارين بهالدنيا الا بزارينهم


ودي أحتسي زيادة بس الكلام مهوب راضين يطلع هالحين

قاتل الله التناحة


صلام علاكم [/align]

[ملح وقبلة :$]

ياهلتن ياهلتن ..

والله أني صايرتن اقوم وانام ع هالمنتدى , مدري تسذا حسيتوه غير عن المنتديات الثانيه

واااتسبدييه بس

ليت من يسحب عليهن ويخلي منتدى هَـ الرائديه هو الاول والاخير

<< هذه النفرة تفكر جديآ في الموضوع

من جد يعني حبيتوه وارتحت لوه بالحيل

الله يسلمكم أدري << تقل اني سمعتكم تقولون وحنا بعد

..

سمعت امي اليوم تكلم اختي تقول انه مشتهيتن حلا ..

ومير اني اجي مسرعتن واطق الصدر واقول انا انااااااا ابسويييه ..

قالت خابرتتس تقعدين ساعه بالمطبخ تحوسين وتخربطين , نبي نطلب من برا

ومير انه مشاعري تنجرح

ويجي فبالي حلا سريع قد قريته بحد هالمنتديات ربع ساعه وانتي مخلصتوه ..

قلت لامي عنوه عاد قالت يله ورين جودتس

همن فقيت كشرتي تسذا >

وادخل المطبخ واسوي ذاك الحلا ومير انه يعجب امي الحمدلله


وصورتوه عاد .. وبحطوه بذأ مع الطريقه اسموه (حلا الشعيريه الباكستانيه)

[align=left]اي صح ع طاري الصور اللي سدحتهن امس حقات الحفله ..
بوه وحدتن تقول لي وينهي اختسس منهن ؟ ..!

ترى خيتي ماحطيت صورته بذأ

يعني اللي شفتوهن كلهن يقربن لي بس بنات خالي وبنات خالاتي بس
[/align]


[align=center]برررب [/align]

[ملح وقبلة :$]

بآك


هذي هي صورته



ومن قريب




المقادير :
2 كيس شعيريه باكستانيه ..
علبة نستله ..
ربع اصبع زبدة



الطريقة :

اول شي تجيبين الشعيريه وهي بكيسته وتكسرين امه كسر صغييرة مرة < طلعي حرتتس كان بتس حرة ع احد

بعدين تحطين الزبدة والشعيريه المكسرة بقدر وع النار وتكون هاديه عشان الزبدة ماتحترق

وتظلين تحركين وتحركيين لييين تشوفين لونه تغير صار بني شوي (زي حمسة القهوة)


وبعدين..

تصبين النستله عليه وتحركين زيييين عشان تتجانس مع بعض

ثم تشكلينوه على حسب ذوقتس .. إما دوائر وتحطينوه داخل ورق بيليسيه ..

أو مثل هالشكل اللي مسويته انا << سويته بملعقه الحليب حق الاطفال واخذت حقت حليب اختي
لحد يعلم امي تكفون
ثم رشيت عليه شوي فستق مطحون للزييينه .. وبس : )






جربوه عاد ترا طعموه خطييييرر

طفحآ هنيئآإ ع قلوبكم

[ملح وقبلة :$]

[align=center]
( مطرناا بفضل الله ورحمته ) [/align]

[align=right]
ياااازين المطر زيناااااااه

شعوووور جميل اذا نزل المطر .. خصووصا اذا كااان متوسط ,
لا هوب اللي خفيف مرة مانحس بووه ولاهو اللي قووي بالحييل يرعبناا


تحس تسذا نفسك من جوووا تتغير ..!

انــــاا اذا كاان فيه مطر احس ودي اصير اممممم ....
اي شيء واطير

ان شاااء الله لوو قطعة منديلن طيرهاا الهوواء


من جد يعني تحس بشعووور حلو مع المطر .. تحس نفسك شخص جديد ..! << الله الله


ودك تساامح كل الناااس , تستانس , تطهر قلبك , ترتاح نفسيا ,

لوو يجي احد يبي منك سلف عطيتوه بدون ماا تسأل << به عرق حضارم


ولاا عاد يااااااااااريحة المطر وهـ بسسس


قسسم بالله ودي اعيش بمكااان كل يوووم ينزل بوه مطططر

تسذا احس النفسية طوووول العمر بتصير تجنننن


يازينك يالمطر

توه جانا مطر بس خفيف وما طوٌل

ووشسموه ..

عندي نكته !


بوه قصيميه تقووول لزوجه اناا بروح لجارتي (خمس دقايق بس) بكلمها بموووضوع صغير وبرجع ..
عااد انت (كل نص سااعه) حرك قدر الجريش عشان لايحترق.. هههههههههههههه



يااحبناا للحتسي ياهالقصمنج


متعة الحياااة الحتسي ولا ...؟! [/align]

[ملح وقبلة :$]

.


.



صورت لك همك .. فرح ..
وتجفا ولااا / همك..

وتهديني جــرٍح ...!


(كنت) ابي وصلك حبيبي..

كــنــت ....!!!

والحين بمكانك .. استرح..!


ماابي اي شي منك..
غير تعرف حجم..

ظلمك..


لاتحاكيني وتجيني ..!

التعب عراااااني منــــك..!!




من كلماتي

.

[ملح وقبلة :$]

ياهلتن ياهلتن ..

ومير اني مبطيتن عن هالمستدح

مدري وش بي ماصرت اكتب بوه لايكون احد (صاكن عين) << ياليل ابو لمبه تفكير السعوديين

اي ووشسموه

اقولكم ..

هكاليوم زرقنا لـ الرياض

ومير خيي يقول قوه لـ محل عنده حيوانات
امير والله استانس قلت بنشوف شين زين

عاد انا احب شي اسمة حيوانات .. تحمسست بالحيل

قلت قووة قدااام

والا يوم دخلت واثر اكثر اللي عندهم تسلابه

بس اللي لفت نظري هاك الوقت
به بنت داخله المحل ومعه شنطه يد من جلد ثعبان << طبعاً هذا اللي ببالي اول الأمر


المهم يوم قربت لمه ..

واثر شنطته مب شنطه << وشلون تجي ذي
ايه قسم شنطته مب شنطه << نشبنآ :|

اثره دابن كبريش << يعني كبيرتاً جداً

لعنبوا بليسه وشلون شايلته تسذا

امير والله ابعد عنه

وابدأ لاجت من حولي هجيت مع الجهه الثانيه ولاجت مع الجهه الثانيه رجعت وصرت عن المحاسبين

طبعاً مب كله خوف لا لأ


بس انا مااحب اشوف داب هالكبر
< صاروخ

ووجعتين

واثر به بنات ما يخافن ؟؟
احسبه بس الرجال هم الوحيدين بالعالم اللي مايهمهم شين ابد !

ياكافي وش قلبه ذي ؟


وامير اشوف هالتسلب اللي وجهه تقل فرشه متعرفطه واصوره .. قلت اوريكم اياوه







وش رايكم بوه ؟