يا وجودي كل ما هب نسناس الشمال
وجد من حده زمانه على اللي ما يبيه
و يا وجودي كل ما أضحيت ثم مال الظلال
لا غفت عيني و لا ذقت شي مشتهيه
وجد من قفى و هو في رجا كلمة تعال
و التفت من عقب ما أقفى و لا احد لد فيه
و يا عذابي لا دنا الليل من روس الجبال
و أنتهى يوم من العمر ما عاد أرتجيه
و أنتي أبعد من سما الحلم و وصالك محال
يا بعد من هل دمعي ضحى الفرقا عليه
يا غناتي لا تحسبين دمعي يوم سال
ضعف و لا خوف و لا كذا ولا كذيه
و الله اني من رجال يضدون الرجال
لكن الحظ الردي ساق دمعي كل أبيه
و الله اني كل ما دار حواليك الجدال
قمت كن الموت يشر على قبري بديه
و الله ان قد لي و أنا أصد لا جالك مجال
صدة اللي لا تضايق تذكر قبر أخيه
و من سألني قلت مدري و اذا عاد السؤال
قلت له تكفي سؤالك ترى ما هو وجيه
وش تبي أقول عمن ترى ذبحي حلال
و الخطا منها علي صرت أحبه و أهتويه
عذرها لو ما تعذر مثل و أضرب مثال
واحد ما يعرف الحر الأشقر يشتويه
و أن رجعنا للتواصيف لله الكمال
لنتهى ليل المزايين جاتك تبتديه
كنها غفل مع البدو طاويها الحيال
ما يميز وصفها الا نبيه من نبيه
واهني اللي وصلها وذاق الزلال
رشفة مع غفلة الناس من فيها لفيه
و عزتي للي سواتي عشق ما لا يطال
و يوم طاله ضيع الحلم بين أمه وأبيه
يا أول أحلام الطفوله على حد الخيال
الرجا بالي حمى البيت من حملة بريه
حال دونك سيف عنتر وتاسع الحول حول حال
بثر حول حال دونك و أنا أدعي هيه هيه
هيه ياللي غرك الحسن و أطغاك الجمال
و الله ان اموت ما شفت لأوصافك شبيه
لو يسام الحسن والتيه بجنيه و ريال
ما بقى في سوق غيرك ريال ولا جنيه
كيف أهدك للمقادير و أنتي راس مال
راس مال و مال و المال ما يعطى السفيه
حافظك حفظي لعيني و رمشي لك جلال
و أنتي تشحين بالما و أنا شفي مويه
شايف ظلمك و ساكت و طال الليل طال
لا تركتي طعن قلبي و أنا ما قلت ليه
لو بقى للهيل صبر على فوح الدلال
ما بقى للقلب صبر على شي يجيه
كنت أحسب أن الغلا زال و أثره لايزال
فالحشا ما كنه الا دخيل في وجيه
ساقني حبك على الموت و سنيني هزال
و الظروف أقسى من الظلم للعرض النزيه
و أنتي تسوقين عقلي على حد الهبال
تحسبين أن من بغى شي يقدر يشتريه
ولا أنا يا وجد حالي وجود ما يقال
وجد من ضحى بغاليه لرضا والديه
و يا وجودي يا أول العمر قبل ألبس عقال
وجد من باع آخر العمر في رغبة ذويه
و يا وجودي كل ما هب صوتك من شمال
وجد من حده زمانه على اللي ما يبيه
ضيدآنّ بنّ قضعَـآنّ
وتقبلوا مروري اخوكم /خفجاوي موت
المواضيع المتشابهه
وفقكم الباري 
العرض العادي
