طلبتونا ولبينا طلبكم
تركناها حوايجنا وجينا
وقلنا السمع والطاعة لأمركم
ولو لا قدركم كان انتحينا
و إلا منه لفا المرسول منكم
تركنا كل شي في يدينا
على علم الوشاة اللي وصلكم
وشو فينا وحنا ما وشينا
أنا ما أنتظر منكم عدلكم
ولكن صدكم منه ارتوينا
يجوز أنه تمادي في كبركم
يجوز أن الكفى عود علينا
أحسب أن الوفى أتلى خبركم
ولا شفناه متنا ثم حيينا
على حسن المعرفة نعتبركم
على وضح النقى حنى بنينا
وميزنا مللكم من صبركم
بلياكم ترانا ما طفينا
جنيناها القناعة من ثمركم
شكرنا فضلكم لو ما يجينا
ألا يا مؤمنين أبغى عذركم
زعلنا بالعذر و إلا رضينا
ويوم إنه قصر عنا شبركم
قصرنا الرجل عنكم ما خطينا
رغم هذا فلا ينقص قدركم
ولا في هرجه منا لوينا
على العشرين خمسه ذا شهركم
إذا تنسون حنا ما نسينا
كلمات مخاوي الليل
المواضيع المتشابهه
(( طلبتونا ولبينا طلبكم ))
هلا وغلا 
العرض العادي
