ذقت من مر الليالي قبل اذوق الحالي !!!!

[أبو حاتم ..!]

..


للرائديه ولأهل الخفجي ..



لمن اسروني بطيبهم وحفاوتهم ..




للغاليـــــــــن اللي مكانتهم بقلبي غيــــــــــر ..




للقائد ابو رائد وباقي كتيبته ..




لأبو فهاد وعواد العنزي والأمير ونواف الفهاد والونيس وراكان وناصروابو الهنوف و...و....و ......




و لـ سامي اللي من زمان كنت اتمنى اقابله ..




ولايهونون البقيـــــــه ..









خلهـا ترعـى زهـر ويحلّهـا الحلاّلـي
...........................................كل كربـه لـو تطـول ايامهـا محلولـه

والهبايب لـو تهـب بغترتـي وعقالـي
.........................................بين ربعي والله اني مثـل ريـّس دولـه

كم رقيت بعظم ساقـي بالطويـل العالـي
.....................................يوم غيري في ذرى غيره خـذا قيلولـه

انقل الحمل الثقيل لحالـي وفـي حالـي
..................................وابعد برجلي عن الجمع الغفير وضولـه

ذقت من مر الليالـي قـبل اذوق الحالـي
.......................................واحمـد الله واشكـره نتايجـي مقبولـه

ماعلي خـلاف دلـوي مايطـق الجالـي
....................................دام دقني في حماهـا اشنابـي المفتولـه

شي في بالي ولانـي مستريـح البالـي
...................................دون مابالقلـب صـدرٍ محكمـات قفولـه

جملة ٍ مـن سالـف الازمـان بالامثالـي
.................................من يماش الجرب يجرب ماتعـدا حولـه

جاوبي ياهاجسي مـع طرقـي وموالـي
............................وسط صدري هرج لاكن مدري كيف اقوله

المهـم ان المحبـه للحبـيـب الغـالـي
.....................................والغـلا ماكـل واحـد بالغـرام ينـولـه

ربع خالي وسط قلبي ماش ربـعٍ خالـي
..............................من ملك عرضه وطوله ماقـدرت اطولـه

دونـه دروبٍ طويلـه تتعـب الخيـّالـي
...............................في زمانـن ماتـلادا سيوفـه المسلولـه

قلتهـا لـو ان ربعـي يحتمـون التالـي
...........................قلتها واسمع تخافت قولهم وش هـو لـه

المشوك من هلالـي فـي حـزام هلالـي
............................والمعرفه طيب سـاس وكلمـةٍ منقولـه

كلمـةٍ ورث ٍ لبـوي مورثـه لعيـالـي
.................................كل كربـه لـو تطـول ايامهـا محلولـه




للشاعر بعيد المراميس ..


...

[أبو فهاد]

هلا أبو فريج ...



والله يعطيك العافية على هالإهداء .. وهالقصيدة الرااااااااااااايقة ...




والله من أجمل ما قرأت بالفترة الأخيرة ... ويمكن جمال القصيدة ببساطته ..







انقل الحمل الثقيل لحالـي وفـي حالـي
..................................وابعد برجلي عن الجمع الغفير وضولـه

ذقت من مر الليالـي قـبل اذوق الحالـي
.......................................واحمـد الله واشكـره نتايجـي مقبولـه






والله دمااااااااااااااااااااااااااار ...

[الونيس]

هلا وغلا

ابوفريج

قصيده ولا اروع صح الله لسانك ولسان الشاعر

مما يسعدنا ويشرفنا نحن اهالي الخفجي او الرائديه

انك تتكلم وتثني علينا لك كل الشكر يابو فريج

.................................................. ......

والرجال ماتعلم الكوره الا على يدك بس معقوله

كان يلعب مع مصاريا عندنا بالخفجي عموما

جزاك الله الف خير لتعليمك لهذا الرجل وبصماتك

واضحه على لعبه وشخصيته في الملعب....

اخيرا لا يسعني إلا ان اتقدم لكم بجزيل الشكر والعرفان

لك كل الغلا

سلااااااااااااااااااااام

[أبو فهاد]

اقتباس المشاركة الأصلية كتبت بواسطة الونيس .................................................. ...... والرجال ماتعلم الكوره الا على يدك بس معقوله كان يلعب مع مصاريا عندنا بالخفجي عموما جزاك الله الف خير لتعليمك لهذا الرجل وبصماتك واضحه على لعبه وشخصيته في الملعب.... اخيرا لا يسعني إلا ان اتقدم لكم بجزيل الشكر والعرفان لك كل الغلا سلااااااااااااااااااااام

هههههههههههههههه ... الله يلعنكم ...



أنا أشهد إنكم حقين " قصب " ... !!




أجل هكاليوم أنواااااااااااااااااع الحش .. !!






المصارية ... بسم الله الرحمن الرحيم ... وش جاب هالسالفة القديمة اللي ماهي صحيحة أبد أبد ...




وش هالإشاعات يا شباب ...

[نواف الفهاد]

تسلم ..
تسلم ..
تسلم ..
ويسلم راسك .. ولا تهوووووووون .. !!
يا بعد راسي .. يا سعد .. !!
بــ جدة .. وطفشان ..
ودخلت المنتدى .. ولقيت قصيدتك ..
وأسفهليت بــه .. !!

الله يسعدك .. وين ماكنت .. يــ الغالي ..
والوافي .. مايجيب إلا .. القصيـــــــدة الوافيـــة .. !!

/
\

لك كل الغـــــــــــلا ..
سلالالالالام .. !!

[الونيس]

هههههههههههههه

والله يابو فهاد مو انا سعد اللي فتح الموضوع

وانا رجال صدقته تقولي ليش اقولك لانه رجال

من خيرت ربعه ورجال صدوق ....

بس صراحه عليه قصب مو صاحي ( ولعتها بينكم )

لكن يابو فهاد انا لي وجهة نظر للموضوع

دائما البدع اعدائه كثير واللي يتمنون ياصلون

مواصيله اكثر

لكن العين ماتعلى على الحاجب يالذيب

بس وش رايك بلعب الرجال..

لك كل الغلا انت وابو فريج والرجال وكل اعضاء هذا المنتدى

كونو بخير

[عواد العنزي]

اقتباس خلهـا ترعـى زهـر ويحلّهـا الحلاّلـي ...........................................كل كربـه لـو تطـول ايامهـا محلولـه والهبايب لـو تهـب بغترتـي وعقالـي .........................................بين ربعي والله اني مثـل ريـّس دولـه

ياسـعد جـتـنـا الـهـد يـة ياسـعـد يالـغـالـي

...............................................وال ـهـدايـا ياسـعـد من عـنـدكـم مـقـبـوله

ياسـعـد قـدرك كـبـيـر ومـنـزلـك بالـعـالـي

.............................................والـو فا لأهـل الـوفـا يـاسـعـد مــقــيـــوله


سعد فريج

هلا وغلا بالغالي

الف شكر على أهدائك الرائع

وقصيدة في قمةالروعه

صح لسان الشاعر وصح لسانك

وتقبل مني كل الحب والاحترااااااااااام

[الجوووري]

هلا غلا سعـد

صح السانك اخوي على القصيده الرائـعه

يعطيك العافيـة

[سامي الشمري]

ياسعد لو طاوعك قلبك تشد الرحالي

............. صوبنا يا سعد جيتك مقبولـه

شوفتك تسعد القلب . و تطرب المغتالي

....... في سجونه يضحك لشوفك و السنين تطوله

صف جنبي و أنا جنبك و العقل ميالي

......... شيل بأعلى الصوت " شيلوا سامري" و نقوله

و أنا أرددها وراكم يا لا لاه يا لا لالي

.......... دق طارك يا سعد و أطرب المهبوله

........................


ســعد ..
و الله نورت الخفجـي ..

سامحنـا على القصـور ..

تحياتـي لـك [b]

[صريح جدا]

صح لسانك


قاط وجهه مع انه ما أهداله الشاعر القصيده



اللي عطاكم بكريك يعطينا بملعقه


ههههههههههههههههههههههههههههههههههه