طبعاً لاتستغربون لانه في يوم من الايام عزمني صديق لي يعمل في حديقة الحيوانات بالملز بالرياض وقال لي يابووصال تعال امشيك على حسابي وابي اخليك تعيش يوم ماتنساه قلت يالله ..... وقفت سيارتي ويوم دخلت الا واشوف الحيوانات ياكثرها يمين ويسار قلت ابي اشوف اكبر عرين .... تعرفونه طبعا الاسد يوم جيت عند القفص الا ثلاث لبوات مجتمعات وكل وحده تناظرني بعين غريبه ... قلت ياساتر وامسك يد صديقي وقلت تكفا فكني منهم قال ماعليك مايسوون شئ المهم دخلني داخل القفص وجلست اتمشى قدامهم انا والمروض قلت ياخي ماتخاف منهم .... قال شوف اللبوه ماراح تجيك وانا معاك ... اللي شدني كل لبوه داخل صندوقها اللي هو مكان نومها تشوفني اذا قربت لوحده يصيبها فضول تبي تعرف وش راح اسوي معاها حتى تعرف كيف تتعامل معاي طبعا كانت كل وحده مجهزه نفسها مسبقا للرد باي وقت..... شوي الا قرد ياحليله جاك مكيم يمشي طبلونه .... قالوا هذا هو راس الصجه واللجه عندنا مبتلشين فيه طلعت من القفص وانا اناظر للبوات ولسان حالهم يقولون لي ..... أه لو انك لحالك .... عندها قدرت صديقي الذي معي وقلت له قد شوقتني لإجل ان أتي مرة اخرى ولكن الى قفص اخر ..... دقيت سيارتي سلف ومشيت وعيوني بعيون اللبوات مانسيتها....
هي طبعا يمكن دقايق اللي قضيتها بالحديقه لكن تدرون ايش اللي المفروض يصير ...اغلب الناس يقضون اوقات حلوووه ولكن تضيع من ذاكرتهم بسرعه ...لان كثير من الناس يفوتهم نصيبهم من السعاده ليس لسبب انهم لم يجدوها قط .. بل لانهم لم يتوقفوا للاستمتاع بها..معظم الوقت الذي يضيع منا يضيع على هيئة دقائق وليس ساعات حيث يضيع الشخص العادي على مدار عشر سنوات دقائق كثيره من عمره تكفي لحصوله على درجة علميه من الجامعه .....
وانا قد اضعت دقائق من حياتي
المواضيع المتشابهه
العرض العادي
