قصــــة ضيــاع مبـــارك

[احساس رسام]

قصة ضياع مبارك

تعلمون جدا ان السبب الرئيسي الاول في ضياع الشباب هي التربيه تربية الاسرة لابنائها فما ان تختل شروط ومقومات هذه التربيه حتى يختل الشاب وينحرف عن طريقه والانحراف هو التشعب الى عدة طرق مااطيل عليكم نبدأ بقصة مبارك ....

مبارك شخصية ماهي وهميه مبارك كان من اعز اصدقائي وكنت اعتبره اخوي وكنا طول الوقت مع بعض مايفرقنا الا البيت وكنا اذا رحنا للمدرسه الصباح نتواعد عند البوفيه ونروح مع بعض وفي الفسحه مع بعض ودائما نكون قريبين من بعض حتى في الافكار واذا صار لواحد منا مشكله نحلها سوا او ندخل فيها سوا المهم مرت سنين واحنا اعز اخوان وكبرنا وتغيرت بنا الاحوال فمبارك تأخر سنه في المتوسطه وانا نجحت ورحت للثانويه وقلت طلعاتنا مع بعض لأن مبارك ترك المدرسه وراح لمنطقته في الجنوب وجلس فيها قريب 6 شهور وتعودت على فراقه المهم رجع مبارك من الجنوب وتقابلنا ويامحلاها من مقابله بعد غيبه طويله وكان اول ماشافني جلس يضحك ويضربني ضرب معاتب ليه ماتتصل وانا ارد عليه انت اللي ليه ماتتصل المهم رجعنا نطلع سوا وكان هو معه شباب مااعرفهم اول مره اشوفهم وسلمت عليهم وعرفني فيهم قال هذا فلان وفلان وفلان من الجنوب بس صاروا يشتغلون هنا مع الجيش المهم اشكالهم الله لايوريكم تجيب المرض اشكال مجرمين بعدها عزمته واعتذر بحجة انه مشغوووول وراح مع اصدقاءه اللي من الجنوب وبعدها ماصرت اشوفه الا مره في الاسبوع وأحيانا مره في الاسبوعين وبعد فتره اشتريت سياره وكثرت طلعاتي من البيت وصرت اكثر شيء احووووم حول الكورنيش مثل باقي الشباب وكل مره اروح للكورنيش اشوف مبارك فيه واكتشفت اخر شيء انه معسكر هناك مع اخوياه ولقيت معه غيرهم وكانوا شله المهم قابلته وبارك لي مبارك على السياره وركب معي وصرنا ندور في الكورنيش ونتمشى المهم قلت له مبارك انت وش اللي غيرك عني اول مانقدر نفترق عن بعض نروح ونجي مع بعض انت شايف مني شي او انا اخطيت عليك بشي قال لا والله بالعكس انت اغلى واعز خوي خاويته في هالدنيا المهم حاولت اعرف السبب اللي يخليه مايتصل فيني دايم وفيه سبب ثاني كل ماجلست معهم في الجلسه على الكورنيش كان دايم يحاول ماتكون هناك معرفه بيني وبين اخوياه وماعرفت السبب المهم جاني مره وانا في بقالة الحاره وكانت عيونه حمراء دليل على انه كان يبكي فارتعدت وخذيته بيده ورحنا بالسياره وسألته وشفيك قال اخوي يقصد اخوه اللي هو ساكن عنده لأن مبارك نسيت اقولكم هو ساكن مع اخوه وابوه متوفى واخوانه الباقين في الجنوب وماله الا الاخ هذا في الشرقيه وهو ساكن عنده وامه عنده فلهذا السبب كان مبارك موجود عند اخوه اللي في الشرقيه المهم قال اخوي ضربني وطردني من البيت وقال لا أشوفك في البيت وان شفتك ذبحتك لان مبارك كان يتأخر في الليل لما يرجع البيت واخوه كان شارب لان اخوه والعياذ بالله سكير والسكير تعرفون دائما ماتكون مشاكله مع اهل البيت فكان يكره مبارك اخوه كره العمى والسبب لااعلمه الا الان فقلت لمبارك هونها وتهون انت من اليوم تنام عندي لما تهدى الاوضاع وتقدر ترجع للبيت حاولت فيـــه اليــــن وافق ورحنا انا وهو للبيت وكان محبووووب للوالد بشكل غير طبيعي واخواني بعد يحبونه مووووووت لأن هو كانت فيه صفات ماهي في مخلووووووووق المهم حلف عليه الوالد انه ينام عندنا وعرف الوالد مشكلته مع اخوه وابوي يدري ان اخوه سكير فقال اي شيء ياولدي تبيه قل لي المهم جلس عندنا يومين وبعدها رجع للبيت وتراضى مع اخووووه والسبب كان انا قابلت اخوه في محطة البنزين وتفاهمت انا وياه وقال خلاص خله يرجع للبيت ورجع مبارك وصار كل يوم يجيني واروح انا وهو نتمشى وماعاد صرت اشوف اخوياه هذولاك مدري وين راحوا وبعد فتره دق مبارك على جوالي وكان وقتها شتاء وبالليل وقال تكفى الحق على انا في الشارع الفلاني بسرررررررررررررررررعه تعال وانا اللي اطير بالسياره واول ماوصلته ولا مبارك وجهه كله دم وانا اطمر من السياره سلامات وشفيك قال اخوي ضاربني بحديده في راسي وطردني تكفى ودني المستشفى وطيرااااااااان للمستشفى وسين جيم وش السالفه قلنا نلعب كوره وضرب السياج المهم رقعناها وهم اللي يخيطووون راسه 4 غرز وبعدها حلفت عليه مايروح لبيتهم ويروح معي البيت وصار يقول لي انا مستحي من ابوك المهم غصبته اليـــــن راااح معي وبعد ماقلت لابوي السالفه قال والله ماعاد تروح لبيتكم تبي اخوك يذبحك اقعد عندنا ياولدي مثلك مثل اخوانك الباقين وانت حسبت ولدي المهم جلس عندنا شهرين في البيت وصار منا وفينا لدرجة ان ابوي مايطلع ويروح للبر ولا يسافر الا مبارك معه وتعود الوالد على مبارك وعلى سوالفه وكان يقول لي انتبه له لاينقصه شي وانا من غير مايقول اخووي مبارك مايحتاج لي توصيه عليه وبعد ماجلس عندنا شهرين جاء عند الوالد وقال انا لقيت لي وظيفه في الدمام ابشرك وانا ابي التفت لمستقبلي وبعد المووووت قدر يقنع الوالد وودعنا وراح للدمام وبعد فتره انقطعت اخبار مبـــارك وسألت عنه وماحد جاب لي خبر عنه المهم رسبت انا في الثانويه ورحت ادرس في منطقه تبعد عن منطقتي 200 كلم علشان االدراسه فيها دجه قصدي سهله ودرست ثاني ثانوي هناك وصار رجوعي لأهلي قليل وصارت الفترات طويله بين كل مره اجيهم وارجع وبعد اختبارات الفصل الدراسي الاول رجعت لمنطقتي عند اهلي وكنت مشتاق لهم مررررره ومشتااااق لشخص اظن انكم عرفتوه من كثر مارددت اسمه في هذه القصه مايحتااااج اقول اسمه وصرت اطلع ادور له الكورنيش والاماكن اللي يتردد عليها مالقيته وجلست يومين وانا ادور عليه مالقيته المهم بعد يومين وفي الليل وكنت اتمشى لحالي في الكورنيش وكان الكورنيش فاضي مافيه الا سيارتي وسياره هناااااااك بعيده وتأخر الوقت والا واحد جالس على الرصيف واطالع والا الشكل مو غريب على واقرب والا كأني عرفته مبـــــــارك واوقف السياره وانزل عليه وانا مبتسم احسب انه عرفني واقرب منه مبارك مبارك ومارد على واقرب وجهي من وجهه واقول له وشفيك يامبارك فيك شي قل له ويرد على برد غرررررررررريييييب وصوت اغرب وطريقه صدمتني ماعرفت وش اسوي وقتها رد على مبارك بلساااان ثقيل مرررره وهو يتمااااااايل وكان لايستطيع السيطره على نفسه تدروووون وشفيه انا والله بقول لكم وشفيه كان سكرااااااان وياكبر صدمتي فيه وصرت ماأعرف وش اسوي وفكرت شوي وقلت خلني اخذه واخليه يصحى وبعدها افهم منه وش السالفه وركبته السياره وكانت ريحته كلها خمــر وكان سكرااان مرررره ومايقدر يمشي ولايتحرك ركبته السياره ورحت لواحد من أصدقائي الغالين عندي واللي يكتمون السر وتعتمد عليه رحت له ووقفت عند بابه ودقيت عليه وكان مبارك في السياره وفتح الباب ورحب فيني ياهلا ويامرحبا وينك قلت خلنا من هذا كله مبارك معي في السياره والسالفه كذا كذا كذا قال افا ومدري وش قال قلت خل هذا كله بعدين انا متأكد ان السالفه فيها شيء مبارك ماهو كذا المهم قال خلاص انت ادخل انت وياه الغرفه وانا بروح ولا تقول له اني شفته بها الموقف قلت خلاص راح خويي ورحت وشليت مبرك ودخلته الغرفه ودخلته الحمام الله يكرمكم زرشيت راسه بالماء وحاولت اصحيه تقريبا ساعه وبعدها صحى وصار يبكي وقال انا اسف انا ماابيك تشوفني كذا وصار يقول سوالف عنه وعن اخوياه وانهم هم الي خلوووه كذا وانا كنت امنعك منهم لانهم رايحين فيها واهل حبوب وحقين شراب المهم عرفت السر الحين في طريقته ومنه اياي من مخالطة اصحابه وتكلمت عليه وقلت له من اليوم انت من طريق وانا من طريق المهم رحت وخليته ابيه يندم ويدق على ماندم ولادق المهم تركته وصارت مده ماشفته فيها ورجعت للمطنقه اللي ادرس فيها وبعد اسبوعين بالظبط من رجعتي وفي الساعه 7:30 بالليل والا الرساله اللي جتني وش تقول جتني رساله عمري مانساها في حياتي لدرجه اني الا الان اذا سمعت نغمة رسائل الرهيب تذكر الرساله هذي جتني رساله مكتووب فيهاا اتعس خبر في سمعته في حياتي رساله ماصدقتها الا بعد ماتأكدت من الخبر ورحت وسمعت وشفت بعيني الناس اللي متأثرين بالخبر نص الرساله يقول نغمة الرسالة ((( تيــــت تيـــــت .... الرسائل الواردة: 1 ... فتحت الرسالة (( ترا مبارك انتحـــــــر ادع له بالمغفرة )) تأملت الرساله شوي وطالعت بالرقم الا الرقم رقم واحد مااخوياي الثقه ومايمزح في هالسوالف دقيت عليه رد الو... السلام عليكم ... وعليكم السلام كيفك بخير وش السالفه قال انا ماقدرت اقول لك الخبر بنفسي لأني عارف غلاته عندك مبار انتحر وش تقول قال جاك الخبر ادع له بالمغفره كيف وليش ومتى صار ماقدرت اكمل المكالمه وصارت الدنيا تلف واتدور فيني طلعت من بيت خالي لفيت الشوارع كلها وانا افكر وش السالفه وليه وكيف انهالت على الاسئله من كل الاتجاهات ماقدرت ارد بجواب واحد فعزمت اني امشي واروح اتحقق بنفسي مشيت وكان الطريق طوييييل مرررره وصلت للبيت دخلت على امي استغربت من مجيئي عسى ماشر ياولدي قلت ابد اشتقت لكم ويوم واحد غياب اللي هو الاربعاء مايفرق نمت بعد تفكير عميق بالخبر وبعدها صحيت الصباح اتصلت على اصدقائي وجاءوني وفعلا طلع الخبر صحيح سألت طيب ممكن اعرف وش الموضوع قال واحد منهم انا اقول وش السالفه قلت وش السالفه قال :
مبارك كان الفتره الاخيره دائما بعيد عنا وكنا نسمع عنه اخبار ماهي طيبه وكان سيرته كلها رايحه فيها ينام في الشوارع وفي المساجد وكانت حالته صعبه مررررره وبعدها صارت له مشكله مع بعض الشباب في الكورنيش وكان متعاطي كميه كبيره من المخدر ادت لفقد سيطرته على نفسه وسببت شجار بينه وبينهم واخذ سكين وطعن احدهم واصابه اصابه بالغه وحجز على اثرها وهو في الحجز اتاه اخوه وضربه في الحجز وقال له والله لااقول لامك انك مدمن مخدارت واخليها تموت حسره عليك وكان مبارك يحب امه مررررره وطلع اخوه وصار مبارك في الحجز زي المجنون يصرخ بأعلى صوته طلعوووني ترا بذبح نفسي والله لاذبح نفسي طلعوني ابي اشوف امي وصار يبكي يمه يمه ابي امي ترا والله لااذبح نفسي ماأحد عبره المهم بعد فتره ماأحد سمع له صوت وفجأه كان معه فلبيني في الحجز يصرخ وينادي على العسكر اول ماجاو العسكر ودخلوا الحجز ولقوا مبارك في الحمام ........... شانق نفسه بحزام الفلبيني وميت اااااااه يامبارك ليه ليه يامبارك ياخي انت مسلم بس خلاااااص ماينفع الصوت صار اللي صار وانتحر مبارك والله رحمته واسعه ان شاء الله وكبيره والله يغفر له هذي قصة مبارك اللي حاولت اكتبها بأسلوب يوصف معاناة هذا الشاب ولكن هذا اللي قدرت عليه واذا هناك بعض الكلمات الغير مفهومه فاعلموا اني حاولت بقدر استطاعتي بأن اكتب باللغه المفهومه والله يرحم مبـــــارك برحمته وان يصلح شبابنا ويهديهم الى صراط مستقيم ......

هذه القصه واقعيه حدثت في عام 2002 وباقي التفاصيل احتفظ بها للخصوصيه ...

[ماجد المري]

احساس رسام

قصه حزينه بكل ما تعنيه الكلمه من معنى .. ومؤثرة إلا حد البكاء

الله يغفر لمبارك ويصبرك .. ما أقول إلا الله لا يبلانا

كثر الله من أمثالك الأوفياء وكتب الله أجرك

ما أثر فيني في هذه القصة .. أن مبارك وبالرغم من سقوطه في فخ الإدمان إلا أنه كان حريصا على عدم وقوعك فيه

رحم الله مبارك رحمة واسعه وغفر الله له فإنه غفور رحيم

تقبل تحياتي

ماجد المري
_-_ الخطر _-_

[احساس رسام]

مشكور اخوي ماجد على التحيه وعلى ردك الجميل فعلا كان مبارك حريصا على من السقوط معه في هاويته وفي نفس الوقت مااقول الا الحمد لله الذي انعم على بالتربيه الصالحه من اسره صالحه تعم فيها الاجواء الدينيه والاخلاق الحميده فاأنا اعيد واكرر ان السبب الرئيسي الاول في صلاح الشباب والشابات هم الاسره فمبارك لو لقي التربيه الحسنه والمعامله الطيبه من اخوه لما ادى به المطاف الى الشوارع في البيت هو حصن حصين من منجنيقات الادمان والجرائم والفساد واسف على الاطاله لكن الموضوع لم اكتبه لمجرد قصه مؤلمه فقط انما للعبره ومعرفة اسباب انحراف شبابنا والموضه الجديده وهي الانتحار التي لم نكن نسمع بها في ارضنا الطاهر من قبل واعتذر مره اخرى على الاطاله اخواني واتمنى ان تكون مادتي وصلت بما اريده من قصد وفائده وعبره....

[أحمـــد]

السلام عليكم ورحمة الله وبركاته ,,,


أخوي اٍحساس رسام القصه مؤلمة وواقعيه فعلا وقد تحصل وحصلت للكثير ....



ولكن المفروض ان يكون ايمان الانسان بالله قوي ويتوكل عليه في كل الامور ....



رحمة الله واسعه الله يرحم مبارك





.................................................. ...........







هذي بيني وبينك لاحد يقراها




صورة الشخص اللي بتوقيعك مو غريب علي !!!!



مشبه على واحد ؟؟؟











THANK YOU ALL

[احساس رسام]

يخلق من الشبه 44,44 يمكن شايفني في لندن ولا زيوريخ ولا وحده من دول اوربا لاني دائما تلقاني مطيح هناك بحكم ظروف البزنس ياهوووو كذااااب <<<<<<<<<<< المهم ماعلينا في اي صبخه شايفني قصدي في اي منطقه اذا عرفتني دز لي رساله خاصه ترا الاذان لها جدراااان وشكرا اخوي على ردك وجعنا واياك من الذريه الصالحه ورقنا واياك بالذريه الصالحه ....

[نواف الفهاد]

الغــالي ..
إحســـاس رســام .. !!

/
\

قصة تجتث كل الفرح ..
من القلوب .. !!
رحم الله مبــارك .. وغفــر له .. إسرافه ..
وجزاك الله كل خير ..
وأصــلح بالنا .. وحالنا .. وكل المسلمين ..!!!

/
\

لك كل الغـــــلا ....
سلالالالام ..!!

[الدووووخي]

الله يرحم مبارك ...

ويغفر له ان شاء الله ...

والله يسعدك اخوي رسام ولاتشوف مكروه ...

[احساس رسام]

جزاكم الله خير اخوي ابو فهاد والامير .... وجعلنا وأياكم ممن يحبهم الله عز وجل ومن المغفور لهم بأذنه ...

[حنين]

قصه حزينه

والله يرحم مبارك


مشكور احساس رسام