(((تجهليني)))
تجهليني ؟
من متى؟
مامنعتك تسأليني
عن أي شي
كل شيٍ تعرفينه
ماهو صعبٍ تفهميني
وش بقا ماتعرفينه؟
عن عمري وكم سنينه ؟
أو قلبي لمن حنينه ؟
تعرفيني
مابه شيٍ تجهلينه
*****
في سكوتي يكون صوتي
في حياتي شفت موتي
بسكة الحب اللعينه
من مشاها زاد همّه
من تركها شاف غمّه
من مشاها ثم تركها
حزن واضح في جبينه
وكلمته غصت بفمّه
عيشته قهر وغبينه
*****
ومن تركها ثم عاد ومشاها
دايماً محروق دمّه
ينسى إنه في مدينة
ينسى بعض أحيان أمه
وين صدر اللي يلمّه ؟
في هدوء وفي سكينه
*****
تجهليني؟
كنت أظن إنك فطينه
وخاب ظنّي
للأسف منتي أمينه
إنكسر وجه التمنّي
وصد عني مو لأني
قلت انتي نور عيني
وان قريتيني إكتبيني
لااااااااااااااااااء ...
تدرين وش بيّح كنيني ؟
ناويه انتي تشطبيني
في عذر ملعون جدّه
بداية أسباب النهايه
وخايفه لا تجرحيني
يوم قلتي تجهليني
*****
إسمعيني
حبك الله لا يردّه
وقبل لانتي تشطبيني
هنا لازم تعذريني
الرجا لا تذكريني
وإعرفي انك نقطه سودا
مرت بعاصف سنيني
واعرفي اني قد سبقتك
وشطبتك وانتهيتي
من حياتي قبل مده
تفهميني ؟
العرض العادي
