ذمّتي منك بريّه ... مانـي بناقـص ذنـوب !!!

[أبو حاتم ..!]

//

ماقل دل وزبدة الهرج نيشان !!


//


توكلنا بالله !!



//





يا صمودي كل ما هبت من الماضي هبـوب
........................................يا وجودي كل ما صار الهوى مثـل السـراب

لملمي باقي غرامٍ ... في خيالاتـي يجـوب
.......................................واتركيني بس أفكّر وش سبب طـول الغيـاب

أحرق أنفاسي بنفسي وأشعل اهمومي وأذوب
........................................وانطفي وأبقى وحيدٍ..فـي غياهيـب العـذاب

واجمع أوراقي واصدق كذبتي واذنب واتوب
.......................................واهدم احلوم مداهـا بالهـوى حـدّ السحـاب

ذمّتي منك بريّه ... مانـي بناقـص ذنـوب
....................................والخطيّةماتموت ان صار جسمي مـن تـراب

اسرج خيولي ... ولكن علّتي عند الركـوب
.......................................ياعذابي من عنـا لـك لا يخـاف ولا يهـاب

قمت انادي لك بصوتٍ شاحب ووجهٍ شحوب
.................................وادري انّّك ما سمعتي وانّ ما عنـدك جـواب

صارت اسهوم التجافي ترتمي من كل صوب
....................................واحتمي منها بكفِّـي قبـل تلقينـي مصـاب

والله انِّك لو فتحتي لي على النِّكـران بـوب
.....................................ما يثنِّـي خطوتـي عنّـك ولا مليـون بـاب

لكن.. ادري بالحقيقه تالي الشمس الغـروب
..............................وتالي الحب الوداع .. وتالي الكذب الخـراب

ما كذبتي.. وان كذبتي.. فالغرام اكبر كذوب
............................أعرفك وانتي حقيقه..واعشقك واثرك سـراب

ريِّحيني واستريحي واستري بعض العيـوب
..............................وارحلي دامك عزيزه والزعـل فينـي عتـاب

وارحلي دام المواجع توّهـا تـرْفٍ لعـوب
...............................الجهاله تفقِـد الصـادق مكاميـن الصـواب

انتي اللَّه لايهينك واصلـي ذيـك الـدروب
..........................امّـا انا رجلي تمادت تمشـي ادروب الصِّعـاب

عزوتي بالحب قلـبٍ كـلّ مايخطـي يتـوب
............................لكن احساسي تعزوى بالأمانـي ليـن خـاب

وش بعد حلمي وحلمك من مسرات وكـروب
..................................حبّنـا كنّـه صغيـرٍ عذَّبـه وقتـه وشـاب

انتظرتك لين فـارق لـذّة النـوم الهـدوب
...........................وابتديت اطوي غرامك صفحة بآخـر كتـاب

واللَّه انـك ماتلاقـي بالشمـال وبالجنـوب
.........................عاشقٍ يوفي... وخلّه من صنوف الحب تـاب

كيف اتوب اليوم منّك..علميني كيف اتوب؟؟
.............................وانتي بقلبي خطيّه مـا بهـا ذنـب وحسـاب

ما بقى لي غير رجوى عالـمٍ كـل الغيـوب
..........................والتقي غيرك حبيبه تجبـر القلـب المصـاب

اسعد الله قلبي اللـي كـلّ ماهبَّـت هبـوب
........................قام يصبر دون يدري وش سبب طول الغيـاب


وسلامتكم !!


الشاعر // فيصل بن محمد ..

[أبو فهاد]

ـ
ـ


هلا أبو فريج .. !!




صح لسان الشاعر ... !! وتسلم على هالنقل الحلوووووووووو ...





ولا تقطعنا من اختياراتك ... والقصائد اللي تمتعنا به دائماً ... !!







ولا خلا ولا عدم إن شاء الله ..

[سامي الشمري]

غالي ,,
و لا تجيب إلا الغالي ,


سعد


تسلم يمينك على النقل


تحياتي لك

[بقــ جروح ــايا]

سعد الغيثي...

أختيارك للقصيده رائع...

ونقلك لنا القصيدة هو الأروع...

أخوي لا تحرمنا من تواجدك...

ومن إبداعاتك..




ودمتم سالمين

[نواف الفهاد]

:
:

سعـــــد .....!!

:
:

بـــ ذمتي ... أنت ... راااااااااائع ...!!
تقول لي .. وشلووون .. ؟؟
أقول .. لك ... ذوقك .. دووووووووم ... يأخذنا ... بـ الطيب ... وإلا .. بـ القوة ...!!

:
:

سعــد ...!!
هنيالك .. بــــ الذوق الحلو ......
والله .. لا يحرمنا .. من حضـــورك ...
ياقلب نواف .. أنت ..!!

:
:

لك كـــــل الغــلا ...
سلالالام ...!!

[الدووووخي]

هلا وغلا بسعد ...

صح لسان الشاعر ...

وتسلم ياقلبي على النقل الراااائع والمتميز ...

لك كل الغلا ...

[العطر]

اخوي سعد

لك كل الشكر على الاختيااار الرائع

[أبو حاتم ..!]

ابو فهاد // سامي // بقايا جروح // نواف الفهاد // الدوخي // العطر !!!




عسى الله لا يخليني منكم ،،، ومروركم زادني شرف !!!